دامِك سكنتي القلب اسمعي العلوم إنتي سبب فرحِتي ومسك الختام .

الجزء الثامن

: هل من الممكن ان اخذ هذه الفطيرة ؟
الموظف : بالطبع ، هل تريدين قهوه ؟
عشق : نعم ، سوداء لو سمحت
اخذت فطورها وقهوتها وقعد برا بما ان الجو لطيف

في نفس الفندق ، صحى من النوم بعد نومه طويله من بعد جهد ورحلة صعبة ، دخل ياخذ شاور ، لبس هودي اسود مع بنطلون اسود و شوز ابيض ، نزل ياخذ اكل لان فاته الفطور .
اخذ كرواسون وقهوه ، قرر يروح ياخذ هدايا واغراض اهله اللي طلبوها

السعودية ، المغرب
: قم ياخي تعبت وانا اقومك ، نيار قم فطوور !!
النيار وهو ميت نوم ومنزعج  : خلااص طيب بقوم
هداد : والله ان ما قمت لا اوريك شغ...
النيار بعصبيه : هداد قلنا خلاص قمت
هداد مشت ترجع لقسم الحريم
النيار قام وراح دورة المياه " يكرم القارئ " وفرش اسنانه وغسل وجهه ، نزل تحت والكل كان ينتظره
: الله يهديك يابوك وراك متاخر
النيار ونفسيته واصله لين خشمه : ما نمت زين
بدوا ياكلون وغدق كانت تراقب النيار وعقده حاجبه وهو ياكل دليل انه للان فيه نوم قاطعها صوت عمتها نهال : غدق قومي صبي لي فيمتو
غدق : طيب ، صبت واعطتها الكاس وهي الى الان نظراتها تتجه الى نيار
نيار كان حاس ان فيه احد يراقبه بس ما يدري مين بسبب ان كل البنات لابسين جلالاتهم وقاعدين بجنب بعض
حكيم : اقول يبه النيار
النيار : سم ؟
حكيم : متى رحلتك لإيطاليا ؟
النيار : ثلاث اربع ايام
حكيم : كم بتقعد هناك ؟
النيار : اسبوع او خمس ايام على حسب اذا بيتفقون من بدري او لا
حكيم : الله يوفقك يا ولدي
الجميع : امين
الجد عياش : الا ما قالكم متى بيجي النوفل ؟
غدق : يمكن يوم يومين وهو جاي
الجد عياش : والله له فقده ، يوصل بالسلامه
يمن وهو مستمتع بالأكل : عطوني بالله ليمون
الجده لولوه : شفه جنب راسك
يمن : تمونين يا جده تمونين
( معلومة ما قدر ذكرتها : سادن ضابط عقيد !)
تنحنح سادن : يبه
الجد عياش : هلا ؟
سادن : عندي مهمه بعد كم يوم
الجده لولوه بصدمه : ايش ؟ كيف مهمه ؟
سادن : فيه عصابه كنا ندورهم من خمس سنوات و كشفنا مقرهم الي يبيعون فيه الممنوعات وبنداهمهم بعد كم يوم وانا اول شخص بقائمة الأسماء ولازم اكون موجود معهم عشان الترقية
الجد عياش : الله يوفقك يا ابو يسر
الجده لولوه : وانت موافق تروح وتخلي بنتك ؟
سادن : يا يمه افهميني انا اسمي مكتوب وطالبني فريق اول لازم اكون معهم ، وبنتي ما عليها خوف بين اهلها وناسها ولا تحسبوني فرحان اني بترك بنتي وبروح !
وقام من الطاوله وراح يدور يسر
الجده لولوه : الله يصلحك

: بااابييي
سادن : يا عيون بابي هلا يسورري
يسر : بابا ابي حلاوه
سادن وهو يأشر على عيونه ومبتسم : من عيوني كم عندي يسر انا ؟ وحده بس
قعد يتأمل بنته الي تشبهه بشكل مو طبيعي بالملامح والأطباع ، حضنها بقوه لدرجه ان يسر انزعجت
كان يفكر كيف بيتركها وبيروح ومايدري بيرجع او لا ؟

لندن
في المول
اعطى الموظفه صورة العطر الي تبغاه هتاف : هل لي ان اخذ هذا العطر
الموظفة بخقه : بالطبع سيدي ، لك ذوق جميل
النوفل : هلي تبيعون هنا مستحضرات تجميل ؟
الموظفة : نعم ، لدينا قسم كامل في الجهة الأخرى من المحل
طلع لها صورة الروج الي تبغاه تغاني