راية الانتقام

مابال ليلى

مابال ليلى (22)

فى اثناء الثلث الاخير من الليل حيث ينام الجميع الا من رحم ربى الذين يقيمون الليل من صلاة وذكر وقراءة القرآن.
كانت ليلى ساجدةً تناجى ربها ببكاء شديد.
بعد وقت انهت صلاتها ثم امسكت كتاب الله وبدأت ترتل ماتيسر منه حتى قاطعها اتصال من الهاتف نظرت اليه لترى انها امل تعجبت من اتصالها فى هذا الوقت ولكنها اجابتها من فورها.
_السلام عليكم يا امل خير ياحبيبتى فى حاجة حصلت والا اى.
امل بصوت صارخ.
_الحقينى ياليلى انا فى مصيبة كبيرة ارجو...تيت تيت.

نظرت ليلى للهاتف بصدمة وقلق شديد ثم اسرعت بملابس الصلاة تهرول الى الخارج ومع اول سيارة مرت من امامها اشارت لها وركبت وهى تعطى له العنوان وتأمره ان يسرع لم تدرك انها فى اخر اليل ولا حتى مع من ركبت كل همها ان ترى ما بال صديقتها.

♥️♥️♥️

فى فيلا نادر السيوفى كان جالس فى غرفة بعيدة فى الجناج الغربى من الفيلا وامامه لوحة بها رسمة لم تكتمل بعد وبيده فرشاة تلوين واليد الاخرى كوبا من القهوة وينظر الى اللوحة بتركيز شديد ولكن للاسف جائت فى عقله صورتها مرة اخرى وقد اوشك على وضع اللمسات الأخيرة.
لكن ارتعشت يده بدون ارادة وتساقط اللون وافسد اللوحة.
صرخ بغضب ثم القى القهوة على اللوحة بغضب ثم نظر من حوله بضيق وهو يزفر بغضب.
فهذه ثامن لوحة تفسد بسبب الذى حدث فجأة بالرغم من حالة الهدوء والبرود التى كان عليها كل تلك الفترة الا ان داخله يغلى كغلى الحديد على النار.
هو حقا غير راض عما يحدث حتى انه لا يريد رهف لا يريد اى شئ من طرف فريد.
سحقا هو لم يتوقع حدوث كل هذا.
قاطع افكاره صوت رهف تصيح بصوت طفولى غير مدرك لما يحدث من حوله.
_نادرررر يانادررر انت يا استاذ يالى فوق رد بقى.
كان ينزل درجات السلم ببرود وتجاهلها تماما ثم اتجه ناحية باب الفيلا ناويا الخروج لكنها لحقته بسرعة شديدة وامسكت به بغضب طفيف.
_على فكرة انا كنت بناديلك مش عشان تسبنى وتمشى ...نادر ارجوك انا زهقانة من المكان وبخاف من القعدة لوحدى...انا اكتر شخص بيكره الهدوء رغم انى ابان هادية واكتر شخص بكره الوحدة لكنى دايما وحيدة...ارجوك خليك معايا انت الوحيد الى مطمناله بعد كل الى حصلى ارجوك.
لوهلة شعر براحة شديد لمجرد كلامها فقط اتبعها وهى تسحبه من يده الى ان اجلسته على الاريكة وبدأت تثرثر بمرح طفولى لوجود من يستمع له فى وسط كل الغير مبالين.

💫💫💫

فجأة شعرت بشئ مبلل يوضع على انفها حتى شعرت بالدوار ثم اغشى عليها.

فى مكان بعيد عن كل تلك الاحداث تنام ملاكه البريئ لا تعى مافعله لاجل ان يختلى بها سواء بارادتها اولا المهم ان يوضح لها ماحدث وان توضح هى الاخرى ماحدث استفاقت ليلى وهى تمسك برأسها بالم شديد وتنظر حولها بتعجب حتى لاحظته جالس امامها بابتسامة هادئة وكأن شيئ لم يكن.
_آآآآه  انت عملت اى انا فين وازاى وامتى وليه.

_اهدى ياليلى انا الى جبتك وانا الى ركبتى معاه العربية بلبس البيت وبدون تفكير عشان مكالمة بسيطة منى لامل تقوم مكلماكى تحت التهديد  وانتى.. ڤولا شربتى المقلب.. وطبعا لا فكرتى فى اى الى حصل ولا اى الى جرا ودلوقتى احنا لازم نتكلم باالزوق بالعافية هنتكلم يعنى هنتكلم ياليلتى.

_تصدق انك ###انت شايف ان الى عملته ده صح اولا انت كده بتختلى بواحدة اجنبية عنك وكمان خاطفها ومهدد صاحبتها وكمان بتجبرها على الكلام مش كده وال اى يا استاذ.

_ليلى انا هتجاهل كل ده لكن انتى فى كل الحالات ملكى شرعا وقانونا يعنى لو اتكلمتى ده لو طبعا هيقولوا راجل وعامل لمراته مفجأة عشان يصالحها تانى حاجة بقى ودى الاهم مين معتز الى حضنتيه اول ماشوفتك فى المخزن بتاع نادر.

_لو سمحت خرجنى من هنا انا لايمكن اسمحلك انك تستبدنى تانى وتغفلنى... وساعتها ياسيف يمين بالله وحياة كسرة القلب والمعانة الى عانتها من بعد خذلانك ليا مش هرحمك ياسيف هشويك على نار هاديه زى ماشويتنى وهبقى اديلك قرشين تداوى بيهم جرحك زى ماعملت معايا.

_كل ده شايلاه فى قلبك من ناحيتى طب عشان خاطرى لو ليا خاطر عندك ادينى فرصة اشرحلك الى حصل ساعتها اعملى فيا الى نفسك فيه.

_فرصة هههه لا بجد ضحكتنى ههههه...الفرصة كانت معاك تلات سنين كاملين حتى رسالة اعتذار مبعتهاش انا طول التلات سنين مستنية اللحظة الى تيجى فيها ونعاتب بعض واحنا فى احضان بعض لكن انت كنت بكل جبروت وظلم كل يوم وكل شهر تدوس على قلبى بلامبالاة بشوية قروش تبعتهم... كان عتابك فلوس ياسيف باشا الفرصة كانت معاك... وانت الى ضيعتها.

_ليلى ارجوكى اسمعينى ادينى فرصة اوضحلك..آه.

💔💔💔

_نادر تعرف انا نفسي فى اى.

_لا .
_هههه نفسى البس النقاب حاسه انه حاجة بحبها من زمان تعرف انا ارتحتلك اوى بالرغم انك بارد لكنى حاسة انى فاكراك انت بالذات من اول ماشفتك وانا حاسة انى اعرفك من زمان حاسة ان انت شخص مقرب ليا هو انا وانت كانت اى علاقتنا مع بعض قبل ما افقد الذاكرة كانت علاقة حلوة ولا لا كنت بتح...

_اششش انتى بالعة راديوا انتى مش طبيعيه بجد عمرى ماتخيلتك رغاية كده.

_بقى كده طب يلا امشى من هنا ياوحش انت اصلا مش بتفهم فى الستات وكلامهم يلا طير ده انت نكدى اوى.

_لعلمك انا بفهم فى الستات اوى اوى كمان امال اخترتك ليه.
ثم غمزها بيعينه وقام من جانبها تاركها خجلة منه.

💖💖💖