أستاذي المتدين🤎مكتملة🤎

🤎الجزء 61🤎

البارت : 61 🥀❤
وصلات العشيا كانت الساعة كاتشير ل 22:11دقيقة جا بدر وهو والعدول دخلوو الصالة لي كانو فيها العائلة .. عيتاب لي كانت فبيتها لبسات جلابة بالبيض ومطرزة بلوان والعقيق دارت زيف بالوردي من فوق شعرها وخا نصو باين ... حتى كاتسمع الدقان عطات الإدن وهو يدخل بدر
عيتاب : ( شافت فيه وهي تنطق ) جا العدول ؟
بدر : أه .. الى كنتي واجدة يالله نمشيو !
عيتاب : أه واجدة
مشات سابقاه حتى شد ليها فيدها مضورها لعندوو هناا قلبها بدى يضرب فتسعين
بدر : صبري فين زربانة ( قاد ليها الزيف حتى غطا ليها شعرها كامل ورجع لور كايشوف فيها هز كلينيكس مسح ليها العكر لي كان فمها ) امم دبا مزيان
عيتاب: صافي ساليتي
بدر : أه ساليت .. المكايج ما تبقايش تيديريه نتي زوينة بلا بيه ..
خرج سبقها وتبعاتوو من الوور حتى دخل الصالة وهي مزال من وراه حادرة راسها ... هنا الزغاريييت تعالاااو فأرجاااء البيت او نقووول فأرجاااء الدار .... توجهووو جلسوو فجنب بعضهم أما العدوول فجلس مقابل معاهم .. بحيت كانت طابلة فاصلة بيناتهم ومحطوط فوق منها فاز ديال الورد ...السعدية كانت كاتشوف فعيتاب ودمووع محجرين فعنيهت من شدة الفرح وحتى عزيزة هي الأخرة فرحانةة....
العدول : بسم الله ( بتاسم ) نبدااو على بركة الله .... ( حل الدفتار لي كان حداه... ولدي بدر اليازيدي قابل تزوج .. بالآنسة عيتاب الناصيري وتعيش معاهاا وتصبرووو على بعضياتكم فسراء و الضراء ؟
بدر :( شاف فعيتاب بحب وبتاسم فوجها لي كاتشوف فيه بشوفات متوترين ونطق بصوت رجولي غليض ) نعم قابل نكون ليها سندها فهاذ الحياة ونكمل معاها ديني إن شاء الله تعالى
"الحضور كامل كايصفق وفرحااااان "

العدول ( كايبتاسم ) .... بنتي عيتاب قابلة تزوجي ببدر اليازيدي وتعيشي معاه فالسراء والضرااء ؟
عيتاب : ( حادرة راسها وكاتفكر كيفاش بين ليلة وضحاهاااا غادي تولي مزوجة بشخص لي كانت رافضاه وحتى لدبا مزال ما بغاتوش جاتها صعيبة ..شافت فالسعدية لي كانت جالسة حدا عزيزة .. من بعد وجهات نضرهااا لبدر لي كايشوف فيها بحب .. شافت فيه بضعة من الوقت من بعد نطقات .. وهي مترددة .