دامِك سكنتي القلب اسمعي العلوم إنتي سبب فرحِتي ومسك الختام .

الجزء الأول

بيت الجد
بيت الجد مقسم قسمين واحد للنساء و واحد للرجال

قسم النساء:
: ماما قلت لك ما عجبني هذا اللون يفقع العين ما حبيته
: يا نغم ترا تعبتيني خلاص اختاري اللون الي تبينه
نغم وهي زعلانه : خلاص طيب
دخلت هداد وهي تغني : ليه مكانك مو مكاني ليه زمانك مو زما.. قاطعتها نغم : هداد تعالي ساعديني تكفين عجزت احدد اللون حق فستان العرس
هداد: اي عرس ؟
نغم : حماره انتي عرس الوليد وانوار
شهقت : ههيييي نسيته اووففف
نغم : والله اني داريه انك بقره
هداد : كم باقي له ؟
نغم : اسبوع اعتقد
هداد: وتوكم تذكروني حسبي الله ، هاتي هاتي خل اختار لي لون بعدين انتي
نغم : خييير يبوي قاعده اختار عمياء ما تشوفين ؟
هداد : هذي جزاتي جايه اساعدك يلا انقلعي
نغم : لا خلاص خلاص خذيه
قاطعهم صوت الجد عيّاش :
لولوة يا لولوة
هداد : هلا جدي شبغيت ؟
الجد عياش : وين العيال مالقيت احد بالقسم ؟
هداد مو عارفه كيف ترقع للعيال الي راحو يدورون بالسيارات من فضاوتهم : اا مدري مدري يا جدي
الجد عياش : اذا شفتي واحد منهم ناديه خل اربيهم من جديد
هداد : ابشر ابشر يا جدي
طلع الجد
هداد : اووفف الله ياخذهم مالقو يطلعون الا الحين
نغم : شفيك من الي طلع ؟
هداد : العيال الله لا يوفقهم
نغم : يووه ياويلهم من جدي بعد شوي تسمعين اصواتهم وهم ينجلدون
هداد : الا وين البنات ؟
نغم : هتاف وتغاني عند جدتي و غدق نايمه وعمتي ابراق بالمطبخ
هداد : الا صدق متى بتجي عمتي نهال وبنتها ؟
نغم : مدري والله اعتقد بكره
هداد : اوف عاد مالي خلق لدلع فلك
نغم : خل نروح لعمتي ابراق
هداد : يلا
عند ابراق بالمطبخ :
كانت تغني ومستانسه : سولف تفاصيل حبك وانا كلي غرام
هداد وهي تكمل : كل ما انتهت سالفة قلت بالله عيد
ابراق ضحكت عليها : يحلوك يا هداد
هداد ونغم : شقاعده تسوين ؟
ابراق : ابد والله اجهز لبكره
هداد : ليه وش صاير بكره ؟
ابراق : صاحيه انتي ؟ بكره امي عازمه الجيران
هداد : يليل كل يوم عزيمه وش ذا قاعة افراح مو بيت
ابراق : اسم الله علينا لا تحسدينا
نغم: ما قلنا شي بس صدق انهلكنا من ذا العزايم
ابراق : شسوي عاد ما بيدي حيله ، الا وين غدق ما اشوفها معكم ؟
هداد : نايمه من الفجر حرام من امس وهي تذاكر تقول مادتها صعبه
ابراق : يوه الله يعينها اجل
قاطعهم صوت نيّار وهو ينادي : يا هداد يا هداد
هداد : الله يستر شفيه معصب
: هلا نيّار وش بغيت
نيار : ليه تاركين جدي لحاله وين العيال ؟
هداد: العيال طالعين ما اعرف وين رايحين
نيار: وين عمّاني طيب ؟
هداد : اعتقد بالشركه اليوم ماشفت احد منهم
نيار : خلاص خلاص شكرا
طلع نيار وهو يدق على يمن
:هلاا حبيب قلبي نيار
نيار : اقول لا يكثر هرجك وينكم فيه ؟
يُمن: اوف شكلك معصب هدي ، ابد والله طالعين واحلا دوره بالشوارع
نيار : اي هذا الي فالح فيه من معك ؟
يُمن : انا ومنذر ونمار وسادن
نيار : اقول ارجع ارجع محد قاعد عند جدي يا قليلين الادب !!
يُمن : خلاص طيب جايين
قفل يُمن : يليل ابلشونا ذول
منذر : يرجال اهم شي طلعنا
سادن : اقول ارجعو واضح نيار معصب الله يستر
العيال : تم