~This is the first time I've seen her this close. That gave me anonymous feelings ~
'' 2017 December, New Year Night''
နှစ်ကုန်ရက်က တနင်္ဂနွေနေ့ဆိုတော့ အစ်ကိုလတ်နဲ့ အစ်ကိုငယ်က တိုက်ခန်းမှာပါတီလုပ်မယ်ဆိုပြီး စီစဥ်နေကြသည်။ ဒါပေမယ့် သုံးယောက်တည်းဆို ပျော်စရာမကောင်းဘူးဆိုပြီး သူတို့သူငယ်ချင်းတွေကိုပါ ဖိတ်ခေါ်နေသည်။
''ပိုင်လေး... ငါတို့တိုက်ခန်းမှာ New Year Party လုပ်မလို့။ အဲ့ဒါမင်းလာခဲ့မလား''
''ညအိပ်လာရမှာ... မင်းအဆင်ပြေလား''
''ဒါပေါ့''
''ဟုတ်ပြီလေ။ မိဘတွေကိုပြောပြီးထွက်လာခဲ့မယ်''
''ခဏလေး''
မင်းသက်ရာတစ်ယောက် စေထွန်းပိုင်ဖုန်းမချခင် တစ်ခုခုပြောခဲ့သေးသည်။ ပြီးတော့မှ တိုက်ခန်းမှာတွေ့ကြမယ်လို့ ချိန်းဆိုလိုက်သည်။
''အစ်ကိုလတ်... ကျွန်တော် ပိုင်လေးတို့ကိုခေါ်ထားတယ်''
''ကောင်းတာပေါ့။ ငါလည်း ငါ့သူငယ်ချင်းတစ်ယောက်ကို ဖိတ်ထားတယ်''
အစ်ကိုလတ်နဲ့ အစ်ကိုငယ်စီစဥ်နေတာကို ရာရာတစ်ယောက် ထိုင်ကြည့်နေခဲ့သည်။ ရွာမှာဆို အမေတို့က ဘယ်တော့မှ New Year ညမှာ ဒီလိုမစီစဥ်ပေးဖူးဘူး။ သူငယ်ချင်းတွေနဲ့ အပြင်ထွက်မယ်ဆိုလည်း ဘယ်တော့မှခွင့်မပြုခဲ့ဖူးဘူး။
''ရာရာ..''
''အဲ''
''မင်းရော... သူငယ်ချင်းတွေ မဖိတ်ဘူးလား''
''ခင်တာမှမကြာသေးဘဲ... ဘယ်လိုလုပ်ဖိတ်မလဲ''
''ဟုတ်တာပဲ။ ဒါပေမယ့် မပူနဲ့။ မင်းအတွက် ငါဖိတ်ပေးထားတယ်''
''ညးဂှ်ရော...?'' (ဘယ်သူလဲ)
''လာရင်သိမှာပေါ့''
''ဘယ်သူလဲလို့''
''လာကူစမ်းပါ။ အဲ့မှာပဲထိုင်မနေနဲ့''
''ဘယ်သူလဲလို့...အရင်ပြောပြ''
''မပြောဘူး''
''မပြောပြရင် မကူဘူးနော်''
''မကူရင် မစားနဲ့ပေါ့''
''အစ်ကိုငယ် ! ''
သူဘယ်လောက်မေးမေး အစ်ကိုငယ်က မပြောပြဘူး။ ခုနှစ်နာရီလောက်ထိုးတော့ သူတို့ပြင်ဆင်နေတာတွေ ပြီးစီးသွားသည်။
YOU ARE READING
My Romance Belongs to You💚''အ-ရာရာ-မင်းပိုင်-တယ်'' {Completed}
Romance"I Love You" If we get any closer, I'll fall deeper. I won't be able to give you up. " ငါ့ကိုမင်းတစ်ကယ်ပဲ..ကြိုက်တာလား " " မင်းဘယ်နှစ်ခါမေးမေး ငါ့အဖြေကမပြောင်းဘူး။ မင်းဘယ်လိုပုံစံပဲဖြစ်နေဖြစ်နေ၊ ဘယ်လိုအခြေအနေထိပဲရောက်နေရောက်နေ မင်းမို့လို့ကို ချစ်တ...
