دامِك سكنتي القلب اسمعي العلوم إنتي سبب فرحِتي ومسك الختام .

الجزء الرابع و العشرون

الشباب : ابشر ، تم ، لا تشيل هم !
الجدة لولوة : يلا تصبحون على خير !
النوفل : وين وين ؟
الجدة لولوة : النوم النوم ! بكره ورانا تجهيزات و حوسه !  و انتم يا بنات ناموا لا تسهرون بكره وراكم مشاوير !
البنات : ابشري
توجهوا الجد و الجدة لغرفتهم ينامون ، و البنات قاموا كلهم متوجهين لغرفة غدق فوق عشان يتناقشون بالشبكة و تجهيزاتهم 
العدد بدا ينقص و ما بقى في الصالة الا حكيم و اغادير و النيار ، النيار قام يروح لغرفته لكن توقف من سمع امه : تعال تعال
التفت بإبتسامة : سمي ؟
اغادير : تعال اجلس بسولف معك
تقدم يجلس على الكنبة اللي قدامهم : اسلمي !
اغادير : وينك رايح فيه ! باقي الشبكة نشتريها و باقي الهدايا نختارها و القاعة  !
النيار ابتسم : لا تشيلين هم الشبكة و الهدايا كلها موجودة و القاعة اختاروا انتم !
اغادير عقدت حاجبينها : ايش ؟ شلون موجودة ؟
النيار : ما عليكم انتم هي محلولة ! بس خلصوا فساتينكم و لا تشيلون هم و انا بحل موضوع القاعة ! ارتاحوا لا تشيلون هم
حكيم ابتسم : دامك خالص من امورك الله يوفقك و يبارك لك !
النيار قام من مكانه : امين يارب ! تبون شي ؟
اغادير : لا تصبح على خير !
توجه للدرج يطلع فوق متوجه لغرفته بعد يوم طويل ، فتح الباب يدخل و يسكره وراه ، يبتعد عن العالم و يغرق بنوم عميق !

غرفة غدق
غدق منسدحة على السرير ، نغم و هداد متربعين بجانبها و هتاف و تغاني جالسين على الأرض ، غدق بإدراك : يمه ! لحظة ادراك قاعدة اجهز لشبكتي !
نغم ضحكت : وه قلبوسسي اللي يجهزون ! مع ان عمرك ٢٥ بس باقي احس نونو !
هداد ابتسمت : احلا نونو ! المهم الحين شلون نجهز ؟ وش الخطة ؟
غدق عدلت وضعيتها و صارت متربعه زيهم : امم اول شي الفساتين ؟
تغاني : نطلب من اي مصمم هالمره ؟ تكفون ما نبي ذاك
نغم عقد حاجبينها : اي ذاك ؟
تغاني : اوف يربي نسيت اسمه ! ذاك الأشقر
هتاف : اييي ذاك الكريه ! وع لا تكفون
هداد : طيب اكلم سوزان ؟
غدق كشرت : لا ! خل تنقلع ذي ما ابلعها ما غير تتمايع !
نغم : بس والله تضحكني !
هتاف صفقت : لقيتها !
التفتوا عليها و علامات الإستفهام على وجيههم ذ اكملت : كريستال !
غدق ابتسمت : ايوه ! مناسبة !
هداد : عاد توني داخله البوتيك حقها توها منزله كولكشن جديد !
نغم : لا وش كولكشن ؟ نبي تصاميم خاصة
هتاف : طيب الحين خلصنا الفساتين و عرفنا المصممة وش بقى ؟
تغاني بتفكير  : توزيعات ؟ ديزاين عشان الشبكة ؟
غدق اشرت على نغم : عندك ! مالي دخل بهالمجال ابدا و انتي تعرفين اللي يسوون للشبكات و الأعراس !
نغم ابتسمت : تبين اصمم لك انا ؟
غدق ابتسمت بفرح : صدق ! تقدرين ؟
نغم ضحكت : اكيد ! و اعتبريها هدية شبكتك مني و من صخر !
هتاف صارخت  : الللعبببب دخلت حبيبها بالسالفة نهدا !
ضحكوا على وجه نغم و كيف انقلب ، نغم : وجع انتي وياها جزاتي ! و بعدين وش فيها لا طريته ؟
هداد بضحك : لا ما فيها شي !
تنحنحت تتدارك ضحكتها : اححم المهم الحين خلصنا من التصميم التوزيعات من بيسويها ؟
غدق ابتسمت من تذكرت : عرفت ! تذكرون التشوكلت حق العيد ؟ بروح اسوي تصميمي عندهم
تغاني : متأكدة يسوون ؟
غدق : حتى لو ما عندهم بقول لهم اني حرم النيار و نشوف وش يصير !
هتاف صفقت : لا لا لا !!! لعبتها صح معشوقة النيار !
غدق رجعت شعرها على ورا بطريقة تتباها فيها : اعجبك !
نغم و هي تعد بأصابعها : الفساتين و خلصنا و التصميم بعد خلصنا و التشوكلت و التوزيعات خلصنا ، وش بقى ؟
تغاني : بقى الكعب و الهير ارتست و الميكب ارتست !
هداد : يوه صح ! الميكب ارتست نفسها لوسي شرايكم ؟
غدق : ايوه زين ميكبها ، والهير ارتست نبي جيسي
نغم : كويس ! و الكعب بدق على براند يجون للقصر و نختار !
غدق ابتسمت : خلاص كذا خلصنا ؟
تغاني : دَن !
هداد : خلاص اجل بكره نروح لبوتيك كرستال كلنا ، الساعة ٩ الصباح كلكم جاهزين !
هتاف : دقيقه و المعازيم ؟
نغم : عند جدتي و خالاتي و امي ولا ؟
هداد : الا ، صح نسيت !
تغاني استغربت : وش نسيتي ؟
هداد : شرايكم نعزم عشق !
غدق : حياها الله ! عاد احسها لطيفه !
هداد : تجنن لو شفتوها بتاكلونها ، اجل خلوني ادق عليها
نغم : هاو اصبري مو كنه الوقت متأخر ؟
هداد : لا ما عليك !
اخذت جوالها تدور اسمها ، ابتسمت من لقته و ضغطت عليه تسمعه يرن ، بعد ثواني وصلها صوت عشق : الو ؟
هداد ابتسمت : السلام عليكم !
عشق بإبتسامه : و عليكم السلام ! اهلين هداد وش بغيتي ؟
هداد : داقه اعزمك على شبكة اخوي النيار و بنت عمي غدق اخت النوفل ! و عاد لازم تجين ملزمه عليك !
عشق ابتسمت : الف مبروك لهم والله يتمم لهم على خير ! ابد ابشري اول الحاضرين بس ارسلي لي الدعوة و اللوكيشن !
هداد ابتسمت : تم ! ننتظرك يا عسل !
عشق ضحكت : انتي العسل ! و وصلي تبريكاتي لغدق و النيار !
هداد : ابشري !
قفلت من الإتصال و التفتت على غدق : تقول وصلي تبريكاتي لهم
غدق ابتسمت : الله يبارك فيها ! بتجي ؟
هداد : اي و تقول بس ارسلوا لي الدعوة و اللوكيشن !
غدق : تم ! لا قمت علمت جدتي تزيد على الدعوات !
نزلت انظارها على ساعتها الي ملتفه حوالين معصمها : ما دامها ٩ بنام الحين شكلي !
نغم قامت : يلا بروح غرفتي تبون شي ؟
تغاني و هتاف : حنا بعد يلا تصبحون على خير !
توجهوا كلهم ينامون ، بكره وراهم مشاوير كثيرة !