دامِك سكنتي القلب اسمعي العلوم إنتي سبب فرحِتي ومسك الختام .

الجزء الثالث عشر

غدق قامت للمطبخ ، الحين صدق يا حلو الشاهي ، اخذت حقها كامل بدون ما ياخذ منها اي مجهود ،لقت قدامها سوميني وميمونة : سوميني ابي السكر  عشان بسوي شاهي
ميمونة : يبغى انا يسوي شاهي ؟
غدق : لا ما يحتاج ارتاحي
سوميني قامت للمخزن تجيب شاهي ، غدق : ميمونة جيبي ابريق ، جابت ميمونة الإبريق واعطته غدق ، ميمونة : مدام غدق
غدق رفعت راسها من الإبريق : هلا
ميمونة بإبتسامة : انا يشوف انتي مع سير النيار
غدق اختفت ابتسامتها ، ميمونة : مافيه خوف انا ما في قول حق احد ، انت وهو مره حلو مع بعض لازم سوي زواج
غدق سكتت واحمرت خجل ، انقذتها سوميني بالسكر : شكرا سوميني ، كملت تسوي الشاهي وتحطه بالإبريق ، قاطعها صوت هتاف : غدق
لفت غدق : هلا ؟
هتاف وهي شايلة يسر : وين كيكة يسر ابلشتنا وهي تبكي
غدق راحت ليسر وشالتها : ليه تبكين ؟ خلاص بعطيك بس وقفي بكاء
يسر مسحت دموعها ، غدق : اصبري اسوي شاهي بعدين اعطيك كيك اوكي ؟
يسر : اوكي
كملت تسوي الشاهي ويسر على كتفها ، : ميمونة جيبي كيكة ليسر والحقيني
ميمونة : اوكي مدام
دخلت غدق وهي شايلة يسر على كتفها ووراها سوميني معها صينية الشاهي ، جلست وحطت يسر جنبها ، دخلت ميمونة وبيدها صحن الكيك حق يسر ، ودته لغدق وراحت تكمل شغلها هي وسوميني ، غدق : الله كيك تشوكلت ليسر
على طول قامت يسر وابتسمت وقعدت توكلها غدق
سادن ابتسم للطافة بنته وحمد ربه عليها مليون مره ، كل يوم يحمد ربه انه تعب وجاهد عشان ياخذ حضانتها ، يعرف ويعرف كيف تفكر ، هي ما تتسمى ام اصلا ، من يوم ما جت يسر على الدنيا وهي ما تحبها وكارهتها ، ومع ذلك كانت تبي تاخذ حضانتها عشان تقهر سادن بس ، يحمد ربه انه تركها ، فز من سمع صوت الجد عياش : سادن !
سادن : سم يبه ؟
الجد عياش : ما تسمعني انت ؟
سادن : سهيت شوي امرني ؟
الجد عياش : بكره تروح انت وواحد من العيال تجيبون شوكولاتة العيد
هداد بسرعه : تكفون خل نختار حنا ذا السنه
هتاف : اي والله تجيبون انواع سيئة
منذر : لا ما يحتاج

تغاني : الا يحتاج ، السنة الي راحت جايبين لي تشوكلت بالبرتقال من ياكله ذا !
نغم : طلع من خشومنا ذا البرتقال ، يلعن ذوق الي اختاره يشيخ
منذر : يمن الي مختاره
يمن : والله لذيذ شفيكم انتم ؟
ابراق : تبيه ؟ رح شفه موجود بالمخزن بالكراتين محد اكله
غدق : تفشلت خذيت وحده ودسيتها ورا الكنب من القرف الي اكلته
الجدة لولوة : وانا اقول من وصخ كنبي !
غدق : اسفه بس والله طعمه مخيس ما عرفت شسوي فيه
هداد : والله مدري من الي اخترعه على ذا الذوق
الجد عياش : خلاص اجل روحوا كلكم بنات وعيال ، مافيه وقت
الكل : ابشر
الجده لولوه : اهم شي تجيبون حلقوم
جبر : من ياكل حلقوم ؟
هداد : ياكلونه الحريم الكبار ، ما يحبون التشوكلت
اغادير : جيبو الي بالبسكوت
دنيا : اهم شي الي بالبندق اول شي تجيبونه
تقاء : لا تنسون صوروا لنا الصياني بنختار
النيار : تبون نروح الحين ؟
غدق : يفتحون المحلات ؟
النيار : ايه لين الفجر
هداد : يلا قدام
كلهم قاموا يتجهزون ، الجد عياش : لا تتأخرون عالسحور
النيار من فوق الدرج : ابشر
البنات اخذوا عباياتهم ونقاباتهم ولبسوها ، والعيال كان عندهم فوضى الي مضيع جواله والي ثوبه مسروق ، حرفيا حوسه
: ههيي للحين ما خلصتوا ؟
لفوا عليها العيال ، النيار : فيه واحد الله لا يوفقه ماخذ جوالي ، طلع جوالي يا ورع
يمن كان ماخذ جواله وماسك ضحكته ، غدق شافت ابتسامة يمن الخفية ، مشت لين عنده ومدت يدها ، يمن بإستغراب : شفيك ؟
غدق : جب جواله مانبي نتاخر زياده
يمن حط الجوال بيدها وطلع ركض على صوت صراخ النيار : يا وصخ طلعت انت الي ماخذه !
غدق مدت الجوال : ما عليك منه
اخذ جواله ولامست يده بيدها الناعمة ، سحبت يدها بسرعة، وطلعت من الغرفة وقلبها يدق بسرعة : هذي وهي لمسة يد يا غدق !
النيار كان مبتسم من احراجها وكيف طلعت بسرعه ، طلع للحوش ينتظرهم يخلصون ، : يلا السيارة انتي وياها بسرعة
ترتيب السيارة
النيار يسوق وجنبه النوفل ، وراهم يمن ومنذر وجبر ، ورا غدق و هداد ونعم وابراق ، ورا اخر شي تغاني وهتاف ، فلك ، غانم ، نمار ، رويد ، سادن ويسر ما راحوا معهم