دامِك سكنتي القلب اسمعي العلوم إنتي سبب فرحِتي ومسك الختام .

الجزء التاسع

دقت على غدق بسرعه : هلا نغمي
نغم وهي شوي وتصيح ومنصدمه : تخيلي من دق علي والله بصيح
غدق فزت : وش من كلمك ؟ مين انطقي !
نغم ماسكه الدمعه : صصخر !
غدق معقده حاجبينها : صخر من صخ..؟ صخخخخررر !!!!
نغم : تكفين بموت رعب والله
غدق : صخر بن منير !
نغم : اييي هو
غدق وهي تشوف ساعتها : باقي ساعتين واخلص دوامي انتظريني لا تقولين لأحد ، سكرت وهي منصدمه لكن مو اكبر من صدمة نغم

لندن ، المطار
حط اغراضه في المكان المحدد وانتظر ينادونه عشان تبدا رحلته ، اليوم بيرجع لدياره العزيزة ، بعد مرور اكثر من ساعتين نادوه عشان الرحله ، بدا يستعد للإقلاع ويوقول الكلام المخصص عبر المايكروفون

في ارض لندن
كانت تتفق مع المصمم الجديد على الراتب والشغل وكيف آلية العمل ، وتعتبر هذي خطوه من خطوات نجاحها القادمة ، عشق انسانه طموحة و جدا ، تكره الإتكال على احد ، تحب تعتمد على نفسها وتجتهد باللي تقدر عليه ، بكرة رحلتها لتعود الى ديارها الغالية عليها ، : حسنا هل من اي اسالة بخصوص العمل ؟
المصمم : لا ، انا اشكرك على موافقة العرض هذا كم اني ممتن
عشق وهي طالعه : الى اللقاء
طلعت وكلها فخر وراسها مرفوع ، هي الحين اثبتت انها تقدر واللي تحطه براسها يجيها طرق عن خشوم الكل ولا احد يقدر يوقف بأحلامها
توجهت للفندق تجهز اغراضها ، بكرة رحلتها ، خلصت من الترتيب وتوجهت تنام

السعودية ، بيت الجد
دخل بتعب وتوجه لغرفته على طول ، من امس ما ذاق النوم ابدا ، عرف من ورا خسارته ويجزم ويحلف انه بياخذ حقه غصب عن الكل ، ومافيه اي احد بيوقف بطريقه ، كل شي عند النيار الا ان جهده وتعبه يروح بلمح البصر، دخل غرفته وعلى طول انسدح على السرير ونام بعمق ، يعرف ان مشكلته ما خلصت ، لكنه واثق انه بيحلها

في نفس الوقت
دخلت البيت بسرعه واتجهت لغرفة البنات : نغم
نغم : هلا غدق
غدق : علميني شصار
نغم وهي مرتبكه وفيها خوف : دقت علي وحدة تشتغل بشركته وقالت انه طلب مني خصيصا اكون المهندسة المسؤولة عن مشروعه الجديد ، المشروع مره كبير ومشهور
غدق : يعني هو ما كلمك ؟
نغم : لا دقت علي وحده اسمها تالة
غدق وهي تطمنها : ما عليك مو صاير شي
نغم بقهر : اخخ يا غدق ليت ما صار الي صار حسبي الله ونعم الوكيل
غدق وهي تطبطب على ظهرها : خيرة يا نغمي والله خيرة
نغم بدموع قهر : الله ياخذها كانها قهرتني وقهرته حسبي الله ، الله لا يوفقها
غدق وهي تشوف الساعه : ما بقى شي على الفطور غسلي وجهك ودموعك وانزلي تحت
نغم اشرت براسها " طيب"
طلعت غدق وتوجهت لغرفتها الخاصه ، اخذت شاور ولبست جلابية بنقوش جميلة ، سوت شعرها من تحت ويفي ، لبست اكسسواراتها ، طلعت من الغرفة وتوجهت تحت تساعدهم بترتيب الصحون
: السلام عليكم
الجدة لولوه بإبتسامه : هلا ببنيتي ، اخبارك يأمي ؟
غدق : الحمدلله يا جده كل شي تمام
الجده لولوه و هي تمسح على شعر غدق اللي يوصل لنص ظهرها : اسم الله عليك يا بنتي الله يحفظك من كل شر
غدق اكتفت بإبتسامه ، لين ما مرت من عندهم نهال : قومي قطعي البصل
رفعت غدق حاجبها بإستنكار : عفوا ؟
نهال : قلت روحي قطعي البصل ما تفهمين صمخه ؟
غدق بكل برود قامت وتركتها ، حرفيا سفهتها ومشت
نهال ماتت حره من حركتها : شفتي بنت ولدك الي ما تستحي على وجهها ؟ صدق ما تربت
الجده لولوه : والله انتي الي جبتي الكلام لنفسك ، ولا غدق من يلومها ؟ من وهي صغيره وانتي تكرهينها وتكرهين امها وهم ما سوو لك شي
نهال : ووعووه عاد من زين امها
مع كامل الأسف سمعها طلحة وهو اكثر انسان يعشق زوجته وعياله : ان سمعتك مره ثانيه تتكلمين عن دنيا وعيالي والله ما اخلي فيك عظم صاحي !
نهال : الله اكبر والزوجه والعيال
قاطعها طلحة بعصبية : اسكتي ولا كلمه ، الا عيالي وزوجتي تخسين تمسينهم بكلمه
الجده لولوه :خلاص يا يمه رح لأبوك ما عليك منها
طلحة : خلي بنتك تكف اذاها عني يكفي الي جاني منها ولا ترا بعرف كيف اعدلها
نهال سكتت بخوف ، دايما كانت تكره دنيا وتحسدها وتحقد عليها ، وتحاول انها تخرب حياتها لكن ما قدرت ابدا
قاطعتهم ابراق : يمه نحط اي عصير ؟
الجده لولوه : فيمتو وتانج ، اسألي عيال اخوانتس ان كان يبون شي ثاني
ابراق : ابشري يمه ، كملت بهمس : الا شفيها نهال اول مره اشوفها كذا
الجده لولوه : شوي واقولتس
رجعت ابراق للمطبخ والي كانوا فيه دنيا ، تقاء ، اغادير