دامِك سكنتي القلب اسمعي العلوم إنتي سبب فرحِتي ومسك الختام .

الجزء الخامس و الثلاثون

نغم بعصبية : انا اوريها هالسلقة بنت الكلاب !
قامت بعصبية من مكانها و وراها البنات و على طول توجهت لغرفة فلك ، دخلت بسرعة : نايمة بعد ! اوريك يا بنت الكلب انا اوريك
تقدمت و شدت شعرها و فزت فلك بسرعه : بسم الله الرحمن الرحيم !
نغم شدت شعرها اكثر : الحين عرفتي ربك يا الوسخه الحين عرفتيه ! جعلك المرض يا كلبة ما تركتي بني ادم الا و اذيتيه وش سوت لك عشق يوم انك تطلعين عليها هالسمعة هاه ؟
صارخت : علميني وش سوت لك !
فلك بألم : فكيني يا مريضة فكيني ! وش علي فيك انتي و بنت الـ *** الي جايه تدافعين عنها ؟
دخلت نهال : و كسر يكسر يدينك يا بنت تقاء !
نغم ابتسمت بسخرية : بنت تقاء تسواك و تسوى بنتك السلقة ، بعدي لا تخليني اجلدك قدام بنتك انتي الثانية
لفت على فلك : ارتحتي و سويتي الي ببالك ؟ نشرتي الصورة ؟ تحسبين النوفل بيترك عشق بهالوضع لحالها ؟ تخسين انتي و غيرك
فلك بتوتر : هاه ؟ اي صورة ما نشرت شي ولا اعرف وش تتكلمين عنه
تغاني ضحكت : ضحكتيني و انا مالي خلق اضحك ، اجل هذي الصورة من مصورها ها ؟ علميني ؟
توجهت انظارها للصورة الي كل ما شافتها تحس بالقهر اكثر و اكثر : وانا وش يدريني ! بعدين النوفل وش يبي فيها بعد هالفضيحة ؟ للحين ما ادري ليه متمسك فيها هالقد و هي ****
الجدة لولوة مسكت راسها من الكلام القوي الي وقع عليها و على طول توجهت لفلك و ضربتها كف : والله و ما تربيتي يا بنت نهال ! كل هذا حسد و حقد جعلك ما تربحين ! اعنبوك البنت كافه خيرها شرها ليه تأذينها ؟
فلك بكره : لأنها سرقت مني النوفل وسحرته بعد
نغم شهقت : الله واكبر عليك ! من متى هو كان يبيك اصلا من متى و هو متشفق عليك !
سكتت بقهر ما عندها جواب ، هتاف ضحكت : والله تضحكين انتي !

~ لندن ، بعد ساعة
رفعوا روسهم من سمعوا صوت الجرس ، ابتسم النوفل ياخذ الفستان من المندوب ، سكر الباب و التفت يشوف الإستغراب بملامحها ، عقدت حاجبينها : وش هذا ؟
ابتسم : الحل !
عشق : الحل ؟ كيف الحل فستان ؟
النوفل : بتلبسين الفستان و انا بلبس بدلة و بنتمشى بشوارع لندن !
ضحكت بعدم تصديق : تستهبل صح ! شلون طرت الفكرة على بالك ؟
حط عيونه بعيونها  : من لما شفت دموعك تنهال على خدك بسبب اشاعه مالها صحة ! كل شي الا دموعك تنزل
تنهدت بحب و تقدمت تحضنه : تدري اني اعيش افضل ايام حياتي بوجودك ؟
ضحك يشد على خصرها بيد  و يلعب بشعرها بيده الثانيه

~الرياض ، القصور
الصالة
كان الكل مجتمع و ينتظرون النوفل و عشق يتصرفون و يحلون الموضوع ، الجد عيّاش بغضب : بنتك يا نهال ؟ بنتك الي سوت كل هالشوشره !
نهال حطت رجل على رجل : بنتي ما سوت شي غلط ! الغلط من حفيدكم المصون الي ما اعلن زواجه من الي ما تتسمى و الله العالم ليه
ضرب عصاته بالأرض بغضب : اعقبي ! حفيدي و انا اعرفه زين ما بسوي شي يسود وجيهنا ! و عشق بنتي يا ويل الي يتكلم عنها !
ابراق بخوف : يبه تكفى هد و بيصير الي تبي لا يرتفع ضغط تكفى اذكر ربك
الجد عيّاش همس : استغفرالله العلي العظيم
تغاني بهمس : يا ويلهم شوفي رجلين نهال كيف ترجف
هتاف : اسكتي لا يلف علينا
بالجهة الثانية
يمن : يا ساتر استر !
جبر : شكلك تبي تنجلد انت اسكت لا يتركهم و يجي لك