🌸◇البارت 24◇🌸
مشات السعدية وجدات العشاا ونزلات عيتاب تعشا معا جداتها تعشاو ومشات كل وحدة تنعس
🌤🦋 أصبحنا وأصبح الملك لله🦋🌤
صبح صباح جديد ناضت عيتاب خرجات من الدار و السعدية مشات لعند الطبيب حيت كانت دايرة رونديفو معان وصلات للصبيطار دخلات وتوجهات عندو
السعدية: ( دخلاات وسلامات عليه )
الطبيب : خرجوا التحاليل ولكن مكايبشروش بالخير😔
السعدية: عارفة لي كاين غير قول ليا شنوا فيهم😞
الطبيب: بقات ليك 5 شهور هاد المرض لي عندك مكايرحمش💔 😔
السعدية :( بقات مصدومة مدة قليلة من بعد دوات ) يعني مكاينش علاج ليه ؟
الطبيب: مع الآسف
السعدية: ( ناضت خرجاات من عندوااا) ياربي خليت بنتي بين ايديك
📽📽📽
قدام البحر كانت جالسة ومغمضة عنيها كاتستنشق رائحة البحر وكذالك كاتصنت لصوت أمواجه لي كانت كاتضرب مرة مرة فالحجر وكايرشها بقات على ذاك الحال نص ساعة من بعد فتحات عيونها وهي كاتشوف فالبحر كاتآمل فيه حيت كايحيسسها بالطمئنينة حيت هي من النوع لي عزيز عليهم الإنطواء كاتفضل تجلس بوحدها على انها تجلس فالتجمعات لي فنضرها مضيعة لوقت وإزدياد ذنوب بدون فائدة
ناضت وقفات شافت فساعتها اليدوية لقات 9:30 دقيقة من بعد حيدات صبادري من رجليها حطاتهم فوق الحجرة ودخلات لماء حتى كاتسمع شي حد دوى من وراها
الشخص : ( وقف فوق الحجر تقريبا قريب منها وهو خاشي إديه فجياب سروالو ) كاتباني مهمومة ونتي يالله فعز شبابك
عيتاب : ( تلفتات كاتشوف فيه بتعجب ) سمح ليا ؟
الشخص : ( جلس فوق الحجرة وبدا كايلعب فالما بإديه ) حتى انا كايعجبني نخوي همومي للبحر حيت فالصراحة كانحس بلي هو لي كايسمع ليا بلاما يقاطعني
عيتاب : ( رجعات شعرها ورى ودنيها ونطقات بجدية ) انا ما موالفاش كاندوي مع الغرباء ولكن شكون نتا حيت ما عمرني شفتك من قبل هنا ؟
الشخص : امم ( شاف فيها وهو شبه مغمض عنيه من الأشعة ديال الشمس لي مستاقرة فوجهوو ) محمد من بني ملال وجيت لهنا على قبل شي خدمة ونتي
عيتاب : ( جمعات اديها والريح كايصوت فشعرها ) عيتاب ساكنة قريبة من نهنا
محمد : سميتك زوينة بحالك
عيتاب : ( بتاسمات بالخف) شكراا
"توجهات كاتلبس فصبادري وهو حاضيها "
عيتاب : كاندير فشي عرض سينيمائي حتى حاضيني ؟ ( كاتشوف فيه )
محمد : (ضحك وهو كايشوف فالماء ) نتوما بنات كازة معقدات
عيتاب : وعلاش ختك منفاتحة ؟ ( هزات حاجبها وهي مركزة ليه فعنيه بحيدة )
محمد : ههه ما عنديش ختي
"عيتاب هزات سكادووو ومشات مخلياه حاضيها حتى غفلات على عنيه "
محمد : عيتاب يا عيتاب
أنت تقرأ
أستاذي المتدين🤎مكتملة🤎
Roman d'amour💎مكتملة💎 ❌حصرية على الواتباد❌ 😇رمضان مبارك سعيد أميراتي نتمنااا إدخل عليكم بصحة وسلامة😇 ✨🥂أول حاجة وقبل كل شئ عواشركم مبروكة أميراتي.......🖇️ جينا ولا تتقولواا ماجينا جيناكم بقصة كاتحمل فطياتها أمور دينيا ولي كاتهضر على أستاذ متدين لي...
