الجزء السابع

11.2K 395 49
                                    

: يسر ، رُويد !
يسر وهي تركض : ييماااه
غدق وهي تضحك : تعاليي ، وقعدت تلاحقها
فلك وهي تناظرهم : الحمدلله والشكر بس
غدق وقفت ولفت عليها : الله يشفيك، كملت تلعب مع رويد ويسر

الطيارة ، عند عشق
تفكر بمشاريعها وصفقاتها الي بتسويها بخصوص التصاميم الي ترسمها وتبدع فيها وتحط كل جهدها فيه ،طرت على بالها حياتها وكيف عانت وتحدت عمها الي كان ضد الدراسة اساسا وتفكيره متحجر وقديم ، فلاش باك :
: انا مصره على دراستي انت وش بتخسر ؟
عمها بكره : مالك الا ولدي والزواج وانت الدراسه مو بحاجتها ، ما عندنا بنات يدرسون !
عشق بدفاع : الله ياخذ تفكيرك العقيم وولدك خله يفكر يخطي خطوه وحده والله احرقكم ، صحصح انا بنت برهان والي ابيه اجيبه طرق ودق خشوم
عمها : اطلعي من بيتي دامك بتكسرين كلمتي اطلعي ، ابوك ما عرف يربيك
عشق بحدة وصوت عالي : حسك عينك تتكلم عن ابوي وهو تحت التراب والله ما اخلي فيك عظم صاحي تفهم ؟
مرة عمها : اطلعي ، الله عاد والنجاح والشهادة الي بتاخذينها اقصاك ثانوي ويالله تفلحين
عشق : لابو عيشة فيها مذلة ، انا عزيزة نفس ويخسي الي يلوي ذراعي وبيتكم القرمبع بلوه واشربو مويته
راحت اخذت شنطتها وحطت اغراضها وطلعت برا البيت وبدت معاناتها من شغل بعد المدرسة في محلات الملابس والسوبرماركت ، لين ما صار معها مبلغ كويس وبدت مشروعها اللي هو رسم تصاميم الفساتين والملابس النسائية بشكل عام
قاطعتها المضيفة ورجعت لواقعها : قهوة او شاي ؟
عشق : اكيد شاي حبيب القلب
صبت لها المضيفة شاي واعطتها : ممكن اسأل وش تستعملين لبشرتك ؟
عشق باستغراب : عفوا ؟ ما استعمل شي من الله
المضيفة بتعجب : اوه ماشاءالله
قعدت تشرب الساي وتتلذذ فيه وتتأمل الغيوم من الشباك

في نفس الطائرة ، راس الطائرة عند الكابتن النوفل بن طلحة ال ضرغم : كان يتأمل القزاز الي امامة واللي يوضح جمال السماء والغيوم ، قعد يسبح ويهلل من الجمال الواضح امامه : لا اله الا الله ، سبحان الخالق
من عاداته كل رحلة يكون قائدها يمر على كل ضيف ومسافر موجود بالطائرة ويسأل عن رأيه هل هو مرتاح او لا
: كيف الرحلة يا عم عساك مرتاح
الرجال: والله الحمدلله راحة الله يوفقك ، شاف الأسم الي معلق على صدره : انت حفيد عياش ؟
النوفل بإستغراب : الله الله
الرجال : والله والنعم ، جدك كان من ارجل الرجال فالجماعة وصيتكم واصل بالخير
النوفل : ما عليك زود الا انت وش يقالك ؟
الرجال : ابو احمد قل لجدك اسمي وبيعرفني
النوفل وهو يأشر على خشمه : ابشر على خشمي
راح للكرسي الي بعده وكان فيه طفل وامه : سلام عليكم
الأم : وعليكم السلام
النوفل : معاك الكابتن النوفل ال ضرغم فيه اي شي مضايقك ؟
الأم : لا ابد كل شي كويس الله يوفقك
النوفل وهو ياخذ الطفل بإبتسامه  : هاي يا حلو
الطفل ابتسم
النوفل : يازين الابتسامه يا عرب
قعد يلعبه بعدين رجعه لأمه
راح للكرسي الي يعده وكانت جالسه فيه بنت : السلام عليكم معك الكابتن لهذي الرحلة النوفل ال ضرغم فيه اي شي مضايقك ؟
البنت بخقه ودلع مايع : لا ابدا شكرا يا النوفل
النوفل : ياليت تناديني الكابتن النوفل
البنت بنفس الدلع : اوكي يالكابتن النوفل ، انت متزوج ؟
النوفل باستغراب : عفوا بس ليش هالسؤال ؟
البنت : لا بس حبيت اسال نتعرف وكذا
النوفل : اها تمام  ، ومشى
توجه لكراسي ادارة الأعمال او المكان الي متواجدة فيه عشق تحديدا
: السلام عليكم استاذه عشق ، معاك الكابتن النوفل ال ضرغم ، نحتاجين مساعدة فيه شي مضايقك ؟
عشق بنعومة صوتها الي من الله : شكرا الله يعطيك العافية كل شي كويس ما يحتاج زيادة اكثر من كذا
النوفل بإبتسامته الي تأسر القلب : ولو يا استاذه عشق واجبنا ، لفت نظره الأوراق الي بجانب عشق والي كانت عبارة عن تصاميم ملابس وفساتين : ماشاءالله هذا رسمك ؟
عشق : ايوه انا مصممة ازياء نسائية
النوفل : ماشاءالله انتي مصممة ازياء ؟ مبين عمرك صغير
عشق بعذوبة : كثير يقولون لي هذا الكلام مع ان عمري ٢٥ سنة
النوفل : ماشاءالله الله يوفقك
عشق : امين وياك
مشى يرجع لراس الطائرة بنتظر وقت الهبوط
كملت عشق رسمها لتصميمها الجديد والي بتلبسة من كبار السيدات في لندن خصوصا ان اسم عشق انشهر بكل مكان حول العالم لدرجة وصل لكل الشخصيات الكبيرة النسائية وهذا بفضل الله ثم تعبها ومجهودها وعدم يأسها.

دامِك سكنتي القلب اسمعي العلوم إنتي سبب فرحِتي ومسك الختام .حيث تعيش القصص. اكتشف الآن