دامِك سكنتي القلب اسمعي العلوم إنتي سبب فرحِتي ومسك الختام .

الجزء الثاني

الصباح
قامو على صوت زخات المطر
:بنات قوموا مطر مطر
غدق : كذابه
ابراق : وربي اسمعي الصوت
غدق : الله يونس ،طلعت وهي تركض
نغم وهداد بنوم : شصاير ؟
ابراق : مطر مطر قوي يالله من فضلك
نغم فزت : ايش ،طلعت تركض
هداد : يا اطلق جو يشيخ ،طلعت تلحق نغم

بالحوش الفاصل بين قسم النساء والرجال
: يعيال وش ذا المطر لا اله الا الله
نيار: الجو ذا حق بر ومخيمات يشيخ
سادن وهو شايل بنته يُسر : والله انك صادق
منذر ويمن قاعدين يرقصون تحت المطر : يعيال تعالو والله فله
نيار : ودي بس بطلع للدوام
منذر: يشيخ تعا.. قاطعوه البنات وهم يركضون تحت المطر ومو دارين عن العيال الي يشوفونهم
غدق وهي تصارخ : لبى الاجواء يشيخ
هداد : يازين المطر اووف
ابراق : شكله غدق يا بنات
نغم : غدغد اسمك بططلل
غدق وهي تدور : يحلوكك يانغم...صارخت يوم جت عينها بعين نيار:
بنات العيال موجودين الفراررر
البنات حطو رجلهم ودخلو القسم حقهم

عند العيال
: من ذولي ؟
سادن : ذولي بنات اخواني وابراق
نيار  وهو مبتسم : يوه كل ذا عشان مطر
منذر : يشيخ تعال تحت المطر والله روقاان
يُمن : ماعليك منه يرجال ما يبي
نيار وهو يشوف الساعه : يعيال تاخرت مع السلامه
العيال : مع السلامه
سادن : بابا يُسر لا تطيحين
يُسر تلعب وهي مو داريه عنه
يُمن شال يُسر وصار يرقص معها وهي تضحك بشكل طفولي
منذر: سادن انتبه ترا باكلها على ذا الحلاوه
سادن : عويذ الله من شرك اترك بنتي بس

في شركة النيّـار
دخل بطوله الشامخ ، وعضلاته الباينه من تحت الثوب ، وريحة عطره القوي والفخم ، النظرات المعجبة تدور حوله ، والسلام يسمعه من كل شخص واجهه : السلام عليكم استاذ نيّار الأوراق الي طلبتها من قسم الطباعة وصلت على مكتبك
: وعليكم السلام ، وصل لهم ان فيه اجتماع عن التعاقد مع الشركة الجديدة بعد ساعة ونص وياليت ما يكون فيه تأخير
صالح : ابشر طال عمرك
دخل مكتبة الي مصنوع من الخشب البني ،وريحة العود الموجودة بالمكتب كانت اقل ما يقال عنها فخمة ، اخذ الأوراق الي على مكتبة وهو يشيك عليها ويقراها قاطعه دخول السكرتير الخاص فيه صالح : يا طويل العمر عندي اوراق لازم توقعها بخصوص البنود للمشروع الجديد الي في ايطاليا تفضل
نيّار : انتبهو هذي المره ما نبي تسيّب او تكاسل هذي الصفقة بتأثر علينا كثير وما نبي نخسر شي
صالح : لا يهمك يا طويل العمر كل شي تمام وانا الي مشرف عليهم
نيّار : ابي اجتماع حالا يجمع كل الموظفين في صالة الإجتماع
صالح : ابشر طال عمرك ، طلع

بيت الجد ، قسم النساء :

: بنات ترا بعد نص ساعه بتجي نهال وبنتها فلك
تغاني : يليل البعر شتبي ذي كل يرم رازه وجهها ما عندها بيت ؟
هتاف : هي كذا تحب العلوم والحش والحسد
غدق : والله اني متحسفه امد يدي اسلم بس شسوي حيل الله اقوى
نغم : شكلي بنام واسحب عليها
هداد : شرايكم نطلع ؟
اختلفت ردود البنات لكن كلهم وافقو : قدام ، اي ، يلا
هتاف : غدغد تكفين انتي سوقي سواقتك حلوه
هداد : ليه نعم خير ان شاءالله ؟ ليه ما نسوق حنا
هتاف : انتي تمشين ببطء كنك سلحفاه ونغم  شوي وتصقع بجدار ماني بايعه روحي وراي حياه انا
تغاني : اي والله
غدق : خلاص طيب بس مافيني حيل اجيب عبايتي وشنطتي روحو جيبوها
تغاني : يليل بدا الذل
غدق : اجل خلاص مافيه روحه واقعدو قابلو فلك المايعه وانا بطلع
هتاف : لا خلاص انا اجيبهم
غدق : يلا ننتظرك