دامِك سكنتي القلب اسمعي العلوم إنتي سبب فرحِتي ومسك الختام .

الجزء الخامس عشر

كملت تمشي لين ما وصلت ، قعدت تدور الطراطيع

عند صخر
دخل المواقف يوقف سيارته ، هو اول الحضور طبعا ، وقف سيارته ونزل منها ، فتح الباب الي ورا ياخذ التشوكلت الي جابها ، طبعا كان لابس شورت وتيشيرت وجايب معه ثوب العيد وشماغه ، هذي تعتبر من العادات
رفعت راسها وانصدمت وانلجمت خلصت كل حروفها من شافت الشخص الي قدامها ، على طول اخذت الي بيدها وركضت تدخل جوا
سمع صوت ولف بيشوف لكن مافيه شي ! تجاهل ، ابتسم من شاف النيار جاي عنده : يا هلا
صخر بإبتسامه : هلا فيك ياخوي ، كل عام وانت بخير
النيار ابتسم : وانت بخير ، دخلوا جوا عند العيال
على طول صارخوا ، يمن بفرحه : اووووووله هلا بالحامل والمحمول
صخر بضحك : اي انت هامك المحمول
يمن : لا عاد شدعوه
النوفل طلع من صراخهم : هلاااا يا هلا والله
صخر حضنه : هلابك يالنوفلللي

البنات
كانت تحط الحلويات بالبوكسات : بنات تسمعون الصراخ ؟
هداد مستغربه : اي والله غريبه من جاهم
غدق دقت على يمن : من جابكم وش ذا الصراخ !
يمن بفرحه : صخر خوي النيار
غدق : اي ماشاءالله ، وراكم تصارخون طيب ؟
يمن : ذا صخر خوينا كلنا وما نشوفه دايم عشان كذا
غدق قفلت ولف لتغاني الي تسال : هاه من جاهم ؟
غدق : صخر بن منير خوي النيار
دخلت عليهم نغم ، غدق شافت وجهها المصفوق : شفيك ؟
نغم تتنفس : لا بس قعدت اركض عشان كذا
سمعوا صوت الحريم وعلى طول راحوا يسلمون عليهم
ام الباهي : يا هلا ببنياتنا
هداد : هلا بك يا خاله
ام الباهي بإعجاب : ماشاءالله تبارك الله
ابراق : ام تنتظرك يا خاله جوا
ام الباهي دخلت المجلس ، الجدة لولوه : يلا هلا بأوخيتي يا هلا
ام الباهي : هلابك يا ام حكيم ، عساك بخير ؟
الجدة لولوه : الحمدلله بخير وبنعمه ، عسى عيالك جو ؟
ام الباهي : اي والله جالسين مع الرجال برا
بدوا الحريم يجون والبنات يستقبلونهم ، لين ما جت ام ثامر واختها ام مرح ، ابراق ببلشه : اهلا وسهلا ارحبوا
غدق بهمس لهداد : يارب نغم ما تجي الحين
ام مرح بكره : يا هلا فيك
مرح تقدمت تسلم بمكر وخبث ، وكذلك اختها فرح ، وبنت خالتها سميرة ، دخلت نغم واشتد غضبها ، كيف تبتسم بوجهها وهي مفرقه بينها وبين غرامها ؟ بأي وجه تجي وتبستم قدامها !
طلعت بدون ما تسلم عليهم ، اخر شيء ممكن تسويه انها تسلم عليها وتمسك يدها وتبتسم لها ! هي وش سوت عشان تستحق الي صار لها ؟ ، كفاية كذب وكفاية مكر ، هي اشتاقت له ولأيامها معه ، طلعت جوالها وشافت محادثاتهم سوا الي كانت قبل خمس سنين ! طلعت من شافته متصل الآن !

الملحق
كانوا موجودين كل العيال ، ما كانوا متكشخين ابدا ، كل واحد لابس تيشيرت وشورت ، صخر فتح جواله ودخل عالمحادثه من طرت على باله ، شاف اخر رساله وكانت منه هو ، في تاريخ ٢٠١٨" اوعدك ما اتركك ولا انساك واحلف اخذ حقي وحقك والله لو يصير الي يصير ما يفرقونا " اوفى بوعده وما نساها ، فز قلبه  من شافها متصل الآن ، وده يكلمها وده يشوفها !