أستاذي المتدين🤎مكتملة🤎

🤎الجزء 54🤎

☄البارت : 54 ☄

دازت سيمانة على خطوبة عيتاب
عيتاب لي ما بقاتش كاتمشي ليسي أما بدر هو وعزيزة مرة مرة كايمشيو عندها ... عيتاب كانت جالسة فصالة حدى السعدية حتى كايرن ليها التيلي هزاتو شافت شكون المتصل وهي تجاوب
عيتاب : سلام ياسين لباس عليك ؟
ياسين : حمد الله أختي ونتي فين هاد الغبور علاش ما بقيتيش كاتجي ليسي ؟
عيتاب : والوو غير مابقيتش باغا نقرى وصاف
ياسين : شوفي نتلقاو فالكافي لي حداكم تماااا ضروري خاصني ندوي معاك
عيتاب : وخا عشرين دقيقة نكون تما
.....قطعات الخط
السعدية : معامن كتي كاتدوي ابنتي
عيتاب : مع ياسين قالي نتلقاو فالكافي لي حدانا
السعدية : وعلاش مايجي لدار ابنتي راه راجلك ما يبغيش
عيتاب : ( ناضت وقفات ) يمشي يعاود لراسوو هداك حتى هو وزايدوون ياسين راه خوياا ... لمهم هاني مشيت

مشات طلعات لبيتها بدلات حوايجها لبسات سروال دجين بيض مع قبية فالزرق وفرجليها لبسات ليبوط كحل
يالله كانت خارجة من بيتها وهي تشوف فإديها نطرات الخاتم وهي ترميه فوق السرير وخرجات
من بعد خدات تيليفونها وسكادو الكحل ديالها وهي تخرج
🍃🍃🍃

وصلات لكافي دخلات كاتشوف فأرجائها من بعد ما لمحاتو توجهات لعندو وهي تجلس مقابلة معاه
ياسين : لباس عليك ؟
عيتاب: حمد الله أخويا ونتا !
ياسين : الحمد الله .. قولي ليا شنو سبب لي خلاك تخرجي من القرايا ؟؟ واش نتي بعقلك..!!
عيتاب : ( رجعات شعرها ورى ودنيها ونطقات ) رشقات ليا وصافي .. اواا قلتي ليا بغيتيني فشي موضوع هانية ؟
"يالله كان غادي يجاوبها حتى بدى تيليفونها كايرن شافت شكون لقاتو بدر من بعد طفات تيلي "
ياسين : شكون صونا عليك
عيتاب : غير ساعة لي صونات ...
ياسين : لمهم القرايا خاصط ترجعي ليها ضروري .. واش حتى بقات ليك خطوة وتسالي من الباك وخرجتي
عيتاب : القرايا مغاديش نرجع ليها حيت صافي خديت القرار
ياسين : وااش هبلتي ولا مالك قولي ليا السبب الحقيقي لي مخليييك ما ترجعيش ياك أنا خوك اوا عاودي ليا
عيتاب : مكين والووو اصحبي حتى نتا مالك كاتعقد فالأمور
**
بدر لي كان وصل لدار هبط وهو يتوجه كايدق فالباب حلات ليه السعدية وداكشي لي كانت ما بغاش هو لي غادي يوقع
بدر : سلام خالتي السعدية ..
السعدية : وعليكم السلام اوليدي هانية ...؟
بدر : هانية... عيتاب راها فدار ؟
السعدية : لا اوليدي خرجات
بدر : فين مشات ؟
السعدية : الى قلت ليك اوليدي غادي تقلق عليا عيتاب سمح ليا
بدر : ( عقد حواجبو ) غير قولي اخالتي ماعندك مناش تخافي
السعدية : ( ترددات شوية وهي تنطق ) صونا ليها ولد خالها ومشات تلاقى معاه شوية وتجي
بدر : ( مني سمع الهضرة لي قالت ليه بحال الى كبيتي عليه السطل ديال الما بارد )