دامِك سكنتي القلب اسمعي العلوم إنتي سبب فرحِتي ومسك الختام .

الجزء الخامس

يوم جديد ،اخر يوم قبل رمضان
: بنات حماس بكره رمضان انتم مستوعبين ؟
ابراق : انا ميته حماس عالأجواء صدق احس اني فرحانه
نغم : بنات ما تلاحظون ان رمضان هذا بيفطرون معنا عمتي نهال وبنتها ؟ مو عادتهم
غدق : الصدق ما هموني اهم شي انا مرتاحه
قاطعهم دخول فلك المايعه : سلام بنات
البنات : وعليكم السلام
فلك  بأسلوب مستفز : غدق ما عندك دوام ؟
غدق : لا ما عندي قاعده لكم
فلك : اها ، ابراق وين جدتي ؟
ابراق : بغرفتها اكيد
فلك : اهاه
نغم : الا ليه ماجيتي ساعدتينا امس بالمطبخ ، لا يكون على يدينك نقش الحنا  ؟
فلك وهي تأشر على نفسها : انا ادخل مطبخ ههاي حبيبتي انا انخدم ما اخدم
نغم وهي براسها هوشه : يعني حنا خدامات ؟ تعالي اوريك من الخدامه وبدت تجلدها جلد طلعت كل حرتها من يوم العزيمه فيها : ايا بنت اللذين حنا نخدمك تخسين وتعقبين
فلك  وهي تصارخ : اتركيني يا وصخه
نغم : اعلمك من الوصخه انا الحين
اما البنات كانوا ميتين ضحك الي ساجده والي راكعه كله من شكل فلك
غدق وهي ميته ضحك : خلاص نغم نتفتي شعرها حرام وش بتستشور يوم العيد
نغم : لعيونك بفكها
فلك طلعت وهي معصبه وشعرها منكوش ووجها مليان خدوش ، اما نغم طلعت من الهوشه بخدش بسيط بيدها : شرايكم فيني بنات ؟
:مطنوخه بنت سته وستين رجال
هداد : بردتي قلبي فيها هالشينه
نغم : ازهليني
ابراق : ياويلك من امي لو درت
نغم : من ؟ جدتي لولوه ؟ هي خلقه تبي من يكفخها وانا اديت الواجب
البنات قعدو يصفقون لها : لا داعي لا داعي
تغاني : ليتكم ناديتوني بدري كان خليتها تعض الارض ، سوت لايك بيدها لنغم : ما قصرتي نغمي
ردت لها الحركه : شدعوه واجبي هذا رالمره الجايه بخليك تكفخينها
غدق : بنات عندي بعد ساعتين دوام مابي
هداد بإستغراب : مو توك تقولين لفلك ماعندك دوام ؟
غدق : احسن ابي اقهرها مسويه جايتني تتفلسف بمعهدها ؟ بروح عندي شفت اليوم
ابراق : الزبده بنات بروح ارتب غرفتي من تجي
البنات كلهم بصوت واحد : انا !
ابراق : طيب طيب يمه شفيكم

قسم الرجال:
: تستهبل بكره عندك رحله
النوفل: اي والله عندي بالليل يعني افطر معكم وعلى طول المطار
النيّـار: لا ياخي ما شبعنا منك
النوفل : شسوي عاد شغلي وان شاء الله اسبوع خمس ايام وانا عندكم ما رح اطول
بالجهه الثانيه :
جبر وغانم كانو يتكلمون عن شركة العائلة
جبر : الاوراق حق المبيعات وين ؟
غانم : معطيها حمدان عاد شف وين صرفها
جبر : يليل ابوك يا حمدان
غانم : ما علينا وش صار على موضوع الرجال الي جاك
جبر : صرفته ما عنده سالفه ، الا صدق وش صار على خويك ذاك بيرجع الدوام ولا اجيب غيره
غانم : مدري عنه كل ما سألته ما يعطيني اجابه
قاطعهم صراخ يُمن: مررراااجل هنااا يحبيبي تلعب مع مين انت
منذر : اقول اسكت صقعتك ٦ مرات وجايني تتفاخر دز بس
يُمن: اي والله انك مقهووور من مهاراتي يا تعبان
النيّـار  بعصبية: انتم وراكم ما تسكتون ؟ بزارين مجمع عندي انا
منذر : ابشر
النوفل : الا وين سادن ؟ ما شفته اليوم
جبر : يقول بنته تعبانه موديها المستشفى
النيّـار : الله يعينه
العيال : امين
قسم النساء ، عند الحريم :
: الا يا خالتي شفتي ام سالم ؟
الجده لولوه : لا والله ؟
دنيا : يقولون بنتها ولدت وجابت بنت ماشاءالله
الحريم : ماشاءالله تبارك الله
قاطعهم دخول فلك :شصاير لتس يا بنيتي ؟
فلك بدموع التماسيح : البنات طقوني اهئ اهئ
حريم الأعمام مسكو ضحكتهم
نهال : انا اوريهم قليلات التربية
تقاء : نعم يحبيبتي نعم ؟ من الي مو متربيه بنتي ؟
نهال : بناتكم كلهم مو متربيات وانا الي بربيهم
اغادير ببرود : تخسين وتعقبين
دنيا : مابقى الا انتي وبنتك الي تجون وتتبلون على بناتنا ذا اللي ناقصنا حنا !
الجده لولوه : خلاص اقصروا الشر وانثبري انتي وياها وانا الي بحل المشكله
المستشفى
: كيف اقدر اساعدك اخوي؟
سادن وهو شايل بنته يسر على كتفه : بنتي فيها حراره من امس ما خفت
موظفة الإستقبال : اسم المريضة ؟
سادن : يُسر بنت سادن آل ضرغم
موظفة الاستقبال : اجلس بغرفة الإنتظار لين ننادي عليك
سادن : تمام
موظفة الاستقبال دقت على الدكتورة : الو دكتورة الزين ؟
الزّيـن : ايوه ؟
موظفة الإستقبال : عندك مريضة ادخلها ولا مشغولة ؟
الزّيـن : لا دخليها