راية الانتقام

كائن مغرور

نظرت اليه باستغراب وهى تدقق النظر اليه وسمعته يصرخ.
_رههههففف تعالى تعالى لاخوكى يا حبيبتي.
ثم يختفى فجأة ويظهر ظله من بعيد اسود اللون ويتجه لمكان مضيئ ثم لاتجد له اثر.

استيقظت فى ارهاق من تلك الاحلام التى تراودها منذ سنتين.
تسألت فى نفسها ترى من هذا الشخص الذى يدعوها باخته وهى ليس لديها غير سامح.
دارت برأسها فى وجوه السجينات وشعرت بالغثيان من مناظرهم المقززة ثم نظرت الى جانبها ونادت بصوت عالى.
_ سميحة انتى يابنتى ايه كل ده نوم اصحى بقى.
رمشت سميحة مرتين وهى تحاول النهوض ثم قالت بنبرة يملؤها النعاس.
_ايه يا رضا فى ايه حد يصحى حد كده.
صرخت الاخرى بنفاد صبر.
_قومى ياختى قومى يلا ياسميحة.
زفرت سميحة فى قهر.
ثم نهضت عن الفراش ومررت اصابعها فى خصيلات شعرها المجعد ثم سحبت غطاء الراس واخفت به شعرها وقالت بنبرة يائسة.
_قومت اهو يارضا خير فى ايه.
ردت الاخرى باستفزاز.
_قومى هاتيلى كوباية مايه اشرب عشتانة.
نظرت لها سميحة باستنكار ثم اردفت.
_بقى ياشيخة حرام عليكى مصحيانى من احلاها نومة عشان سيادتك عشتانة يادى النحس الى انا فيه.
ثم ذهبت الى المطبخ لتحضر المياه الى رضا.
بعد قليل من الوقت سمعت رضا اصوات متداخلة واصوات ترحيب عالية ادى الى استيقاظ كل من بالعنابر وتعالت اصواتهن بالتسألات ونظرت رضا حولها تبحث عن سميحة ولكن تذكرت انها بعثتها لجلب الماء وما لبث ان فتح باب الزنزانة ودخل مأمور السجن وقال بصوت جهورى.
_يلا كل واحدة تشوف لها حته تقعد فيها برا الزنزانة.
تعالت الهمسات فى تعجب ولكن خرجت كل واحده تتبعها صديقتها الى ان فرغت الزنزانة.

💜💜💜💜

دخل الى المكتب فى غرور وكبرياء ثم نظر الى الشخص الماثل امامه وقال فى صرامة وصوت اجش.
_ايه الاخبار ياسيادة المأمور.
رد الاخر فى نبرة يشوبها القلق.
_كله تمام ياسيادة اللواء.
ثم وضع بعض الملفات اعلى المكتب وتابع كلامه.
_ودى كل القضايا الى تخص المتهمات يابيه.
نطق نادر بلهجة امرة.
_فرغت كل الزنازين والا لا زى ماقلتلك اهم حاجه مش عايز شوشرة فى السجن خلى اليوم يعدى خفيف خفيف وابعتلى كل العساكر الى فى السجن واتأكد ان وضع الامن مستتب.
انهى كلامه بإشارة من يده يأمر بها الرجل بالخروج ثم بدأ فى الاطلاع على بعض القضايا التى امامه وبداء فى تصفحهم والموازنة بين القضية والعقوبة وفجأة ارتفع صوت رنين هاتفه النقال يعلن عن اتصال نظر الى الاسم بابتسامة ثم خرج من المكتب ليأخذ حريته فى الاجابة عليها وفى طريقه اصتدم ب.....

صرخت به بنبرة شرسة.

_ماتفتح يااخينا.
نظر اليها فى صدمة واستنكار ولكن ماصدمه هو استرسالها فى الكلام والتوبيخ.
_ايه هو الواحد ميعرفش ياخد راحته فى السجن ده والا ايه.
قطع كلامها بغضب شديد.
_انتى متخلفة يابت انتى.. انتى عارفة انتى بتكلمى مين.
ولكنه فتح عينيه على وسعهما وهى تتجاهله وقالت بصوت عالى.
_شكلك انت الى ماتعرفش انا مين لا يابابا فوق كده واتكلم معاى عدل وابقى حاسب المرة الجاية وانت ماشى لاتقع.

💜💜💜💜

_لا بقا ماهو ياخد الفلوس كلها بالشرع والتوريث ياما اقلبها عاليها واطيها وبرده هاخد الفلوس ماهو مش هطلع م المولد بلا حمص.
صرخت بهذه الكلمات فى غضب وهى تنظر الى صديقتها بغل ثم اردفت.
_قصر الكلام هتقفى معايا والا اجيب واحدة بدالك ما#####كتير مش هعجز.
اجابت الاخرى.
_اه طبعا هقف معاكى وطريقك طريقى بس ماتنسيش حسابى بقى.
قالت الاخرى فى دهاء.
_حلو يبقى تسمعى الى هقلك عليه وتنفذيه بالحرف مفهوم يابت.
اجابت الاخرى بشيطنة.
_مفهوم يامعلمة.

وفى نفس الوقت سمعا صوت طرقات على الباب فاعتدلن فى جلستهن حين فتح الباب ودخل سامح بوجه مقفهر فابالرغم من محاولاته لم يستطيع اخذ كل الأموال الا بوجود الاوراق التى تثبت شخصيتها وهذا ماكان يحاول فعله طوال السنتين بإلاضافة الى انه جعلها تعمل وتصرف على المنزل وفى المقابل قام بإلقائها فى السجن لانها فقط تطاولت عليه بالكلمات ورفضت الوظيفه التى احضرها لها فاتهمها بانها سرقت 300الف جنيه من بيته ولم يكتفى بذلك بل اتفق مع احد زملاؤه على ان يرسلها اليه لليلة ثم يرسل من خلفها الشرطى وفى النهاية تسجن فى قضية شرف.
ومع ذلك لم يحصل على المال الذى يريده نظر الى زوجته بحنق ثم قال.
_قومى يادينا اعمليلى الغدا انا بقالى يومين مش بشوف الاكل.
ثم دخل الى غرفته واغلق الباب من خلفه.

💜💜💜💜

هب بفرحة عارمة ثم اردف.
_بجد انت بتتكلم بجد.
اجاب رياض فى سعادة.
_ايوة يا بيه كنت بسأ....
قاطعه الاخر بسرعة البرق.
_هى فين ها فين انا لازم اروح لها اه اه ماما لازم اعرفها اه اه وامل لازم تعرف هتفرح اوى انت لاقيتها فين طيب وازاى.