راية الانتقام

فى هدوء الليل

فى هدوء الليل (24)

_ليلى مافيش داعى لكلامك الموضوع انتهى.

_وانا مش هسيبك كده ياسيف مش انا الى اشوفك بتعانى واسكت انت فاهم ياسيف.

_ليلى حبيبتى انا خبيت عنك واختفيت لانى عارف انى هوجع قلبك بتعبى  متضغتيش على انا عمرى ما اعمل الى انتى بتقولى عليه.

_سيف انا مامتى راحت منى فى لمح البصر لاجل انها رفضت تعمل العملية وغير كده انا وقتها مكنش معاى فلوس مش كل الى بحبهم يروحوا منى بالشكل ده.
صمتت وهى تبكى بشدة فهى تعانى بشده تكره الفراق لا تتمنى ان يرحل هو ايضا.
اقترب منها بهدوء وهو يحيط بوجهها ويبتسم ليبث لها الاطمئنان.
_ حبيبتى ياعيوني ياليلى الهادى ده قضاء وقدر من ربنا لازم نرضى ونصبر عشان نحس بعظم الفرج انا عندى استعداد انى اعمل العملية لكن نسبة نجاحها تكاد تكون معدومة لذلك بعدت عنك خوفا من انى ائذيكى.

ظلت صامتة وهى تبكى بضعف حتى احتضنها بهدوء وداخله نار مشتعلة لكن وجودها بجواره يغنيه عن اى شيئ بعد لحظات جائه اتصال هاتفى نظر الى الهاتف وجده نادر تعجب من اتصاله ولكنه اجابه بهدوء.

♥️♥️♥️♥️

فى هدوء الليل دخلت عليه الغرفة بهمجية وصراخ.
_انادررررر نادرررررر رد عليااااااااا.

استيقظ بفزع وهو يقول.
_اى فى اى من مات.. ليه فى ايه.
ضحكت بصخب على منظره المرتعب وقبل أن يبدأ فى السباب فهى تعرفه متهور وعصبى نظرت له ب ابتسامة طفولية رسمتها ببراعة  ولكنها لم تجدى نفعا مع نادر الذى حاول ان يظهر انه هادئى ثم اقترب منها بهدوء شديد حتى اغلقت عينيها بخجل و...بوووووووووم.

_ آآآآه حرام عليك يا نادر ودانى اتخرمت آه منك لله منك لله.

_ههههه تستاهلى عشان تبقى تعمليها تانى والله اخرم طبلة ودانك بجد.

_طيب مش هقولك كنت جايالك ليه ها.

_لا لا بربك الفضول هيموتنى... اسرحى ياماه.

_يانادر بقى بالله عليك تسمعنى.

_خير فى اى يا عملى الاسود.

_مش الست الحامل بيجى عليها فترة كده وبتبقى نفسها راحة ل اكلة معينة.

_مين العبيطة الى قالتلك كده.

_امك هههههه.

_بت انتى اتظبطى بدل ما اظبتك انا تعبان وعايز انام مش فاضى للسخافة دى.

_والله يانادر اول واخر طلب ارجوك ارجوك ارجوك ارجوك ارجوك ارجوك ارجوك.

_بسسس مبتزهقيش اتفضلى اخلصى عشان انا على اخرى منك.

_بصراحة نفسى راحة ل اللب السوبر.

_وحيات امك مصحيانى الساعة3الفجر تقوليلى نفسى فى لب سوبر انتى مجنونة يابت انتى ولا اى.