راية الانتقام

لقاء لا مفر منه

لقاء لا مفر منه(15)

هتف بغضب.
_ انت بترفض كلامى ياحمزة بقلك خرجنى من هنا والا والله ما هسكت .
نظر له حمزة بهدوء وهو يقول بعقلانية.
_يافريد ارجوك اهدى وقولى ايه الى معصبك لانى عارف كويس أن أنت مش مضايق بسبب الى حصل للشركة...ولعلمك لو ما اتكلمتش مش هتخرج من هنا الا على مستشفى المجانين عشان شكلك هتلت وتعجن وتبوظ الدنيا ها قلت ايه.
زفر فريد بتعب.
_ تخيل ياحمزة بعد كل ده اكتشف انها عايشة مع اقرب الناس لقلبى لا وأيه ده كمان بقت مراته... هو انا عملتلها حاجة وحشة ياحمزة طب لو حتى دايقتها ماتوصلش انها تهرب منى المدة دى كلها لا وغير كده تتجوز وكأنها ماتعرفش حد مننا... انا تعبت اوى ياحمزة انا خلاص شلتها من حياتى انا تعبت بما فيه الكفايه.. يكفينى اووى الى شوفته السنتين الى فاتوا دول.. ومش مستعد انى اعيد الكره ثانى.
نظر له حمزة بصدمة وهو يقول.
_مش معقول انا مش مصدق لا يمكن.
نطق هذه الكلمات وهو يركض خارج المشفى باكمله .

بعد عدة ساعات كان جالسا مع احد الأشخاص فى احد المطاعم وينظر له بغضب.
_ انت شايف انك لما تهرب منى مش هعرف اجيبك والا ايه.
تكلم الاخر بخوف.
_يابيه ماانا قلت كل حاجة طلبتها منى .
تكلم بإستهزاء.
_وبالنسبة للمحكمة الى سيادتك كنت فيها من 3شهور .
نطق الاخر بتوجس.
_يابيه محدش طلب منى اتكلم تانى.
نطق حمزة بغضب.
_ولا ماتخرجنيش من هدؤى... انا مش قلتلك يالا انك تعرفنى بكل جديد انت غبى والا بتستغبى هاا مفكرنى مش هعرف بالى بتعمله .
نطق بسرعة وتهور.
طب قولى يابيه حضرتك عايز تعرف منى ايه وانا هقولك بس كل بحسابه يابيه.

💙💙💙💙

جذبها نحو صدره بغضب وهو يقول.
_ هتلبسى الى بقلك عليه والا البسك انا.. بالنسبالى مش مشكلة.
ابعدته عنها بقهر وغل وهى تقول.
_ لا يانادر قلتلك مش هلبس القرف ده عشان بس اورى اهلك انى واحدة زبالة ويكرهونى وخلاص... ولعلمك انا مش هلبس الهدوم دى نهائ سامعنى نهائى.
نظر اليها بخبث وهو يقترب منها بهدوء خبيث ويقول.
_ تمام اوى شكلك حابة أن اساعدك.
ثم حاصرها على الحائط وهو يكمل كلامه ببرود.
_لاخر مرة هقولك البسى الهدوم يارهف.
صرخت بغضب وهى تدفعه بغضب كبير.
_انااااا مش رهف انااااا رضا ماتقوليش الاسم ده تانى.. وروح شوف رهف الى انت يتنادينى باسمها واقعد معاها خليها تفليلك شعرك المنحكش ده يخربيت جماله.

فتح عينيه بذهول على كلامها ثم ابتسم ببلاهة وهو يلمس شعره بيده ويقول بغباء.
_بجد انتى شايفة أنه جميل.. على كده انا جميل ذيه مش كده.
نطقت رهف محاولة الهائه.
_ نادر  الفار فى المنديل يانادر ههههه.
نظر لها بتعجب وكان لها رأسان ولكنها ضحكت بخفة وظلت تثرثر الى ان صرخ نادر بغضب.
_ اخرسى بقى.. خلصى خلينا ننفض من الموضوع ده. قالت بدهاء.
_ مش هلبس القرف الى انت عاوزنى البسه ده وكمان البس الى انا عايزه ماشى.
اومأ بسرعة وموافقة ومازالت نظراته حانقة منها ف بالتأكيد سببت له صداع نصفى.

💙💙💙💙

_كده تمام اوى برافوا عليكى يابت وصلتيله الى انا عايزاه وبطريقتى كده مش فاضل غير اننا نخلص منه و نتجه لنادر باشا هههه.
نطقت بهذه الكلمات وهى تنظر للاخرى بنصر لا تحمد عقباه.
قالت الاخرى بدهاء.
_ أيه رايك اروح لنادر كأن.....
قطعت كلامها بنرفزة وهى تقول.
_ وبعدين معاكى مش هتعقلى بقا دايما بتتسرعى  خلاص بصى أنا هقلك على فكرة بمليون جنيه وليكى مبلغ حلو لو نفذتيها اسمعى .....
انهت كلامها ونظرت لها بخبث.
_ ها قلتى ايه والا تحبى اجيب حد غيرك.
نطقت بسرعة وعينيها تلتهب بخبثها.
_ لا لا على ايه انا موجودة اهو يامعلمة.

ترى من هاتان واين هما وبماذا يخططان

♥️♥️♥️♥️

_اخلاااص انتى يابت يا اخلاص.
صرخت باسمها وهى تنادى عليها اتتها وهى تركض وتقول بنهجان.
_خير ياست البنات اؤمرينى يانهى هانم.
قالت نهى بتسأل.
_ماشوفتيش حمزة انهاردة.
قالت اخلاص.
_ لا ماشوفتهوش خالص انهاردة.
اومأت نهى بتسأول.
_ طب انتى عملتى الاكل الى انا قلتلك عليه.
اخلاص بتعجب فهى لم ترى اخوة بهذا الشكل لا احدمنهما يسأل عن الاخر ولا يهتمون ببعض.
_ حاضر ياهانم هروح اعمله حاضر.
ثم اتجهت الى المطبخ.
بالمناسبة نهى كانت خطيبة لفريد قبل ان تختفى اخته ولهذا علاقتها اصبحت سيئة بكل من يبحث عن رهف حتى اخيها.
شخصية انطوئية ومن السهل خداعها.

سمعت طرقات على الباب فنادت على اخلاص بنرفزة.
_ اخلاص انتى مش سامعة الباب تعالى شوفى مين بيخبط... يوه شكلها فى المطبخ مش هتسمعنى أما اروح اشوف مين.
ذهبت الى الباب بعصبية وهى تسب وتشتم بدون داعى.
فتحت الباب وجدته حمزة.
_ايه مش معاك مف...
قطعت كلامها بغضب وهى تراه يسند فريد على كتفه وكان فريد فاقد الوعى.
نطق حمزة بسرعة.
_وسعى يانهى مش وقت نرفزة.
ثم جذب فريد واجلسه على الاريكة ببطئ ثم نظر اليها وهو يقول.
_بسرعة يانهى روحى هاتى كمادات بسرعة.