دامِك سكنتي القلب اسمعي العلوم إنتي سبب فرحِتي ومسك الختام .

النهاية

دارت الدنيا فيه من سمع الخبر و خصوصا انها هي الي قايلته ، ما قدر يسأل لأنها اسرعت بخطواتها للسيارة و مشت ! سمع انها بتصير على ذمة رجال غيره ، الندم ياكله اكل !

عند نغم
شهقت تبكي و تنزل دموعها بقهر ، صارخت بغبنة و الم يحرق جوفها : اخخخخخخخخخ !
ضربت صدرها بتعب : لين متى بيتعبني هالقلب لين متى ! اخخخ يا صخر اخ !
طلعت جوالها من الشنطه و دقت على هداد تحاول تهدي نفسها لكنها ما قدرت ! ما قدرت تخفي هالألم و التعب ولا بتقدر !
صدح صوت هداد : هلا نغومي !
نغم ببكاء و صراخ : ااهههخخخخخخ !!
هداد فزت من مكانها : نغم ! نغم وش فيك ! وينك فيه يا بنتي علميني ! اجيك والله اجيك
نغم بدموع : قابلته قابلته ليتني ما طلعت و ليتني ما حبيته و ليتني ما شفته طول عمري ! ليتني ما لمحته ذاك اليوم ولا لمحني !
هداد : امي انتي وينك اجيك والله ما اتركك وينك ؟
نغم بإنهيار : شفته بالكوفي شفته و كان يطالعني من اول كان شايف دموعي ولا فكر يعتذر ولا شفته ندمان ! هداد انخدعت بحبه انخدعت بكلامه ! سنين عمري راحت معاه
هداد اخذت مفتاح سيارتها و طلعت تركض : خلاص انا جايتك الحين هدي نفسك تكفين لا تتعبين عمرك تكفين
قفلت الإتصال و ركبت سيارتها تتوجه بسرعه هائلة لمكان نغم !

عند صخر
وقف عند بيته ينزل و يحس بشعور مؤلم ، صارخ بقهر : الله ياخذك يا صخر الله ياخذك !
صك راسه بالجدار لين ما نزفت جبهته ، ما قوى على دموعها و لا على عتابها شلون بيقوى يشوفها تنزف لغيره ؟ شلون بيكبت مشاعره لما يشوفها بجانب شخص غيره ؟  شلون بتكون بحضن شخص غيره و بتجيب عيال من غيره ؟
كسر الفازه الي قدامه بألم و ندم ، امتلت يده بالدم لكن الم قلبه طغى على الم الجرح !

نزلت من السيارة و فتحت باب نغم و انصدمت من منظرها ، عيونها مليانه دموع و تنزل على خدودها بشكل غزير ، مؤلم شكلها و جدا !
على طول حضنتها تسمع انهيارها : تكفين خلاص تكفين لا تعورين قلبي اكثر !
نغم ضربت راسها بإنهيار  : انا الحماره انا الغبيه الي صدقته
صرخت بألم : انا الي تأملت اجمل ايامي معه ! انا الي تخيلت حياتنا سوا ! تكفين شيلي هالشعور تكفين بموت والله بموت ! 
هداد حضنتها : بسم الله عليك بسم الله على عمرك لا تقولين كذا !
نغم اجهشت بالبكاء على كتف هداد : كلامه كان كذب و وعوده كلها مزيّفه ! و انا طيب ؟ انا الي اخلصت عشان اخلي هالحب ينتصر و اخليه شيء حلو بحياتي ؟ ليه ما فكر بقلبي الي بيكسره مليون مره بكذبه وخيانة وعوده ؟ ليه خيّب ظنوني فيه و ليه ما اتصل ولا ارسل ولا جاء ؟ هل كنت شخص يتسلى فيه و يتركه بعدين و ما يهمه مشاعري ؟
هداد مسحت على ظهرها بصمت ، تحاول تهديها و هي بتبكي معها ، قصة نغم و صخر تأثر فيها كثير ، شافتهم كيف رجعوا لبعض بعد غياب مدة طويلة لكن هالمرة بيرجعون لبعض زي الأولى ؟ او بتنتهي قصتهم و تنحط على رف من رفرف الذكريات المؤلمة ؟ هل نغم بتقدر تتخطاه و بتقدر تتخطى كلماته كلها ؟ هل صخر بيبقى بمكانه و الندم ياكله و يترك الأمور تمشي مثل ما هو مقدر لها او بيتدخل ؟