دامِك سكنتي القلب اسمعي العلوم إنتي سبب فرحِتي ومسك الختام .

الجزء الثاني و الثلاثون

ضحكت غدق : يا عمري ! ما عليك بدق عليكم كل يوم لا تخافون
تغاني بتمثيل : بحاول اتحمل فراقك
ضحكت من تمثيلها المتقن : من غير شر يا قلبي !
تقدمت هداد : الله يوفقكم يا حبيبي و يارب اشوف عيالكم
غدق ضحكت بصدمة : عيالنا ؟ من اول يوم ؟
ضحك الكل من صدمتها ، هداد بتبرير : لا لا ما اقصد والله
نزلت عيونها ليسر الي تقدمت تحضنها ، نزلت لمستواها : يسوري !
يسر بدموع : بتروحين ؟
غدق ابتسمت تمسح دموعها : ليه تبكين ؟
يسر بوزت : سمعتهم يقولون بتروحين
غدق ابتسمت : بروح و اجيكم بكرة شرايك ؟
يسر : خذيني معك
غدق : ما تبين الزين ؟
يسر الفتت على الزين : الا بس ابيك انتي بعد
غدق : طيب شوفي هي بتقعد معاك لين ما تنامين و اذا صحيتي بتلقيني انا
يسر اقتنعت : طيب بس وعد بكره ؟
غدق ابتسمت : وعد اجي بكره
رفعت نفسها تشوفهم كلهم يتأملونها ، تقدمت تحضن جدتها ، الجدة لولوة : الله يوفقكم الله ييسر لكم يا بنتي !
توجهت لأمها : والله العظيم اني ما رح اهاجر شفيكم ؟
دنيا بدموع : الله يوفقكم الله يسهل دربكم !
توجهت تسلم على تقاء و اغادير ، التفتت بعد ما انتهت : مع السلامة ، استودعتكم الله انتبهوا لأنفسكم
عشق : مع السلامة ! طمنينا عليك
طلعت تتركهم ، ساعدوها العاملات يشيلون فستانها و نزلت مع الدرج الثاني

بالخارج
كان واقف بجانب السيّارة و قدامه اعمامه و جده و ابوه و النوفل و يمن ، طلحة ابتسمت : اوصيك على بنتي يالنيّار و داري انك رجال و النعم
النيّار ابتسم : ما عليك زود يا عم و ابشر باللي يسر خاطرك و بنتك بعيوني
النوفل : الله الله بوحيدتنا لا يجيني علم انك مزعلها
اشر على عيونه : من عيوني !
يمن : الله  يوفقكم يا حبيبي
الكل : امين
الجد عيّاش : انتبهوا لأنفسكم و لا تتركون بعض
حكيم ابتسم : و انتبهوا لصحتكم اهم شي
النيّار : ابشروا !
التفتوا من انفتح الباب و ظهرت منه غدق الي كانت لابسه عباية بيضاء مخصصة لها ، تقدم النيّار يمسك يدها و يساعدها ، رفعت راسها من سمعت دعائهم لهم : امين يارب ، و عقبال الباقي !
الجد عيّاش : استودعناكم الله !
ركبت السيارة بمساعدة النيّار ، و ركب بجانبها و لوحوا لهم يعلنون مغادرتهم من القصر

قسم النساء
نزلوا بعد ما عدلوا مكايجهم بسبب الدموع الي رافقتهم وقت وداع الحفيدة الأولى و حرم النيّار " غَـدق "
توجهت هتاف تعلن وقت العشاء ، و بدا الكل يتوجه لغرفة الطعام
جلسوا كلهم على الطاولة بتعب ، نغم : ما احس ابي اكل
هداد : حتى انا مالي خلق
عشق : اوف صدق مكانها بيّن من اول ساعة
الزين : الله يوفقهم والله اني اول مره اشوف هالنظرات من النيّار
تغاني : الله ميته ميته و دايخه للحين عند تأمله لها الحمدلله اني قومتها ترقص الحمدلله
نغم : بنات انا بطلع برا اشم شوي هواء احس انكتمت من عطورهم
الزين : انتبهي لا يكون الرجال برا
تغاني : لا لا الرجال قاعدين يتعشون وين يجون مستحيل
نغم ابتسمت : دقيقتين و راجعه مارح اطول