أستاذي المتدين🤎مكتملة🤎

🤎الجزء 35🤎

�البارت : 35 �

تحركات عيتاب داخلة ليسي موجهة لقاعة الإسلاميات وهي معصبة دقات فلباب حل ليها وهي مخنزرة فيه مكرهاتش كون تلاحت عليه قجاتو
بدر : فين كنتي ؟
عيتاب : اجي بغيت ندوي معاك
سبقاتو وقفات فدروج وهي كاتسنا فيه جا وهو يوقف حداها
بدر : تفضلي !
عيتاب : بغيت غير نعرف واش بيناتنا شي حاجة ؟ امم دوي واش نتا راجلي خويا بابا شكون ؟
بدر : ( شاف فيها ببرود ) راجلك على سنة الله ورسوله
عيتاب : ( شمئزات من الهضرة لي قال ) منيتك واقلة بديتي وليتي كاتخرف غير بوحدك مؤخرا
بدر : لا انا باقي بعقلي
عيتاب : أخر مرة تخرج ليا فطريقي والله ما ندوزها ليك هاد المرة بغيت غير نعرف شنو يتسحاب ليك راسك نتا أستاذي صافييييي شي حاجةةةةة خرى مكايناااااش وفوتني عليك اخويا
بدر : إتقي الله أين ذهب حيائك وعفتك
عيتاب : ( دوزات على شعرها ورجعات شافت فيه ) خليتهم ليك
ضارت نازلة مع الدروج حتى كايشدها من يديها ضارت شافت فيه وهو يطلق منها
بدر : فين غادية والحصة ؟
عيتاب : ماشي شغلك وديك الحصة ديالك عمرني باقي ندخل ليها غير باش ما نشوفش وجهك
بدر : خودي راحتك حتى واحد ما بزز عليك شي حاجة

طلع رجع لقاعة اما هي فا بقات حاضياه وهي تضحك بغدايدها
عيتاب : بغيت غير نعرف مالهاذ الزمر هكدا داير تفووو تفوو كرهت النهار لي جيت عندو
جلسات فوق الدرجة وهي معصبة وكاتفكر فيه 
دازو دوك ساعتين عادية عيتاب كانت مشات الدار  أما بدر بعد ما خرجو التلاميذ بدا كايجمع فالدفاتر و داكشي لي كايخصو مرجعهم  لشكارة من بعد ما سالة تم غادي قاصد الباب حتى كايشوف فياسين دخل وسد من وراه الباب
ياسين  : ( شاف فيه بلامح باردة)  ما كتابش لينا نتعارفوو فصباح ؟