~When she get excited, her eyes look so sweet~
'သူဘာလို့ငါ့ကိုလာကြည့်နေတာလဲ'
စေမင်းပိုင်ရဲ့အကြည့်က သူ့ကိုကြည့်နေပေမယ့် သူ့ကိုကြည့်နေတဲ့ပုံလည်း မပေါ်ပြန်ဘူး။ သူမဟုတ်တဲ့ ဒီအလှအပပြင်ထားတဲ့အဆောင်အယောင်ကို စေမင်းပိုင်ကမျက်စိကျနေတာလား။ ဒါလည်းမဖြစ်နိုင်ပါဘူး။ ဘယ်လိုပဲဖြစ်ဖြစ် အဲ့အကြည့်တွေကို မကြိုက်ဘူး။ သူ့ကို အဲ့လိုမျက်ဝန်းတွေနဲ့ မကြည့်စေချင်လိုဘူး။
''သား... ရွာကလူကြီးတွေစုံတုန်း သားတို့စေ့စပ်ပွဲကိုတစ်ခါတည်းလုပ်ပေးဖို့ အမေတို့ပြောထားတယ်''
''ဒီနေ့ပဲလား''
အမေကသူ့ကိုခေါင်းညိမ့်ပြလာသည်။ အဲ့ဒါကြောင့် သူ့အတွက်ဝတ်စုံကို ကြိုပြင်ပေးထားတာလား။ အဲ့ဒါကြောင့် ရာရာကလည်း ဝတ်စုံပြည့်ဖြစ်နေတာလား။ နောက်ဆုံးတော့ ဒီအကြောင်းပြချက်တွေကြောင့်လား။
''ဒီနေ့က ဒီအိမ်မှာ မင်္ဂလာနှစ်ခုတစ်ပြိုင်တည်းယူကြတဲ့ ရက်ကောင်းရက်မြတ်လေးပဲ။ တစ်ခုက လက်ထပ်ပွဲ။ တစ်ခုကစေ့စပ်ပွဲ''
အဲ့ဒီတော့ ကောက်ကာငင်ကာကြော်ငြာလာတဲ့စေ့စပ်ပွဲက ဘယ်သူ့စေ့စပ်ပွဲလဲလို့ သူသူငါငါစူးစမ်းလာကြတော့တာပေါ့။ အဲ့ဒီသူတွေထဲက ရပ်ကွက်သံချဲ့စက်ဖြစ်တဲ့အန်တီချိုတို့က ထိပ်ဆုံးကပဲ။
''ဟဲ့...ဘယ်သူ့စေ့စပ်ပွဲလဲ''
''ကျွန်မလည်းမသိဘူး။ သူတို့သားကြီးရဲ့လက်ထပ်လက်မှတ်ထိုးပွဲဆိုလို့ ဖိတ်လို့ရောက်လာတာ။ စေ့စပ်ပွဲကိစ္စတော့ ကျွန်မမသိဘူး။ မချိုလည်းမသိဘူးလား''
''ငါလည်းမသိလိုက်ဘူး။ မသက်နှောင်းတို့က အလျိုကောင်းတာ။ သားကြီးမဟုတ်ရင် ကျန်သုံးယောက်ပဲ။ အလတ်ကောင်များလား''
''မသိဘူးလေရှင်။ စောင့်ကြည့်ကြတာပေါ့''
''ကိုးရီးကားလိုလား။ မကြာမီလာမည်...မျှော် တို့ဘာတို့ပေါ့''
''ဟုတ်ပဟယ်။ အဲ့လိုဖြစ်နေပြီ''
အစ်ကိုကြီးတို့က လက်ထပ်လက်မှတ်ထိုးပြီးတာနဲ့ လာတဲ့ဧည့်သည်တွေကို နှုတ်ဆက်ဧည့်ခံနေသည်။ အဲ့ဒီအချိန်မှာ အမေတို့က သူနဲ့စေမင်းပိုင်ကိုနေရာယူခိုင်းပြီး စေ့စပ်ကြောင်းလမ်းဖို့ကိစ္စလုပ်တော့သည်။
VOCÊ ESTÁ LENDO
My Romance Belongs to You💚''အ-ရာရာ-မင်းပိုင်-တယ်'' {Completed}
Romance"I Love You" If we get any closer, I'll fall deeper. I won't be able to give you up. " ငါ့ကိုမင်းတစ်ကယ်ပဲ..ကြိုက်တာလား " " မင်းဘယ်နှစ်ခါမေးမေး ငါ့အဖြေကမပြောင်းဘူး။ မင်းဘယ်လိုပုံစံပဲဖြစ်နေဖြစ်နေ၊ ဘယ်လိုအခြေအနေထိပဲရောက်နေရောက်နေ မင်းမို့လို့ကို ချစ်တ...
