دامِك سكنتي القلب اسمعي العلوم إنتي سبب فرحِتي ومسك الختام .

الجزء الواحد و الثلاثون

ابتسم النيّار يوافقها الرأي : انشهد انها احلا من القمر
المصورة : طيب الحين اوقف و بناديها
وقف بنص الممر و وجهه على الكوشة ، متحمس يشوف شكلها و هو متأكد انه بينبهر
المصورة صعدت فوق : السلام عليكم وين عروستنا ؟
هتاف : اشرت : بالغرفة هذيك
توجهت المصورة للغرفة و دخلت : السلام عليكم يا عروسة
غدق ابتسمت : و عليكم السلام
المصورة : العريس واقف على الممر زي ما انتي طلبتي و ننتظرك تنزلين
غدق ارتبكت : ثواني و انزل
طلعت المصورة تتركها لحالها بتوترها ، رفعت عيونها للباب الي اتفتح و الي كانت وراه عشق : غدق وش فيك يا روحي ؟
غدق بتوتر : مرتبكة مره ! و كأني اول مره بشوفه
عشق ابتسمت تتقدم لها : و انتي قلتيها مو اول مره بتشوفينه و بعدين استمتعي بزواجك و يومك لا تخلين التوتر يخرب عليك
غدق اخذت نفس : مره شكرا عشق خففتي توتري كثير
عشق ابتسمت : شدعوه والله انك اختي و اصلا واجب علي
طلعت عشق و بهد دقائق طلعت غدق و نزلت تحت تشوف النيّار لابس ثوبه الأبيض و غترته البيضاء و البشت الأسود ، اول مره تشوفه لابس بشت و انبهرت من عرض اكتافه و عضلاته الي مبيّنه من تحت الثوب
المصورة ابتسمت من شافتها : ماشاءالله تبارك الرحمن ، لا تلتفت يا عريس اصبر الصبر جميل
ابتسمت غدق من المصورة الي قدرت تسحب توترهم بكلامها ، تقدمت تمشي على الممر و بيدها المسكة الي متزينة بسلسلة مكتوبه اساميهم عليها
اخذت نفس بتوتر و وقفت تشوف عرض كتوفه قدامها ، المصورة ابتسمت : لف يا عريس
التفت مبتسم و وسعت ابتسامته اكثر من جمالها الطاغي
ضحك و تقدم يحضنها و يشد على خصرها ، شدت على كتوفه مبتسمة بكل رضا ، حط عيونه بعيونها و رفع بشته يغطيهم و يقبّل ثغرها بكل شعور ، ارتجفت من لامس ثغرها ، ابتسمت من سمعت صوت تصفيق و تضفير تعاني و هتاف

فوق
كانوا يتأملونهم معجبين بكمية التناسق الي بينهم ، وسعت ابتساماتهم من غطاها ببشته ، صارخت تغاني : اوووووووووووه !
هتاف صفقت : العبببببب !
تغاني بهمس : يجننون ! الله يوفقهم يارب
هتاف ضحكت : امين بس مو كأنه النيّار مستعجل
تغاني : الا بس يعني من يلومه طلعت له بهالجمال تتوقعين بيتحمل ؟ زين انها جت على بوسه
هتاف : يع المصورة ماسكة ضحكتها
صارخوا من شالها يدور فيها بفرحة ، اما غدق الي كانت ذايبة من الخجل
تغاني التفتت تناظرهم : خلاص يالحبيب خل المصورة تشوف شغلها غدق ماهي طايرة
اكملوا تصوير و كل مالها غدق تنحرج اكثر و اكثر

بعد مرور ساعتين
انتهت المصورة من التصوير و تنتظر وقت الزفة و الحضور
اما النيّار توجه لقسم الرجال و غدق صعدت للأعلى بمساعدة البنات لها ترتاح شوي على ما يجي وقت الزفة

غرفة غدق
قاطع هواجيسها دخول نغم : هاه كيف ؟
غدق ابتسمت : يجنن عليك و لايق على لونك ! حبيت
نغم ابتسمت : يا بعد قلبي و الله انتي الي تجننين ، الا وين البنات ؟
غدق بتفكير : عشق راحت بيتها بتتجهز هناك و الزين عند البنات
نغم : يالله والوناسه ! اخيرا عرس و اغاني و رقص
غدق تخصرت : كأنكم خذيتوا زواجي فعالية ؟
نغم ضحكت : و اطلق فعالية بعد ، اصبري صدق توي استوعب ما رح تكونين معنا بعد الزواج و بتروحين مع النيّار
غدق ابتسمت : بدري ! توك تستوعبين
نغم : اوف والله بفقدك !
غدق : مارح اهاجر ترا بلزق فيكم نفس اول
نغم ضحكت : اذا تركك النيّار الزقي فينا ، يلا سيو
طلعت تتركها و تتوجه لغرفة البنات