راية الانتقام

مصالحة صورية

مصالحة صورية(25)

_فريد اظن ان انا الى بديت الخصام وان انا الى لازم انهيه.

_هه ومين قالك انى موافق على الصلح انا مستعد اخد حقى من غادة لوحدى مش محتاج للصلح معاك.

_ يااااسلام واختك الى رمت كلمتين واختفت دى مش همك منها ومن زعلها انت فاكر انها بتهزر...رهف فعلا قالت ان حتى لو قضينا على غادة لكن احنا لسه مفترقين يبقى هى عمرها ماهترجع وقالت كمان انها هتبعد عن عين الكل مش عينى انا وانت بس اظن اننا لازم نتفق كلنا عشان رهف ترجع زى الاول.

_هه وانت من امتى وقلبك هياكلك لاجل رهف ومن امتى عايز مصلحتها اصلا انت لازم تطلقها لانى مش هقبل انها تفضل على زمتك واسمها مربوط باسمك.

_ رهف مراتى يافريد وهتفضل مراتى ومش بس مراتى لا هتبقى ام عيالى هتفضل نصفى التانى مش غيظا فيك لا انا بحب رهف ويستحيل استغنى عنها.

_ والله بجد ياجدع قول كلام غير ده... نادرر يحب لا وكمان يحب اختى...لااااااا انا مش هقبل بالحب ده الحب الكاذب الى بيطلع منك دايما...انت قبل كده من خمس سنين خدت حبيبتى منى واتجوزتها وطعنتنى انا وفى الاخر عايز تطعنى فى اختى انا مستحيل اقبل بكده اختى لايمكن تفضل معاك يانادر.

_ اولا ده مش بمزاجك رهف مراتى شرعا وقانوناً وكمان حامل فى ابنى وانا مش هسمحلك انك تتكلم عنها تانى ابدا.

تكلم حمزة الذى كان صامتا منذ البداية ينتظر ان ينهى هذا النقاش الذى لايوجد منه فائدة.

_ بص انت وهو بقى عشان انا جبت اخر اخرى منكم دلوقتي انتوا واضح عليكم انكم مش ناوين خير انتوا لازم تتصالحوا ولو كانت مصالحة صورية... المهم انكم تبانوا قدام رهف انكم رجعتوا لعهد الصداقة لحد ما نتخلص من الحية الى اتزرعت بينكم وساعتها بقى ابقوا قطعوا بعض اعملوا طاجن لحمة من بعض.. ده مش هيفرق مع حد تمام كده.... وحاجة كمان رهف قالت انها هتعيش مع مامتها لحد ما ترتاح من كل المشاكل دى بس مش فى بيت فريد لا فى ڤيلا الشاذلى اظن انا كده وصلت كل المطلوب يلا بقى شدوا فى شعر بعض وولعوا فى بعض سوا لكن قدام الكل انتوا اصدقاء.

القى كلماته كلها واتجه الى الخارج ليذهب الى اللواء خالد ولكنه امسك هاتفه ثم بحث عن(املى♥️).

وضغط زر الاتصال وظلا يتحاوران معا الى ان وصل للواء خالد.

💜💜💜💜

_ وبعدين معاكى ياليلى قلتلك مستحيل اعمل العملية دى.

_ اقسم بالله ياسيف لو مسمعتش كلام.....

قطع صياحها صوت هاتفها وقبل ان تحمله اخطتفه سيف بمجرد ان لمح اسم المتصل واجابه بغلظه.
_ انت يا###ازاى تتجرأ وتكلم مراتى انا مش قلتلك تبعد عنها والا اقتلك بس شكلك## ومش هتسكت غير لما انسفك يا###.