دامِك سكنتي القلب اسمعي العلوم إنتي سبب فرحِتي ومسك الختام .

الجزء العشرون

ايطاليا ، الساعة ٨ الليل
انتهى من كل الهدايا الا هدايا معشوقته و نور عيونه و حبيبة روحه ، متوجة لفرع من فروع البراند الخاص بالشنطة الي ارسلتها له ، دخل بهيبته المعتادة ، وراه صالح الي مستغرب من دخوله هالمحل
الموظفة بإعجاب : اهلا و سهلا ! تفضل كيف يمكنني ان اخدمك ؟
النيار ابتسم : اريد ان اشتري حقيبة لزوجتي !
الموظفة كشرت بس على طول رجعت تبتسم : بالطبع ! سأريك بعضا من الحقائب التي لدينا و بإمكانك الاختيار !
النيار : حسنا !
بدت توريه من الشنط الموجودة و اللي كانت فخمة جدا و قيمتها باينة فيها بشكل رهيب ، التفت للصحفيين الي برا المحل يضورونه وهو يختار ، ابتسم لهم و رجع يعيد تفكيره اي شنطه ياخذ ؟ قرر يشتري ثلاث حقائب ، الغالي يرخص لعيونها !
النيار ابتسم : حسنا اريد ان اخذ الثلاثة !
الموظفة انصدمت و عيونها تبققت : عفوا ! هل جميعها ؟
النيار : نعم !
الموظفة : حسنا !
صالح بصدمه : يا طويل العمر بس سعرها كبير !
النيار ابتسم : الغالي يرخص لجل ابتسامتها !
الموظفة غلفت له الشنط الخاصة بمعشوقته ، دفع و طلع للصحفين يسمع لأسألتهم المتكررة المزعجة
واحد من الصحفين : لقد رأيناك تشتري ثلاث حقائب بأسعار باهظة الثمن ، هل يمكنني اسال لمن هذه الحقائب ؟
النيار ابتسم : لشخص واحد فقط ولا يمكنني ان افصح عن اسمه في الوقت الحالي
صحفي ثاني : هل سنعرفه مستقبلا ؟
النيار : نعم ، ستظهر معي قريبا و بجانبي ايضا ! ارجوا انني ارضيت فضولكم !
مشى و تركهم غارقين بالأسأله

السعودية ، الساعة ٩ الليل
قصر ال ضرغم
الي يلعب و الي نايم والي ياكل ، الأحفاد فقط هم الموجودين ، حتى سادن و ابراق ما كانوا معهم ، البنات ماسكين زاويه و عندهم شاهي و فصفص ، نغم شهقت : كذابه ! تكفين وريني !
لفت هداد عليها الجوال : شوفي هذا هو اقولك خاطبين و محد درى !
غدق استغربت : غريبه ! كل هالشهره و محد قفط خطيبته ! مو معقول
تغاني وهي تفصفص : يقولون دافع لهم ما يقولون اي شي للصحافه عاد مدري
هتاف : الا الا صادقه حتى واحد منهم طلع يقول ذا الكبام
هداد : مره ما توقعت كانوا يمثلون و تزوجوا ! مره ما يليقون !
نغم : شفتي قايله انا وينه و وينها مره غريب ما حبيتهم مع بعض
تغاني : احس كل شي عشان يجذبون الانتباه
غدق : الظاهر كذا وضعهم
نغم : تدرون وش جاني ؟
هتاف : وشو ؟
نغم صفقت بيدينها بحماس : تخيلو فيه عزيمه عند ام نوره
غدق كشت عليها : احسب عندك سالفه ! يلا بس تخيلي اروح وع وع !
هتاف : انا معك غدغد وربي كل ما شافوني قزوني قز من فوق لتحت كانهم اول مره يشوفوني ! الله يقرفهم الا ماني رايحه
نغم : تكفون عاد خلونا نروح ! والله وناسه بشوف مرح بعد ما صفقتها !
هداد : والله اني داريه رايحه تتشمتين فيها ، الزبده حتى انا سلمي مارح اروح !
تغاني : اجل وش يخليني اروح الا بقعد ، تكفين وع مالي خلق بيتهم ازعاج و كله بزارين لا مابي
نغم كشت عليهم : وجع يا كلاب ! ابيكم تجون معي ! اقعد مع مين ؟
غدق : سهله جدا ولا يبغالها تفكير اقعدي معنا و فصفصي
نغم : وع تقهرون !
الجهة الثانية
صارخ منذر : لا !!!
النوفل بخوف : شفيك !
منذر : طلعت درجات الميد ، مابي اشوف من يتبرع و يشوفها بدالي احس اني انعميت !
يمن قام بسرعه ياخذ جواله من الشاحن : كذاب ! الله يستر صدق !
جبر قام اخذ جوال منذر : ١٤ من ٢٠
منذر تنفس على طول : الحمدلله يارب ! رزق والله رزق !
يمن رفع جواله لمنذر : شف تكفى !
منذر : يا حيوان ! ١٥ من ٢٠ ! مذاكر من وراي يا وصخ !
يمن : الحمدلله ، جالس ورا حمد و غشيت منه
منذر طقه : يا حيوان ! وانا قدامي الدكتور على طول ما امداني اغش ! كريه ناسي عينه بورقتي الله يشغله في نفسه كانه بغى يخرب مستقبلي
غدق : الله عاد والمستقبل تكفى
جبر : الا صدق وش صار على النيار ؟
النوفل : يقول شكله مطول شركته يبغالها كم تعديل و الأمور تصير تمام
منذر : الله يوفقه يارب له وحشه والله
يمن : احس اشتقت اصحى على هواشه عشاني تأخرت عالمحاضره
جبر ضحك : يا ساتر يارب ، اذكر كان يكب علي مويه بارده بعز الشتاء عشان الجامعة
غانم : والله النيار مره حريص عالشغل ماشاءالله واكبر دليل شركاته
الكل : الله يوفقه
النوفل طلع برا الحوش يشم هواء ، رن جواله و اخذه من جيبه يرد ، شتف اسم عشق واستغرب ليه تدق الحين : الو ؟
عشق بتوتر : اهلين ، اسمعني النوفل اعرف انو الوقت غلط و مره غريب اني اتصل عليك بس صدق انا متوتره و شايله هم بخصوص القضيه ، لو خسرتها ايش بسوي ؟ بتزوجه غصل عني صح ؟
النوفل يحاول يهديها : اهدي يا عشق اول شي تنفسي كويس ، بعدين لا تشيلين هم ان شاء الله القضية لك ، بعدين تفائلي بالخير و ان شاء الله كل شي بيكون تمام ، بعدين الله ما يضيع حق احد
عشق : نوفل والله متوتره الأفكار توديني و تجيبني انا حتى ايميلي ما شيكت عليه ، و الشائعات قاعده تطلع عني بكل مكان ، كلهم يلون يعرفون قضيتي و يبون يعرفون من محاميتي ، قلق والله قلق النوفل
النوفل : افا حتى شغلك انشغلتي عنه و اكلتك الهواجيس عنه ؟ انسي الموضوع و كانه ما صار لا تفكرين فيه ، حتى اذا تبين تطلعين عشان تنسين اطلعي شيكي على فروعك و تصاميمك
عشق : ابي قهوه بس ابي قهوه و العامله نايمه الحين
النوفل ابتسم : وش نوع قهوتك ؟
عشق : اكيد بلاك
النوفل : بعد شوي بيتصل عليك مندوب ردي عليه تمام ؟ مع السلامة !
قفل و راح يطلب لها قهوة و يحط اللوكيشن على بيتها