أستاذي المتدين🤎مكتملة🤎

🤎الجزء 45🤎

⚜البارت : 45⚜
عيتاب لي من بعد ما جمعات شكارتها خرجات من الدار سورتات الباب وهي تركب وكاتشوف فبدر
بدر : ( كايبتاسم ) والله الى نهار كبير هذااا ..... اواا شنقول ليك هه كبرتي وبغيتي دير عائلة حتى نتا وانا ما عليا غير ندعي معاك بتيسير الأمور ويجعلها عليك عتبة مبارك يارب .....ههه وا ضروري راك خوياااا قبل صاحبي ....كون هاني غادي نجي نحضر لفرحك ......يالله بسلامة تهلا فراسك

قطع الخط وهو كايبتاسم وموجه النضر لعيتاب لي ما ماسوقاش ليه منغامسة فتيليفونها
بدر : ( مديماري لوطو وهو كايهضر ) واحد صاحبي عندوو عرس غدا وعرض عليا نحضر
عيتاب: ( طفات التيلي ) مبروك عليه
بدر : وجدي راسك غادي نديك معايا
عيتاب : ( شافت فيه مغوبشة ) وباشمن صيفة تديني حماقيتي واقلة
بدر : ( بتاسم حتى بانو ليه الغمازات) خطيبتي وقريب تولي مراتي الحمقة
عيتاب : ( تكات على الكرسي وهي كاتحك فجبهتها ) ما فياش لي يمشي غير سير بوحدك
بدر : الى ما مشيتيش معايا ما نمشيش
عيتاب: والله ما عندي الكانة لشي عرس غير سيري ياك صاحبك هداك مجاتش ماتمشيش
بدر : صحابي يجيبو معاهم محارمهم وانا نخليك فدار مجاتش خاصك تفوجي وتبدلي الجو شوية
عيتاب : وخا اخويا نمشي معاك
بدر : قولي ليا عشيا معاش قارية ؟
عيتاب: من زوج لخمسة
بدر : وغدا ؟
عيتاب: قارية الصباح سعتين ديال الصيونص صاف
بدر : مزيان عشيا غادي نجيو نطلبو يدك من عند جداك على سنة الله ورسوله غدا إن شاء الله مع الربعة ديال العشيا نمشيو ناخدو خواتم الزواج
عيتاب : ( ميقات فيه ) ما بانش ليك زربتي عليا ؟
بدر : ( باقي صايك وكايدوي ببرود ) وعقد القران السيمانة الجاية
عيتاب : اويلي واااااش داويييي من نيتك ولا شنوووو لا لا بان لياااا تحمستتييي وبزااااف
بدر : ( حبس لوطو ) ومني معاجبكش علاش قبلتي تزوجي بيا ؟
عيتاب : تصحابني معشوقة فيك راه غيير على قبل الميمة ( حلات لباب وهي تنزل زادحاه من وراهاا )
بدر : عيتاب رجعي ديه معاك حسن ( ضحك عادي ) أستغفر الله العظيم
من بعد توجه دخل لوطو لليسي أما شي بنات فبقاو حاضين الوضع
البنت 1 : تصدمت أصحبتي
البنت 2: ولكن كفاش البلان مزال ما كملاش شهر باش دخلنا طارت به
البنت 3 : يقدر شي حد من عائلتها مالكم عقلكم كايمشي بعيد
البنت 2 : سكتييي سكتي حتى نتي داك الرديخ ديال الباب ما تديروش مع ولاد العائلة
البنت 1 : ( ضحكات ) باينة كواها وما كملش ليها الخلاص داكشي علاش
البنت 3 : سكتو سكتوو من التكح****بين منيتك مشيتوو حتال لهذاك وبيغتوو توسخو ليه سمعتوو والله حتا عيقتوو
البنت 1مع 2 ضحكوو : هههه تي مالكي تبدلتيييي مالفة نتي لي تجبدينيا