~When she got angry, her eyebrows look so cute~
စေမင်းပိုင်က သူ့ကိုကျေးဇူးတင်တယ်...? ဘဝမှာထူးထူးဆန်းဆန်း စေမင်းပိုင်ဆီက ကျေးဇူးတင်စကားတွေပါကြားနေရတာပဲ။ ဒါပေမယ့် ကျေးဇူးတင်တာကြီးကို စေမင်းပိုင်က အဲ့လိုမျက်နှာထားနဲ့ပြောဖို့လိုလို့လား။ ဘာလို့အဲ့လိုမျက်ဝန်းတွေနဲ့ သူ့ကိုလာကြည့်နေရတာလဲ။ လူကိုအနေရခက်အောင်လို့...။
''ရာရာ မင်းငါ့ကိုရှက်နေပြန်တာလား''
''ဟာ...? ဘာတွေလာပြောနေတာလဲ''
''ငါ့ကို တစ်ခါတစ်လေတော့ ရှက်တယ်လုပ်လိုက်''
''ဘာကိစ္စငါကရှက်ရမှာလဲ''
''မင်းဝန်မခံဘူးပေါ့''
''မင်းကပေါက်ကရတွေပြောနေတာ ငါဘာလို့ဝန်ခံရမှာလဲ''
''ပေါက်ကရဟုတ်မဟုတ် စမ်းကြည့်ရအောင်''
''ဘာတွေလုပ်ဦးမလို့လဲ။ ငါ့ခေါင်းကိုထိန်းကိုင်ထားတာလွှတ်လိုက်နော် စေ မင်း ပိုင် ! ''
''တစ်မိနစ်လေးပဲ အချိန်ပေး။ အဲ့ဒီအချိန်အတွင်းမှာ မင်းငါ့ကိုအကြည့်မလွှဲနဲ့ ။ ငါလည်းမင်းကိုအကြည့်မလွှဲဘူး။ ဘယ်လိုလဲ...? ''
''စိန်ခေါ်တာလား..? စိန်ခေါ်တာဆို လက်ခံတယ်။ ငါနိုင်ရင် ဘာရမှာလဲ''
''မင်းနိုင်ရင် အိန္ဒြေကိုမင်းလိုက်ရှင်းပြပေးစရာမလိုဘူး။ ဘယ်လိုလဲ။ အပေးအယူ အိုကေရဲ့လား..? ''
''အိုကေတယ်''
စေမင်းပိုင်က သူ့ခေါင်းကိုထိန်းကိုင်ထားရာကနေလွှတ်ပြီး သူ့မျက်လုံးကိုဖြေးဖြေးချင်းစိုက်ကြည့်လာသည်။ မျက်ဝန်းချင်း ဆုံတွေ့တဲ့အခိုက်အတန့်မှာတင် ရင်ထဲမှာမရိုးမယွတွေဖြစ်လာသည်။
''စပြီနော်''
စေမင်းပိုင်ရဲ့မျက်လုံးက အနီးကပ်ကြည့်မှ တော်တော်လေးဆွဲဆောင်မှုရှိနေတာပဲလို့တွေးမိရင်း သူ့တစ်ကိုယ်လုံးက တောင့်တင်းသွားသည်။ နက်မှောင်နေပြီး ဖရိုဖရဲဖြစ်နေတဲ့ဆံပင်ကြားထဲကနေတောင် တောက်ပနေတဲ့မျက်ဝန်းတွေက သူ့ကိုအကာအကွယ်မဲ့ စိုက်ကြည့်နေသည်။ အဲ့ဒီအချိန်မှာ စေမင်းပိုင်ဆီက တိုက်ခိုက်မှုစတင်လာသည်။
STAI LEGGENDO
My Romance Belongs to You💚''အ-ရာရာ-မင်းပိုင်-တယ်'' {Completed}
Storie d'amore"I Love You" If we get any closer, I'll fall deeper. I won't be able to give you up. " ငါ့ကိုမင်းတစ်ကယ်ပဲ..ကြိုက်တာလား " " မင်းဘယ်နှစ်ခါမေးမေး ငါ့အဖြေကမပြောင်းဘူး။ မင်းဘယ်လိုပုံစံပဲဖြစ်နေဖြစ်နေ၊ ဘယ်လိုအခြေအနေထိပဲရောက်နေရောက်နေ မင်းမို့လို့ကို ချစ်တ...
