~Don't look at me with those eyes. You really piss me off. But why I can't let you go. In my mind remind me that I need to hold you till the end because you're the one I choose to be with~
အိန္ဒြေနဲ့ဆက်ဆံရေးကိုအပြီးတိုင်ရှင်းထုတ်လိုက်ပြီးတဲ့အချိန်မှာ သူအရမ်းကိုလွတ်လပ်သွားသည်။ အခုမှ အချုပ်အနှောင်ထဲကထွက်လာရတဲ့ငှက်တစ်ကောင်နှယ် စိတ်တွေပေါ့ပါးနေသည်။ ရာရာကိုတွေ့ရမှာလည်း စိတ်သန့်သွားသည်။ အဲ့ဒီအတွက် သူအရမ်းကိုမျှော်လင့်ထားသည်။
''တင်း...တောင်''
ရာရာကိုတွေ့ချင်နေတဲ့သူ့စိတ်က အခုအိမ်ရှေ့ကိုရောက်နေတာတောင် အားမလိုအားမရဖြစ်နေတုန်းပဲ။ မြန်မြန်တွေ့ချင်နေတဲ့သူ့စိတ်က အရမ်းကိုအလျင်လိုနေတော့ တံခါးကိုတဒုန်းဒုန်းတောင်ထုနေမိပြီ။
''ဘာဖြစ်နေတာလဲ။ ဘေးအိမ်တွေကို အားနာဦးလေ''
''ရာရာ..''
ရာရာကိုအိမ်ရှေ့ပေါက်ဝမှာတင် တွေ့တွေ့ချင်း တင်းတင်းကျပ်ကျပ်ကို ပွေ့ဖက်ထွေးပွေ့လိုက်သည်။ အဲ့ဒီအချိန်မှာ သူ့ရင်ခုန်သံက နည်းနည်းလေးတောင် လျော့ကျမသွားဘူး။ အဲ့လောက်တောင်ပဲ ရာရာ့ကိုသူသဘောကျခဲ့ရတာပဲလို့ ကိုယ့်ကိုယ်ကိုယ်လည်း အသိအမှတ်ပြုပြီး လက်ခံမိသွားသည်။
''လွှတ်စမ်းကွာ...ဘာဖြစ်နေတာလဲ''
''လွမ်းတယ်''
''လွှတ်စမ်းပါကွာ...!''
ရာရာကသူ့ကိုခပ်ကြမ်းကြမ်းတွန်းထုတ်ပြီး မျက်မှောင်ကျုံ့ပြီးကြည့်နေသည်။ သူ့စိတ်ထဲမှာတော့ ရာရာလုပ်နေကြအပြုအမူပဲလို့ ထင်လိုက်သည်။ အဲ့ဒါကြောင့် အချစ်စိတ်မွှန်နေတဲ့သူက ရာရာ့ကို ပိုပြီးစိတ်လှုပ်ရှားလာသည်။ ချစ်ရတဲ့သူဘာလုပ်လုပ် စိတ်ထဲသဘောကျမိတဲ့အခိုက်အတန့်က လူတိုင်းမှာရှိကြတယ်မလား။ အခုသူ့လိုမျိုးပေါ့။
''ချစ်စရာလေး ''
သူ့စကားကြောင့် ရာရာက သူ့ဆီကနေ မရမကကိုရုန်းထွက်သွားသည်။ ပြီးတော့ သူ့ကိုမျက်စောင်းအကြိမ်ကြိမ်ထိုးနေသည်။
''ရုတ်တရက်ကြီး ဘာလာလုပ်တာလဲ''
''မင်းကိုဝမ်းသာစရာပြောပြစရာရှိလို့...''
VOCÊ ESTÁ LENDO
My Romance Belongs to You💚''အ-ရာရာ-မင်းပိုင်-တယ်'' {Completed}
Romance"I Love You" If we get any closer, I'll fall deeper. I won't be able to give you up. " ငါ့ကိုမင်းတစ်ကယ်ပဲ..ကြိုက်တာလား " " မင်းဘယ်နှစ်ခါမေးမေး ငါ့အဖြေကမပြောင်းဘူး။ မင်းဘယ်လိုပုံစံပဲဖြစ်နေဖြစ်နေ၊ ဘယ်လိုအခြေအနေထိပဲရောက်နေရောက်နေ မင်းမို့လို့ကို ချစ်တ...
