أستاذي المتدين🤎مكتملة🤎

🤎الجزء 72🤎

البارت .72 🤍⚜

وصل وقت الغدا عيتاب هي وبدر نزلوو وحتى زكرياء وخديجة مراتوو نزلوو من وراهم وحتى أمين وماماه لي كانت مع السعدية وعزيزة ... الناس كانوو خداو أماكينهم باش يتغداو... إيمان لي كانت ناضت من الطبلة فين كانت جالسة خرجات من القاعة وهي تنزل توجهات نيشان لفابوو تغسل يديها .. وهي كاتغسل يديها .. جا فؤاد حتى هو كايغسل فديه
فؤاد : قولي ليا حبي فين غادي تغداي هنا ولا لفوق مع ماماك ؟ ( حبي ديما كايقولها ليها حتى قدام العائلة .. كايقولها ليها غير بضحك كفما قلت ليكم العلاقة لي بيناتهم قوية وزوينة .. ماشي حب لي فبالكم وإنما حب الصداقة والوفااء )
إيمان : ( كاتنشف فيديها ) لا ما فيا لي ياكل غادي نمشي نقب شي حاجة من الكوزينة صافي
فؤاد : (كايغسل فيديه ) علاش شبعانة ؟ ولا خفتي تنفخ ليك الكرش ويطير ليك الحزام هههههه.. لمهم نمشيي نعركها أنا ههههه احبي

( فؤاد كان مشى أما أمين لي كان داز كلامهم كامل على ودنيه ..توجه كايغسل فيدين لي لقى إيمان مزال واقفة تماك )
أمين : ( ها هو رجع لطبيعتو البنات .. كايدوي بجدية ) نتي مزوجة ؟
إيمان : لا
أمين : (وقف مقابل معاها وكايشوف فيها بشوفات ما مفهومينش ) امم داك الولد صاحبك ؟
إيمان : ( كاتشوف فيه كفاش تقلب بحال الطقس ) لا منيتك أنا ما مصاحباش
أمين : أممم وديك الكلمة لي قال ليك ( حك نيفو وهو كايشوف جنب ) حبي !
إيمان : ههه هو مني كنا صغار كايقولها لياا عادي وزايدوون هو ولد خالتي وبحال خويا
أمين : ( مصغر فيها الشوفة ) من بعد وندويو فهاذ القضية

مشاا مخليها مصدوومة من الطريقة باش دوى معاها تقولي مزوج بيها وهي مجايبة لدنيا خبار
إيمان :( تبعات ليه العين حتى دخل لصالة وهي عاقدة حواجبها وهابطة مع الدروج لطابق السفلي فين كاينة الكوزنية )، أويلي مال هداا حمااق لي شافوو دوى معايا بديك الطريقة يحلف علينا مزوجين .. الله يتبقيستر وصافي