دامِك سكنتي القلب اسمعي العلوم إنتي سبب فرحِتي ومسك الختام .

الجزء الواحد و العشرون

غدق ابتسمت : حبيت معشوقتي !
النيار بهيام : وانا حبيتك !
غدق ابتسمت : وانا اكثر ؟
النيار تنهد : يا حظي بس يا حظي يا عالم ! المهم ما عندكم مرضى ؟
غدق : ابدا ! مره غريب ان مافيه احد ! ملل !
النيار استغرب : طيب ليه ما طلعتي ؟
غدق : ممنوع ! يلا عادي اصلا
النيار ابتسم : اخخ يا دكتوره بعترف اني مريض بحبك !
غدق ضحكت : اسم الله على قلبك من المرض
النيار ابتسم : بس والله اني راضي بهالمرض !
غدق ابتسمت بخجل
اكمل النيار : الله يعينكم ، المهم انا برجع شركتي تبين شي ؟
غدق ابتسمت : تسلم يا عيني ، انتبه بالطريق !
النيار اشر لها ب " اوكي " و طلع من المستشفى ، غدق كملت ترتشف من الشاهي

قصور ال ضرغم ،الساعة ٦ المغرب
كلهم مجتمعين على قهوة المغرب يسولفون و يتبادلون اخبار العالم
دخلوا البنات كلهم مع بعض : السلام عليكم !
الكل : و عليكم السلام !
استأذنوا و راحوا فوق لغرفهم

غرفة غدق
طلعت من الشاور تلبس بجامتها ، تقدمت تجلس عند تسريحتها تمشط شعرها الطويل الي يوصل لأخر ظهرها ، حطت تنت و مسكرا و اخذت جوالها تنزل تحت !
فتحت الباب وخافت من لقت قدامها هداد و نغم : بسم الله على قلبي !  شعندكم واقفين كنكم جن ؟
نغم دخلت غرفتها : ابد والله جايين نسولف
غدق تخصرت : لا والله ! و تحت وش بنسوي ؟
هداد هزت راسها ب " لا " : لا ذي السواليف ما نقدر نقولها تحت ، المهم كنتي تدرين عن تبكير رجعة النيار ؟
غدق جلست : لا ما علمني انه بيجي اصلا !
نغم : امم طيب قال لك شي ؟
غدق : حمار انتي ؟ ما شفته الا عالفطور شلون بسولف معه قدامكم ؟
هداد : صح ! يعني ما صار بينكم شي ؟
غدق قامت : تحقيق هو ؟ بعدين شتبون بيني و بينه ؟ حبايب و بكيفنا !
نغم : اخس اخس و حبايب بعد !
هداد : مدري احس فيه شي صاير بس ما تبين تقولين !
غدق بصراحه : تبون الصدق ؟ اي صار
نغم نطت : علمينا طيب من اليوم نحاول فيك !
غدق ابتسمت : طلع من شركته و جاء لدوامي
هداد صارخت : يجننن ! والله اخوي جنتل مان والله !
نغم ابتسمت : وش بعد ؟
غدق ابتسمت : جاب لي شاهي حبق اووف وربي كنت محتاجته
نغم ضحكت : يوه عاد حبيبك الشاهي عرف يجيب راسك
غدق قامت واخذت جوالها : اقول يلا بس خل ننزل ، طفي المكيف وراك يا هداد
نزلوا كلهم تحت ورا بعض
منذر ضحك من نزلت غدق : موتيي قهرر جيت مكانك !
غدق تكتفت بزعل : خير يا جدي وانا اجي تحت كتف من ؟ والله زعلت !
الجد عياش ضحك : والله هو لزق فيني
طلحة ضحك : تعالي يا بنتي !
فتح لها ذراعه و جلست جنبه : يلوموني فيك يا يبه !
النيار كان يراقب بإبتسامه و وده هو الي يحطها تحت ذراعه !
لاحظت نظراته و ابتسمت من تحت الجلال له
يمن تكتف : وشو ! منذر عند جدي و غدق عند ابوي انا وين اروح ؟
دنيا ضحكت : تعال عندي !
يمن بعبط و هو يتوجه لحضنها : احبك مامي !
الجد عياش رفع عصاته بحده : ارفع علومك لا العن ابوك !
طلحة ضحك : وش علي انا ؟
الجد عياش : انك ابوه ! وانت يا يمن استرجل شغل البربسه ذا اتركه !
الكل ضحك من كلام الجد ،
النوفل بضحك : والله يا يمن بغت تجيك ضربه اووف !
تغاني بضحك : ما ضحكني غير نقزته !
الجده لولوه ابتسمت : الا وش سويتوا اليوم علمونا ؟
النيار ابتسم و عينه على الي تحت ذراع عمه طلحة  : ابد والله رحت لشركتي و طلعت ورجعت
الجد عياش عقد حاجبينه : وين طلعت ؟ مو من عادتك تطلع بنص دوامك ؟
النيار : رحت مشوار و رجعت
الجده لولوه : والباقين ؟
النوفل رفع يدينه : ماخذ اجازه و اموري تمام
يمن : انا و منذر رحنا الجامعة وجينا
منذر فز من تذكر : يمن على الطاري شفت شمشون اليوم ؟
يمن ضحك : شفته شفته جنب حامد والله يا هو فرق بينهم شلون صاروا اخوياء مدري
منذر طاح يضحك : كذااب !
يمن كتم ضحكته يحاول يتكلم : حامد حاط يده على .. كتف .. شمش..ون
منذر طاح مره ثانيه يضحك : يوه عاد يد حامد تغطيه كنه قوطي ببسي !
تغاني ضحكت وهي ما تدري وش السالفه ، ولحقتها هتاف
منذر ناظرهم : الحين انتم تضحكون بدون ما تعرفون السالفة ؟
هتاف : اي
النيار تنحنح : جدي و جدتي ، امي وابوي ، بس ياليت تجون معي للمجلس الثاني عندي موضوع
الجد عياش استغرب من طلبه : عسى ما شر يا بوي ؟
النيار ابتسم : خير يا جد خير !
حكيم : الله يستر ، قل هنا ؟
النيار : ما ينفع هنا ينقال هالحكي
اغادير خافت : صاير شي فيك ؟ بشركتك ؟
النيار ابتسمت : والله انه خير بس ما ينفع كلكم تسمعون
نهال شمقت : الله عاد و المواضيع ! صار عندنا مواضيع يا نيار !
النيار اخذ نفس : استغفرالله ، المهم ياليت تجون معي
قام الجد عياش و الجدة لولوة ، و حكيم و اغادير
سمع صوت من وراه وكان مصدر هالصوت منذر : اجي معك ؟
النيار ابتسم : استريح !