أستاذي المتدين🤎مكتملة🤎

🤎الجزء 41🤎

🔱البارت : 41 🔱

بدات كاتحل عنيها شوية بشوية حتى سترجعات وعيها شافت فأرجاء الغرفة لي كانت شبه مضلمة مرضاتش لبال لبدر لي كان متكي على الكرسي ومغمض عنيه ..حيدات عليها الغطا وهي تم نايضة حتى كاتعكل بالخيط لي مرتابط مع السيريوم وهي طيح وتبعها السيروم حتى هو على إثر الضجة لي دارت فاق بدر وشعل الضوء ديال تيليفونو
عيتاب كاتحاول توقف حتى كاتشوف فالضوء ضرب فيها وهي تنوض بزربة وشافت فيه وهي مخلوعة
عيتاب : شنو كاتدير نتا هنا خلعتيني كاع
بدر : رجعي لبلاصتك تكاي راكي مريضة
عيتاب : ( شافت فحالتها وبدات كاتقلب فإديها حتى كاتوقف مصدومة متذكرة شنو وقع ليها ) انا امم انا بخير خاصني نمشي لدار
بدر : ( واقف وقدامو السرير لي كانت حداه واقفة عيتاب ) رجعي تكاي اعيتاب براكة من قسوحيت راسك راه 3 دلليل هاذي
عيتاب : ( رجعات تكات فبلاصتها وهي متكية وكاتشوف فيه لي هو الأخير رجع جلس فوق الكرسي ) ونتا غادي تبقى فوق هاذ الكرسي ليل كامل راه غادي يضرك ضهرك سير لشي غرفة رتاح
بدر : ( كايشوف فيها ) انا مرتاح هكا . عاقلة شنو وقع ليك لبارح ياك ؟
عيتاب : ( توترات ماتنكرش بين راسها وخا قوية الى وانها خافت فاش وقفو عليها خصوصا فاش ضربها محسين فديك اللحضة سالا معاها ) امم علاش شنو وقع
بدر : بلاما تخبي الموضوع قولي ليا شكون ضربك ؟ واش ريماس وصحباتها ثاني ؟
عيتاب: لا ماشي ريماس حتى شي حد ما ضربني غير ضراتني كرشي واصفي
بدر : ( دوى بجهد ) راني دويييت قولييي شكون ضربك
عيتاب : ( تصدمات من رد فعل بدر لي عمرها شافتو فهاد الحالة ) شنوو غادييي يزيدك الى عرفتي وزايدوون قلت ليك بعد مني علاااش جيتييي خطبتييني امم وخا عارف راني مكانبغيكش ودرتي لي فراااسك
بدر : ( كايشوف فيها بشوفات ما مامفهومينش ) نساي علينا موضووع الزوااج وجاوبيني على سؤوال
عيتاب : ( شافت فيه مترددة ) مغاديش نقول ليك مشكيلتي غادي نحلها بوحدي
بدر : هضرة الخرة عندك ؟
عيتاب : اه
بدر : ( تكى على الكرسي وغمض عنيه ) ما عليش انا غادي نعرف لراسي احلالي
عيتاب : زمرك انا ماشي حلالك
بدر : ( حل عنيه وهو يشوف فيها ) هاذ هضرة الزنقة حيديها منك ولا نحيدها منك انا
عيتاب : تحمستي على ما بان ليا ؟
بدر : غير شوية ماشي بزاف ( غمزها )
عيتاب : ناري دبا انا وياك غادي نتزوجوو ياع والله ما حملتكش
بدر : ( بتاسم ) عنداكي تبدلي هضرتك شي نهار
عيتاب : ( كاتدوي بجدية او وخا هكاك جابت ليه الضحك ) ويلي لا اول فرصة ليا غادي نطلقك ونتا كاتقول ليا نبدل هضرتي
بدر : يكون خير يكون خير
عيتاب : وعرفتي شنوو...
#يتبع.....