راية الانتقام

تذكرة للماضى

تذكرة للماضى(18)

بدأت الافكار تتوالى عليه وهو يتذكر كيف كان اللقاء منذ سنتين".
كان يعمل دكتور جامعى فى كلية الصيدلة وكان الوحيد الذى اختلف عن اهله حيث كان ابيه ظابط فى المخابرات والان اخيه لواء وعمه لواء اما هو فكسر تلك القاعدة واوضح للجميع انه مستقل بذاته.
اول مرة رأها فيها كانت تبكى خلف مكتبه.
آه ليه كلكم كده ليه حسبى الله ونعم الوكيل فيكم فينك ياماما كنتى هتساعدينى.
اقترب منها بشفقة وهو يقول.
_ فى ايه يا انسة حضرتك بتشتكى من ايه.
رفعت رأسها بخوف وقامت بسرعة وهى تتكلم بتلعثم.
_ ها...انا...اسفة جدا يادكتور مش هعمل كده تانى ابدا انا اسفة جدا.
واخذت تركض خارج غرفة مكتبه وهو يتابعها بعيناه ويقول.
_ ياترى مالها دى... وانا مال امى انا..ده ايه التطفل ده.
خرج من المكتب واتجه نحو المدرج وبمجرد ان دخل سمع صوت ضحكات كثيرة وساخرة سمع احدى الفتيات تقول بسخرية.
_هتفضلى ضعيفة ياليلى خلى مامتك تدافع عنك بقى...اوه  نسيت انها ماتت هههه.
شعر بحريق داخله ونظر نحوها وجدها منزوية ترجف منهم وتعطى لهم الفرصة للتنمر عليها والاستهزاء بها شعر بالنفور من الطلاب ثم قال بصوت جهورى.
_ ايه الى بيحصل هنا ده.
بمجرد أن انتبهوا اليه قال بغضب.
_ كله براا مش عايز اشوف حد هنا براا.
بالفعل خرج الجميع إلا هى اتت لتخرج قال بغضب جامح.
_استنى عندك يا انسة.
لم تنظر له وظلت تستمع اليه قال بقهر.
_انتى ازاى تسمحيلهم انهم يعملوا كده ايه شخصيتك منعدمة للدرجادى...بصى لى وانا بتكلم.
رفعت عينها البنية وملامحها الضعيفة وهى تقول بتعب.
_ كمل كلامك يادكتور عشان انا بجد تعبت.
نظر اليها بحنان وهو يقول بنبرة حاول جعلها جادة ولكنها خرجت حنونة.
_ اسمك ايه انا اسمى سيف الدين وانتى.
انهى كلامه بإبتسامة جعلتها ترتاح قليلا وتقول بنبرة مشاكسة: مالكش فيه.
واتجهت لتخرج ثم نظرت له مرة.
_اخرى على فكرة شكرا على كلامك انا هسمع بنصيحتك.

💙💙💙💙

فهمتى يا امل عشان كده مش عايزك تضغطى عليها واحنا هنحاول نرجعلها الذاكرة واحدة واحدة يكفى اننا لاقيناها الحمد ل الله.
تكلم خالد بعقلانية جعلتها تقتنع بكلامه وتقول براحة.
_ الحمد لله اهم حاجة انى هفضل شايفاها قدام عينيا من جديد وبإذن الله هفكرها واحدة واحدة بس بالنسبة لفريد ونادر وسيف هتعمل معاهم أيه.
زفر بضيق وهو يقول.
_عمرهم ماهيعقلوا بس انا هحاسبهم مش هسبهم اكتر من كده وكل واحد فيهم هيتحاسب المهم روحى شوفى الطفلة رهف بتعمل ايه انا ابتديت أخاف منها هههه.
ضحكت بمرح وهى تقول .
_ عندك حق يابابى دى كانت عايزة تضرب أسر هههه.
ثم اتجهت نحو الخارج لترى ماذا تفعل رهف ولكنها صدمت حيث  رأت رهف ممسكة بسترة ل اسر وتحاول اخذها وهو يرفض ويقول بمزاح.
_ يابنت الناس الطيبين سيبى الجاكتة ابوس ايدك سبيها.
رفعت رهف يدها له وهى تقول بعز وشموخ طفولى.
_ بوس يلا بوس.
قال بمزاح.
_ هو انا ممكن ابوس من حته ثانية يارورو.
هنا صرخت امل بغضب.
_ايه العبط ده انتوا اتجننتوا أسر امشى روح على اوضتك يلا ياولد.
نظر لها بعيون طفولية وهو يقول.
_ لا يا امل مش هسمحلك تقطعى قصة حبنا مش هسمحلك تاخدى طفلتى.
قالت رهف بزهق وهى تجذب السترة وبالفعل اصبحت ملكها.
_ اووفف بقا... هييييى خدته خدته هييييى.
اخرجت لسانها له بطفولة بريئة وهى تجرى نحو امل وتقول بمرح.
_ يلا يا امل نمشى من هنا قبل ما يموتنا بسرعة يلا اجريى.

💙💙💙💙

ها يابت وصلتى ل ايه.
نطقت بهذه الكلمات بنفاذ صبر.
قالت رغد بإستغراب.
_مش عارفة فجأة اختفوا ومش لاقية اثرهم آنا خايفة لا يكونوا اكتشفونا.
قالت الاخرى بدهاء.
_لا مش بالسهولة دى لسه بدرى اوى المهم انه يكون شافها بس وبعد كده النار هتشتعل بينهم الاتنين ومش هيحلوا الموضوع ودى نهائ يعنى.
قالت رغد بقلق.
_يارب ياغادة يارب .

ترى من غادة ولماذا تحقد عليهم هكذا سنعرف ذلك مع الاحداث .

💙💙💙💙

فى مكان اخر تكلمت بمشاعرمرهفة.
_وانا كمان ياسامح بحبك اوى ومش هقدر استنى أكتر من كده قلى بقى هتيجى تخطبنى امتى.
تكلم سامح بخبث.
_ اهدى عليا ياقلب سامح قريب ان شاء الله هاجى اخطبك وتبقى بتاعتى انا وملكى لى لوحدى ياحياتى.
ابتسمت نهى  بحب وهى تقول بحزن.
_ اسفة ياسامح مضطرة اقفل معاك دلوقتى عايزة اذاكر للامتحان الى عليا بكره.
تكلم بسرعة.
_ وتسيبنى لوحدى كده طول اليل لا يانونو  انا كده هزعل منك.
تكلمت بقلق خشية ان يحزن بسببها وقالت.
_خلاص بلا مذاكرة بلا نيلة يلا اشجينى رغى ههه.

للاسف لاتعلم خطورة ما تفعله ولا تدرى ماذا سيحدث معها .

💙💙💙💙

تسللت ببطء وخفة الى ان وصلت لمبتغاها فتحت الباب ببطء ودخلت بسرعة واغلقت الباب من خلفها وتوجهت نحو الملاك النائم رهف وهتفت بصوت شبه مسموع.
_ بس.. بسبسبس رضا يارضا.
وتحاول افاقتها وبعد قليل استجابت لها رهف واستيقظت وهى تقول.
_ ايه فى ايه فى حد يصحى حد فى سا....
قطعت كلامها بصدمة وهى تصرخ بانفعال.
_ سميح...
كتمت سميحة فمها بيدها وهى تهمس.
_اشش انا محدش يعرفنى هنا ماتسوحنيش اومال. حركت رهف رأسها عدة مرات دلالة على فهمها.
فقالت بصوت خفيض.
_تعالى نروح الجنينة نتكلم سوا براحتنا.