راية الانتقام

اتفاقية صلح

اتفاقية صلح(20)

_انا عايز اشوف رهف.
نطق فريد بتلك الكلمات امرا حمزة بان يجلب اليه رهف تكلم حمزة بضيق.
_مش هقدر يافريد انت عارف كويس اوامر خالد بيه وانا مقدرش اعترض.
صرخ فريد بغضب.
_يعنى اى يعنى تبقى اختى ومقدرش اشوفها حمزة انت اكتر واحد شاف معاناتى وانا بدور عليها مش بالسهولة دى هتنازل عنها مهما عملت دى اختى ياحمزة.
نطق نادر ببرود وكأن الامر لا يعنيه
_بس انت وهو انا مصدع ومنمتش من امبارح بسبب رغيكم.
نظر فريد اليه شزرا وهو يتقدم منه بغضب ويقول.
_انت اكتر شخص حقير شفته فى حياتى انا لازم اخلص البشرية منك ومن شرك انت عالة على المجتمع انت ندل خسيس وخاين منافق.

انهى كلامه وهو يهجم على نادر يوسعه ضربا مبرحا ولكن نادر من صدمته لم يستطع المواجهة الى ان قام سيف والذى كان يتابع الحديث ببرود ظاهرى لكن داخله يحترق شوقا لمحبوبته.
حاول هو وحمزة فض النزاع الذى بدأ يشتد لكن نادر فاق من صدمته وبدأ يسدد اللكمات الى فريد.
وسيف وحمزة لم يستطيعا السيطرة على نادر ف نادر قواه اعلى من فريد وغير ذلك فهو اكثر شخص غاضب فى المكان ظلوا هكذا لربع ساعة اواكثر ولم يخلص احد فريد من نادر سوى صوت الطلقات التى صدعت فى المكان وصوت خالد الجهورى يقول بغضب جامح.
_يعنى اى اسيبكم 6سعات اجى اليكم بتشدوا فى شعر بعض.

🍃🍃🍃

اما عند رهف فكانت تجلس مع ليلى وامل وكن يتابعن احدى الافلام الكرتونيه خاصة فيلم الجميلة والوحش تبعا لاختيار رهف.
قالت رهف بصوت متلهف لمعرفة الذى حدث بين نادر وفريد جعلهما يتفرقان هكذا.
_قوليلى ياامل ليه فى مشكلة بين نادر وفريد انتى قلتيلى ان فريد يبقى اخويا ونادر ابن عمى وانا الصراحة مش فاكرة اى حاجة عنهم خالص.
تنهدت امل بتعب وهى تقول.
_نادر وفريد كان ليهم علاقة ببنت اسمها غادة البنت دى كانت مديرة اعمال وليها شركات واتقربت من فريد لحد مااتعلق بيها جدا لدرجة انه حبها ومكنش حد يعرف بحبه ليها غير نادر...ساعتها كانت علاقة فريد ونادر تعدت الاخوة والقرابة والصداقة بدرجات... المهم ان فريد عرف نادر بحبه لغادة وفى الحقيقة غادة كانت نيتها تفرق بين الاتنين... وراحت لنادر ورسمت عليه الحب للاسف نادر مكنش يعرف ان دى غادة حبيبة فريد بس نادر كانت علاقته بيها ذنب كبير مكنتش مجرد اعجاب او حب انما هو اتجوزها فى السر.

(جواز السر ده بيبقى على سنة الله ورسوله بس فى السر ومحدش بيعرف عنه الا عدد قليل وده طبعا غلط لان شرط من شروط الزواج الاشهار )

وللاسف نادر عرف فريد انه اتجوز ببنت حبها جدا وساعتها بدأت غادة توضح للطرفين انها مش بتحبهم ...يعنى كانت تقول لفريد انها متنفعلهوش وانها بتحب غيره وكانت برده بتوضح كده لنادر... وفى يوم فريد اصر انه يعرف هى بتحب مين ونادر كمان بس نادر كان اصراره بانه اداها علقة محترمة انها كانت بتخونه... المهم انها اتفقت مع كل طرف انه هيقابل التانى ولما كل واحد فيهم اتقابل مع التانى اتضح لكل طرف منهم ان التانى خاين...ومن ساعتها كانت اول مرة نادر وفريد يتخانقوا وكانت خناقة كبيرة جدا ...وبعدها اتفرقوا عن بعض ومحدش فيهم عرف ان ده كان غرض غادة الاساسى مع ان كانت خطتها واضحة وضوح الشمس.
كانت رهف تستمع لذلك بصدمة وفاه مفتوح حتى نتطقت بصدمة.
_وايه الى حصل بعد كده حد منهم قدر يعرف الى غادة عملته.
حركت امل راسها.
_لا محدش قدر يوصلها غير بابا ولحد دلوقتي ساكت عشان يكتشفوها لوحدهم.

تكلمت ليلى بعد صمت طويل.
_وياترى سيف كان ليه علاقة بالى حصل يا امل.
تكلمت رهف بتعجب.
_صحيح هو اى الى حصل بينك وبين سيف انا كل الى اعرفه انكم كنتم بتحبوا بعض من لهفة سيف عليكى اول ماسمع صوتك.
كادت ليلى ان تتكلم لكن قاطعها اصوات عالية ومتداخلة تأتى من الاسفل.
نهضن ثلاثتهن لكى يتفقدن ما سبب هذه الاصوات

💞💞💞

اما بالاسفل كانت العائلة كلها متجمعة من ضمنهم والدة رهف ووالدى نادر.
كانت والدة رهف والتى تدعى (منال)تتحدث بصوت منهك من البكاء لاجل رؤية ابنتها التى غابت عنها لثلاث سنوات.
_فين رهف ياخالد فين رهف رد عليا ارجوك.

سمعت صوت خطوات تتجه ناحيتهم التفت الجميع ليروا الثلاث فتيات يقفن عند اولى درجات السلم اسرعت منال تجاه ابنتها الواقفة بهدوء ثم قامت باحتضانها بشدة وهى تبكى سنين الفراق والاشتياق لابنتها... ظلتا هكذا لعدة دقائق كانت ثقيلة جدا على رهف التى حقا لا تستطيع تذكر تلك المرأة التى تحتضنها حتى ابتعدت منال ببطئ وهى تحتضن وجه رهف بيدين ترتعشان وهى تقول بصوت مبحوح اثر البكاء والفرحة الشديدة التى تشعر بها.
_وحشتينى ياغالية يابنت الغالي قطعتى قلبى عليكى ياضنياه غيابك كان طويل اوى ياروح قلبي.
تقدم فريد منهما وهو يقول بصوت مرهق فقد اتعبته ضربات نادر وايضا العملية التى قام بها منذ ايام وهو يحتضنهما الاثنتين ويقربهما اليه فى عناق سحيق تحت  تأثر الجميع حتى انتهى هذا العناق وقد امسك فريد بوجه اخته وهو يقبل جبهتها وكل انش فى وجهها ويردد كلمات الاسف والشوق على مسامعها مما اثار غيرة نادر ليقول بضيق شديد لا يعلم سببه.
_مش كفاية بقى والا المسلسل الهندى ده هيستمر كتير. نظر له فريد بغل وهو يضع يده على كتف رهف واليد الاخرى على كتف امه ويقول بهدوء وادب وهو يوجه نظراته الى خالد.
_تسمحلى ياعمى اخد اختى وامى ونرجع الفيلا بتاعتنا. كاد خالد ان يتكلم لكن قاطعه نادر بصوت جهورى .
_رهف مش هتمشى من هنا غير على بيتى انا اظن ان دى مراتى ومن حقى ان اقول تقعد فين ومع مين.
تكلم فريد بغضب .
_قصدك اى يانادر بيه اختى هترجع معاى لحد ماتوصلها ورقة طلاقها.
ظلا يتشاجران بالكلام الى ان تكلمت رهف التى كانت صامتة منذ البداية.
_لو سمحتم اظن ان من حقى اتكلم واقول راى.

صمت الجميع وكل منهم يتمنى ان تبقى معه حتى تكلمت بصوت بارد كسكين حادة طعنت بها جميع الواقفين.
_انا مش همشى مع واحد منكم انتوا الاتنين وقبل ماتقطعونى...اظن ان دى حياتى وانا حرة فى القرار الى اختاره انا بعد ماسمعت كل الاطراف محتاجة انى ابعد فترة بعيد عن الكل علشان اقدر احدد انا مين وعايزة ايه اسمحولى كلكم انى امشى.
صرخت امها بصوت ضعيف.
_تمشى وتبعدى تانى يارهف انا بجد تعبت انتى مش عارفة احنا كلنا كنا بنعانى علشان ترجعى لحضننا تقولى فى الاخر انك محتاجة تبعدى.!!
تكلم خالد اخيرا والذى كان صامت طوال الوقت ومن المعروف ان كلام خالد هو نهاية الحديث.
_رهف من حقها انها تاخد فترة استجمام بعد الى اتعرضتله ومتنسوش انها بتعانى من فقدان ذاكرة كلى مش ببساطة كده هتتقبل وجود الكل فى خلال يومين وانا من راى انها تقعد فى فيلا السيوفى ومحدش هيروح لها الا بموافقتها وباتفاق بينها وبين الى هيروح لها وشخص واحد بس هو الى هيبقى معاها وهو ...