البارت : 58 🍂🤍
كان مقابلها مني خرجات من الدار حتى ركبات فلوطو
بدر : عاد ولات فيك الأنوثة ( بتاسم وهو يديماري )
عيتاب : علاش هاذ اليامات مكانتش فيا ؟
بدر : كنتي بحال شي شمكارة بداك الستيل .. دبا وليتي أنثى باستر لي وصا بيه رب العالمين في كتابه الكريم و الرسول صلى الله عليه وسلم
عيتاب : ( كاتشوف فيه وكاتدوي مهدنة على غير عادتها ) صلى الله عليه وسلم
.....
عند السعدية لي كانت عرضات على عائلة مرات ولدها المرحومة وكذالك عرضات على بعض الناس من عائلتها
🥀🥀
عند بدر وعيتاب لي ستغرقو فطريقهم 20 دقيقة فوصلوهم لمتاجر الملابس وقف قدام قصارية ****** نزل حل لعيتاب من بعد توجهو داخلين توجهو الأول بوتيك ديال ملابس الفتايات ختار ليها على دوقوو
بدر : هاذ الكسوة غادي تجيك زوينة ( هاز كسوة فشيبي ومرسومة فيها بنت فالأسفل )
عيتاب : ( هازة كسوة فالكحل وفيها حزام مبينا مفاتينها) لاء هاذي زوينة
بدر : ( حرك راسو بنفي ) هاذيك غادي تبرز مفاتينك الأنثوية من الأحسن خودي لي ما فيهاش الحزام وتكون عريضة
عيتاب : ما تزيدش فيه عادي
بدر :( خدا ليها ربعة كساوي كل وحدة عندها طابع زوين وبألوان مختلفة ... رمادية وفيها وريدات بالكحل ... زرق ناصح سامبل ....قهوي وفيها شبيكات فأخر اليد ..وحدة كحلة وفيها وريدات بالبيض كاتوسطهم نقطة حمرة ..) معاديش
عيتاب : ( هزات كسوة فالحمر ما فيهاش حزام ) حتى هادي زوينة
بدر : الى كنتي غادي تلبسيها فدار هزيها برى ممنوع
عيتاب : ( كاتدوي عادي ) علاش مالها ياك ما فيهاش الحزام
بدر : داك الون مكايلبسوهش المتزوجات خارج الدار خصوصااا مراتي أنا
عيتاب : اووف عيقتي والله ( رجعاتها لبلاصتها وهو يهزها )
بدر : صافي ناخدوها ليك الى عجباتك ولكن تلبسيها غير فدار
عيتاب خرجات داخلة لبوتيك أخر أما بدر فكان خلص الكساوي ...داروهوم ليه فالساشي من بعد تبعها
عيتاب : ( هازة فيديها سروال خضر مزير من لفووق وعريض من التحت ) غادي ناخد حتى هذا
بدر : صيات والسراول ما خدامينش داكشي غير تخربيق ..مانبغيش مراتي تزوق لغيري
عيتاب : ( غوبشات وهي تحطو ) والله حتى عيقتي ابدر والله مال ( شافت فوحدة غادية وبجنبها شخص باين راجلها ) ومال هاديك لابسة كسوة ومن لفوق معرية شعرها
بدر : ( شاف فيها وهو يحيد نضروو عليها بزربة ورجع شاف فعيتاب ) من لم يغير على محارمه لا ينتمي لفصيلة الرجال ....
أنت تقرأ
أستاذي المتدين🤎مكتملة🤎
عاطفية💎مكتملة💎 ❌حصرية على الواتباد❌ 😇رمضان مبارك سعيد أميراتي نتمنااا إدخل عليكم بصحة وسلامة😇 ✨🥂أول حاجة وقبل كل شئ عواشركم مبروكة أميراتي.......🖇️ جينا ولا تتقولواا ماجينا جيناكم بقصة كاتحمل فطياتها أمور دينيا ولي كاتهضر على أستاذ متدين لي...
