أستاذي المتدين🤎مكتملة🤎

🤎الجزء 47🤎

♨️البارت : 47 ♨️
رضى : ( هابط مع الدروج ) لعبتي مع الشخص الغلاط ازين
عيتاب ( كاتشوف فيه مغددة وهي تنطق بصوت شبه مرتفع وفيه نوع من الجرئة ) كايعجبني نلعب مع الأشغاص لي عقلهم محتل المرتبة الآخيرة

هو هبط ما بقاش تسوق ليها أما هي فبقات كاتشوف فيه بضعة من الوقت حتى كاتسمع صوت ما غريبش عليها نطق
بدر : نتي شنو باقي كاتديري هنا ؟
عيتاب : والو غير كنت
بدر : شنو كنتي ؟ راه واقلة غادي تزوري الحارس العام عاد تمشي تقراي
عيتاب: لا مغاديش نزوروو

مشات هبطات مع الدروج متسارعة فخطواتها أما بدر فكمل طريقو ولكن قبل
🍃فلاش باك 🍃
من بعد ما هبطات عيتاب لي أكيد كان عليه خاصو يعرف شنو كانت كاتدير تماك ولي كايقراو معاها كاع دخلو الأقسام! علا راسو فالكاميرة لي كانت مقابلة مع الدروج من بعد نطق
بدر : دبا نشوف شنو كنتي كاتديري فالدروج
🍃نهاية الفلاش الباك 🍃
توجه لإدارة نيشان عند حارس العام دق الباب ودخل ملقي عليه التحية
بدر : سلام وعليكم سي عمر
عمر : سلام ولدي بدر لباس عليك ؟
بدر : ( مد ليه شي وراق كان عطاهم ليه عمر باش يعمرهم من بعد نطق ) الكاميرات لي فليسي خدامين ؟
عمر : نص خدام ونص خاسر الجداد مزال ما ركبناهم
بدر : الدروج لي كايئديو لقاعات 10 و11 و 12 الكاميرة تماك خدامة ؟
عمر : أه هادوك خادمين ؟
بدر : عطيني نشوف التسجيلات ديال هاد الصباح
عمر : غادي توجه عند الناضر هو لي مكلف بالكاميرات
بدر : وخا شكراا
عمر : ولكن علاش باغيهم
بدر : طاحت ليا قبيلا واحد البكية ديال مسامر ديال الكرافوز وبغيت نعرف واش طاحو ليا فالدروج
عمر : وخا ولدي
خرج بدر وتوجه لمكتب فين كاينين التسجيلات دخل وطلب من ناضر يوريهم ليه رجع الوقت من بعد رجع الناضر كايدرس شي وراق مخلي بدر يشوف شنو خاصو
وجه نضرو لبيسي وهو كايشوف فالتلاميذ لي كانو نزلوو والبعض طلعوو وفالنفس الوقت لاحض رضى لي كان واقف فدروج حتى كاتم نازلة عيتاب .. بدر تصدم خصوصاا فاش شافووو جرهاا من درعهااا وباين من ملامح ديال وجهوو كايسبها وحتى فاللحضة فاش نتراط يدها منو
رجع لور عاقد حواجبوو ومخنزر وباينة فيه تعصب من لي شاف 🍃