دامِك سكنتي القلب اسمعي العلوم إنتي سبب فرحِتي ومسك الختام .

الجزء التاسع و العشرون

خَرج برا و هو مقرر انه يفاتحها بالموضوع خلاص ، توجه يسكر على نفسه داخل سيارته ، اخذ نفس عميق بتوتر يدق عليها

فيلا مصممتنا
صوت محمد عبده يصدح بين الغرف ، تلعب بالقلم الي بيدها و تفكر بالتصميم الي ببالها ، ابتسمت تردد ورا مغنيها المفضل : جيتني و انت يحبّك الف محبوب بدالي سخّرك سبحانه الي في عيوني كملك !
قاطع صوت الأغاني رنين جوالها ، ابتسمت من شافت اسمه يلمع بشاشة جوالها : الو ؟
النوفل ابتسم : هلا والله !
عقد حاجبينه من سمع صوت الموسيقى : انتي بالبيت ؟
عشق : ايوه ليه تسأل ؟
النوفل : توقعت انك بكوفي عشان صوت الأغاني
عشق ابتسمت : كنت افكر بتصميم و الأغاني تروقني ! آمر وش بغيت ؟
النوفل اخذ نفس : والله يا عشق انا داق عليك ابي آخذ موعد من مواعيدك و ساعتين من وقتك
عقدت حاجبينها بإستغراب : ساعتين و موعد ؟ ليه ؟
النوفل : جاي اخطبك
وسعت عيونها بصدمه و قفلت بوجهه على طول : يمه الي سمعته صدق ؟
رجعت انظارها على الشاشة تستوعب الي صار قبل شوي  قبصت يدها : صدق يا عشق صدق !
نطت تصارخ تدور بالبيت و ترقص بفرحة ، ابتسمت بحماس كبير ، بينكتب اسمها جنب اسمه و بيصيرون لبعض !

اما عند النوفل
ضحك من ردة فعلها و كيف سكرت الإتصال بوجهه ، شغل سيارته يتوجه لمكان ما ..

وقف النيّار قدام المدخل : يا وولد !
الجدة لولوة : تعال يا ابوي تعال
ابتسم يدخل : السلام عليكم
الكل : و عليكم السلام
الجدة لولوة : اخبارك و اخبار يدك عساها بخير ؟
اخذ الفنجال من يد ابراق : الحمدلله يارب طيّب و يدي طيبه
رفع راسه يدورها بينهم ، تغاني ابتسمت : مو موجودة لا تتعب عمرك
اخفى ابتسامته : الا ما جاكم النوفل ؟
اغادير : لا والله ما جانا و لا شفناه ، عسى خير ؟
عقد حاجبينه بإستغراب : خير خير بس اتأكد
قام من مكانه و بيده الفنجال ، الجدة لولوة : على وين ما قعدت معنا ؟
النيّار مشى يطلع : قريب قريب
طلّع جواله يرن على اسمه المتوسط بين جهات اتصاله : الو ؟ وينك يا اخوي ؟
النوفل : طالع مشوار و راجع
النيّار بإستغراب : مشوار ؟ ذا الوقت ؟ وين رايح انت
النوفل بإستعجال : رايح قريب ما عليك ، توصي على شي بسكر ؟
النيّار : سكر سكر و انا اطلع منك السواليف لا جيت
ضحك يسكر الإتصال يكمل طريقه لمكان مجهول !

فيلا مصممتنا
جالسة على مكتبها و يدينها على خدودها ، تبحر في خيالاتها و تتذكر كلامه لها و اعترافه لها ، تذكر كيف كان يخفف توترها قبل المحكمة ، تحمد ربها مليون مره ان جاء هالشخص و دخل حياتها و تعرفت عليه ، التفتت تاخذ جوالها ، كتمت صرختها من شافت اسمه منوّر شاشتها ، تنحنحت : الو ؟
ابتسم يتأمل باب فيلاتها : افتحي الباب
استغربت : اي باب ؟
النوفل : وشو اي باب ؟ باب بيتك
تقدمت تركض للشباك ، انصدمت تشوفه واقف و يأشر لها : تستهبل !
النوفل بوّز : ليش استهبل ؟ انزلي افتحي الباب ترضين زوجك المستقبلي واقف بالشارع لوحده ؟
ابتسمت تنزل راسها بخجل من قال " زوجك " : طيب خلاص بفتح الباب لا تصيح
ضحك يسكر المكالمة ، رفع راسه من انفتح الباب : هلا بالعشق ! هلا بزوجتي
ضحكت بخجل : توي طيب ما صرت زوجتك
النوفل تقدم مبتسم : بتصيرين مردك بتصيرين ، بتخليني واقف كذا ؟
عشق رفعت راسها : والله يا حبيبي لا عقدنا قراننا يمديك تدخل بيتي بس الحين لا ، وش بيقولون الجيران عني ؟
النوفل بهيام : عيديها تكفين
عشق عقدت حاجبينها : وش اعيد ؟
النوفل : كلمتك الي قلتيها تو
عشق : وش بيقولون الجيران عني ؟
ابتسم يضحك بخفه : ثالث كلمة قلتيها
ابتسمت تستغبي : ما اتذكر !
مسك شنبه : داري انك تستغبين بس يلا خل تصيرين على ذمتي كل يوم تقولينها لي
ابتسمت : طيب الحين ليه جاي ؟
النوفل : بكلم امي و ابوي عن ملكتنا و ابيها تصير قبل زواج اختي غدق و العرس متى ما بغيتي انتي و بالوقت الي تحددينه
احمّرت خدودها خجل : بس انا مابي عرس ، ملكة بسيطة تكفيني
عقد حاجبينه : ما تبين ؟ ليه لا يكون فيه احد مضايقك ؟
عشق : لا لا مو كذا بس انا ما ابي عرس و حوسة و بعدين يكفيني اني بكون معك على طول ، ما تهمني هالأشياء
النوفل ابتسم : الي ودّك ! تآمرين امر
عشق ابتسمت : بتمشي ؟
التفت عليها : شكلك تبيني اجلس ترا ما عندي مشكلة
عشق تخصرت : لا والله ! رح رح لبيتكم و لا صرت زوجي تعال متى ما بغيت
ضحك يودعها : استودعتك الله يا قلب الطيّار !
ابتسمت تسكر الباب ، مسكت صدرها : يمه الي صار صدق ! اخيييرا !
دخلت لغرفتها تنام و الإبتسامة على وجهها !