راية الانتقام

فرحة منكسرة

فرحةً منكسرة (6)

اغلقت كتاب الله جل جلاله وهى تقبل اعلاه ثم نظرت الى ابنها الجالس امامها ابتسمت له فى حنو ثم قالت.
_فريد حبيبى تحب اجبلك العشا.
قال بابتسامة لم تظهر عليه منذ ان اختفت اخته العزيزة ثم قال.
_تسلم ايدك يا امى بس انا عايزك فى موضوع اهم.
اجابت فى فضول.
_خير يا ابنى فى ايه.
قال لها بفرحة عارمة وهو يحاول حبس القطرات الدامعة من عينيه.
_لاقيتها ياماما لاقيتها بعد سنتين من اللف والدوران لاقيتها لاقيتها.
ثم انسابت الدموع من عينيه فرحا.
صرخت امه بفرح.
_انت بتتكلم بجد يا فريد طب هيا فين دى وحشتنى اوى.
ثم قامت من مكانها وهى تسحب ابنها وتقول

_قوم يا فريد ودينى ليها انا هتجنن عليها بسرعه يا ابنى بسرعة.
فريد بهدوء.
_نروح فين بس يا ماما انا يدوب قدرت اوصل لطرف خيط يوصلنى ليها وبعت رياض يعرف لى هيا فى انى بيت بالظبط بس قبل كل ده عايز اقلك على حاجة.

تحولت فرحتها الى دموع كاشلال من عينيها وهى تسمعه يحكى معانة ابنتها بعد اختفائها.
فريد بحزن.
_ انا لقيت ملف يثبت وجودها على ارض الحياة بس للاسف ياماما الملف كان بيقول انها اتعرضت لحادث فظيع ادى لكسور رهيبة وكمان كان مكتوب فيه المكان الى هى ساكنة فيه بس الغريب فى كده ياماما ان الى تكفلها سامح الشوربجى وساكن فى منطقة ريفية جدا وهو الى ساعدها فى محنتها انا قلقان عليها اوى ياماما اكيد مش مرتاحة خالص فى المنطقة دى.
(وما خفى اعظم يا فريد).

💙💙💙💙

كانت تدندن وهى تنظف ارجاء السجن التى اؤمرت بتنظيفها كعقاب لها على تطاولها على اسيادها كما يقولوا.
_وقولوا لعين الشمس ماتحماشى تيررا اه.. لاحسن حبييييييب القلب صابح مااااشى تيرررا.
_بس الله يقرفك صوتك وحش.
التفتت الى سميحة وهى تقول فى تذمر.
_اعمل اى يعنى ياسميحة الواحد قرف من الصبح وانا عمالة انضف ده انا مانضفتش شقتى قد مانضفت النهاردة الهى تولع ياللى فى بالى يارب تتسخط قرد يااارب.
ضحكت سميحة على دعوتها وهى تقول.
_هههههههه حرام عليكى يا رضا انتى كل دعواتك بالشكل ده هاتى أما اساعدك هاتى.
ثم مدت يدها لتأخذ المكنسة ولكن قاطعها صوت جهورى.
_الله الله شيئ جميل الهانم سايبة شغلها وقاعدة تهزر.
نظرت اليه ببرود وقالت

_مالكش فيه العب اهزر مالكش دعوة انت ليك الشغل وبس اكتر من كده ماعنديش.
ثم نظرت الى سميحة واعتطها المكنسة وهى تقول
_يلا ياسميحة مبقاش قدامنا وقت.
ثم تابعت عملها وهى تتجاهله تماما.
غافلة عن النظرات المشتعلة التى لو كانت تقتل لقتلتها هى وكل من فى ذلك السجن البئيس ثم زفر فى اختناق واتجه الى مكتبه.
نظرت اليها سميحة بانبهار وهى تقول.
_عفارم عليكى يا رضا سميتى بدنه بكلام يشبعه لمدة اسبوعين هههههههه.
ضحكت رضا فى صخب وهى تقول.
_هههههههه ولسه اقسم بالله اخليه يندم انه اتكلم فى شرفى بس صبرك ان الله مع الصابرين ههههههه.

💙💙💙💙

خرجت من المشفى بخزى فلم يتقبلوها بسبب اكتمال العدد.
هه يال سخرية القدر انها للمرة الرابعة تذهب المشفى ثم تخرج منها فاقدة الامل ولكنها لم ولن تيأس ثم رددت قوله تعالى(ان مع العسر يسرا ان مع العسر يسرا)ثم اتصلت باحدى زميلاتها.
_ايوة يا نڤيين معلش ياحبيبتى كنت مشغوله شوية .....لاولا حاجة كالعادة كل ما اقدم فى مستشفى يقولولى مرفوض....لا يانڤين انا مش من الناس الى بتستغل مكانتها وتستخدمها ك واسطة للحياة المهنية وبعدين كل شيئ قسمة ونصيب....بجد طب اسأليلى لو كده هقدم وجرب يمكن يكون فيه الخير ....مايهمنيش المكان المهم الشغل.....امم خلاص ابعتيلى العنوان وانا هروح بكره واجرب ...سلامتك يا حبيبتي متشكرة اوى يلا اشوفك بخير...سلام.
اغلقت الهاتف ببعض من الامل ثم لم تلبث ان اتتها رساله بها عنوان القرية التى ستذهب اليها يبدوا من اسمها انها قرية بسيطة ولكنها لاتعرف الخير اين يكون.
وعسى ان تكرهوا شيئ وهو خير لكم وعسى ان تحبوا شيئ وهو شر لكم.

💙💙💙💙

_الا قوليلى يارضا هو انتى عرفتى ازاى ان سامح هو الى كان السبب فى وجودك هنا.
قالت سميحة هذه الكلمات وهى تنظر الى رضا فى تساؤل اجابت رضا ببرود

_ابدا يا ستى هو فى اول زيارة جالى فيها قالى ان هو السبب فى الى حصلى وان اكبر محامى فى البلد مايقدرش يطلعنى منها لانه متأكد 100%انه محدش يقدر وان القضية لبسانى لبسانى.
امأت سميحة فى استفهام.
_عشان كده كل لما يجيلك بيطلب فلوس بعين جامدة صح.
قالت رضا.
_حسبى الله ونعم الوكيل فيه ربنا ينتقم من الظالمين ويبعد عنا شرهم.
استقامت بخمول وهى تتجه نحو فراشها وهى تفكر الى متى سوف تبقى فى هذا السجن بلا ذنب بسبب ذاك الرجل الذى يسمى اخيها.

💙💙💙💙