دامِك سكنتي القلب اسمعي العلوم إنتي سبب فرحِتي ومسك الختام .

الجزء العاشر

تغاني وهتاف انفجروا ضحك
النيار : يا جدي انا بروح الشركة وبطريقي بجيب النوفل
الجد عياش : كفو يا ولدي
راح النيار غرفته فوق وهو مستانس ، صدق كان يمديه ينهي كل شي وبسهوله ، لكنه يحب الصعب !
طلع من البيت وركب سيارته ، توجه للشركه
جوا
طلعت غدق فوق غرفتها ، شالت الجلال وحطت يدها بجيبها وطلعت الكندر الي اخذته من يسر والي جابه النيار ابتسمت بخفه وطلعت جوالها وشافت ردود البنات عالصوره الي نزلتها دخلت محادثة الزين : بالعافيه
غدق : الله يعافيك
سكرت جوالها ومسحت مكياجها ولبست بجامتها وانسدحت عالسرير وقعدت تطقطق بجوالها

الشركة
دخل بهيبته المعتادة اكيد ، يرد السلام على كل من سلم عليه : وعليكم السلام
صالح السكرتير : حياك الله يا طويل العمر ، فيه شي لا سمح الله ؟
النيار بحده : ليه ؟
صالح : الحين مو وقت دوامك طال عمرك عشان كذا استغربت
النيار : لا بس جيت اشيك عالوضع وباخذ كم ورقه وبطلع ، الشركاء دقو ؟
صالح : اي طال عمرك وكلهم يبون رضاك
النيار : ابي اجتماع معهم كلهم ضبط لي الوضع
صالح : ابشر
مشى النيار لمكتبه ، دخل وريحة العود تسبقه

جلس على مكتبة يدور الأوراق الي يحتاجها ، دخلت عليه طيف بكل قرف : السلام عليكم
النيار في نفسه : شجاب امها ذي
اكمل بصوت عالي : وعليكم السلام ، خير ؟
طيف بدلع مقزز : الحمدلله على رجوع الشركة
النيار بحدة : شركتي ماراحت عشان تجي ، وش عندك ؟
طيف بنفس الدلع المقرف: ما نسولف يعني ؟
النيار : ليه خويك انا تسولفين معي ؟ برا من غير مطرود
رن جواله وكانت غدق ، رفعت راسها وانقهرت من شافت الاسم ، من ذي؟
رد النيار بإبتسامه واشر لطيف تطلع بحدة ، قبل ما تطلع سمعت النيار يرحب فيها وماتت قهر ، مين هذي وكيف جت ، هي تعرف انه مو متزوج
جوا
النيار بإبتسامه : هلا غدق
غدق : اعتذر اذا ازعجتك
النيار بحدة : ما فيه اي ازعاج خذي راحتك
غدق : دق علي النوفل وقال انه وصل
النيار بإستغراب : ليه ما دق علي ؟
غدق : يقول دق بس ما رديت
النيار وهو يشوف جواله صامت : اي كان صامت ، تبين شي زياده ؟
غدق بخجل : لا تسلم مشكور ، مع السلامه
سكرت ، النيار بيموت من الفرحة ، بغى يصفق الطاولة من الوناسة
اخذ الأوراق وتوجه للمطار يجيب خوي دربه وعشيرة النُـوفل

بيت الجد ، غرفة غدق
قعدت ترفس السرير من الخجل ، ماتدري كيف رنت عليه واجابها ، حطت وجهها عالمخدة وصرخت بأقوى شي تقدر عليه ، : انا وش ملقفني وداقه عليه ، مسويه فزعه يعنني
طق الباب : تفضل
دخلوا نغم وهداد وجلسوا عالسرير وبيدينهم فصفص

غدق وهي تفك الفصفص: هلا هلا بكليتيني
هداد بعصبية مصطنعه : انتي تدرين ان نغم كلمت صخر
غدق : اي اليوم علمتني
هداد : وانا البطه السوداء ؟ ليه محد علمني
نغم : انتي شايفة من كانت حاطة اذنها عندنا ؟
غدق : صادقه
هداد : حتى ولو كان صرفتوها ، زعلت منكم
قربت منها غدق وهي تحضنها : لا يقلبي ما اقوى على زعلك
هداد : ابي روجك الجديد وارضى
غدق بعدت : الوضع مصلحة هااه ؟
نغم : لا نعم تعطيك وما تعطيني ؟
غدق : اطفال وربي ، حتى الاطفال الي يجوني بالمستشفى اعقل منكم
نغم بوهقه : بنات شسوي اقبل المشروع ولا لا ؟
هداد : انا اقول اسحبي عليه
قاطعتها غدق : لا يرحم امك فرصة وجتها خل تستغلها
نغم : يختي مدري والله اني متردده
قاطعهم دخول نهال المفاجئ : شتسوون هنا
نغم بهمس : بقوم اجلدها ترا
كملت بصوت عالي وهي تفصفص : نعم نعم مدرعمه ؟
نهال : ما بقى الا انتي تحاسبيني وين ادخل فبيت ابوي
غدق : بيت ابوك ما اختلفنا لكن غرفتي محد يدخلها الا بإذني !
نهال : والله وكبرتي يا ست الحسن
غدق حركت شعرها بدلع : اي والله اني ست الحسن والدلال
نهال تنرفزت من حركاتها وطلعت وهي منفجره غضب واي احد بتشوفه بتفرغ كل الغضب فيه
البنات ضحكوا من وجهها وتعابيرها : ممتت غدق والله طلعتي مو هينه
غدق : هي اللي حدتني بحركاتها
نغم : ياليتكم فكيتوني عليها
غدق وهي تصور الجلسة : ما عليكم منها
نزلت الصورة بالواتس وكملوا سواليفهم
المطار
وقف السيارة بالمواقف ونزل منها يتوجه للبوابة ينتظر النوفل صديق عمره
النوفل كان يودع المسافرين ، خلص وطلع راح اخذ شنطته والهدايا الي جابها لأهله ، توجه للبوابة وعرف خويه من ظهره : يالنياااااار
النيار لف : هلا والله بالنوفلللييي
ركض النوفل وحضن النيار ، شكلهم كان يوصف العشره اللي بينهم ، من وهم صغار وهم مع بعض ، ويخسي الي يقربهم ولا حتى يفكر يخرب بينهم
النيار : الحمدلله عالسلامة
النوفل بإبتسامه : الله يسلمك
توجهوا للسيارة وركبوا
النيار : حيااااك يالعشير
النوفل : الله يحييك ، سمعت كلام يا ولد
النيار بإستغراب : وشو ؟
النوفل : عن شركتك
النيار : قفلت ملفهم ومشيت
النوفل : ححااااي كفك يالعشير
صفقوا يدين بعض
النوفل : هاه صار شي من بعد ما رحت ؟
النيار : ابد والله ما صار ، فاتك اليوم يا اننا تعبنا
النوفل بإستغراب : ليه
النيار : ابد والله يسر زعلت علينا وراضيناها
النوفل : على مين ؟
النيار : انا وغدق
النوفل : اسلم عاد اول مره تزعل من غدق
النيار : والله بكت ما توقعت
النوفل عدل جلسته : اح شكل المشكله قويه
النيار : اختك قهرتها عشان تاكل صحنها
النوفل : طيب رضت عليكم ؟
النيار طق صدره : ابددد ابشر بي راضيناها
النوفل : كفوو
وقفوا عند البيت ونزلوا
الصالة
الجدة لولوة كانت تسولف مع حريم عيالها وتغاني وهتاف عالجوالات : ارحموا عيونكم ما غير تطقطقون بذا الجوالات
هتاف : على الطاري ترا اخر اسبوع مارح نداوم
تقاء : خير ان شاءالله وش صاير ؟
تغاني : والله كل السعودية بتغيب حنا شعب واحد
هتاف صفقت بتعزيز : كفووو يالكوين
الجده لولوه : اي ما عليه غيبوا لكن بتدخلون المطبخ
هتاف وتغاني : يصير خير
نزلوا غدق وهداد ونغم ببجاماتهم
: السلام عليكم
الجده لولوه : هلا ببنياتي
غدق على طول راحت وانسدحت على حضن جدتها : اخبارك يا جده
الجده لولوه وهي تمسح على شعرها: بخير يا عيني
فلك كانت تناظرها بحقد
هداد ونغم قعدوا على كنبة وحطوا روسهم بجنب بعض
دنيا : وينكم ما نزلتوا ؟
اغادير : اي والله طولتوا
هداد : قعدنا نسولف
تغاني : طيب ناديتونا شي
دخلت عليهم ابراق بالشاهي : جاااكمم الأحممرر جاكم
غدق : الله عاد وقته ، هتاف انقزي غرفتي جيبي الفصفص
هتاف وهي تأشر على عيونها : ابشررري
طلعت فوق تجيب الفصفص ، نزلت بسرعه وبيدها الكيس
غدق : يلوموني بحبك ياخي
الجده لولوه : يوه ذكرت ترا عرس انوار والوليد بالعيد
نغم : خير نعم يحطونه بالعيد ؟ ما جهزنا
تقاء : ما عليه بيمديكم ان شاءالله
ابراق : من بيجي ؟
الجده لولوه : يقولون عزموا كل الجماعه
غدق صفقت يدها على جبهتها : اخ يربي ما يطفشون وش ذا
هداد : مدري من قال لهم نبي نزيد عدد البشريه ما غير يتزوجون
قاطعتهم صرخة تغاني اللي كانت عالجوال
هتاف : وجع شفيك
تغاني بحماس : بالعيد فيه حفلة لمجموعة من المغنين
غدق : الله يوننس
تغاني بدت ترقص من الفرحه
فلك: الحمدلله والشكر بس
تغاني راحت عندها وهي تطق رقبه وتهز بخصرها : موووتتتي بغيضك حبي
غدق ابتسمت
نغم بهمس : تربيتي وربي
هداد : بالله ابراق صبي شاهي
ابراق : اصبري يخدر توه
هداد :يليل ابوك يا ليل
غدق وهي توها تستوعب : بتبدا اجازتيي !
نغم لفت بسرعه : احلفيي
غدق : وربي
هداد زغرطت : ما بغيتي اخيرا
هتاف قامت تلعب بشعرها : الحمدلله يارب
الجده لولوه : كانت تصفق لهم : عاشوا بناتي
غدق تحمست وقامت تتمايل بخصرها المنحوت
التعزيز جاها من كل الموجودين، ضحكت من قامت تغاني ترقص بهبال
تعبوا من الرقص وجلسوا يشربون شاهي ، قاطعهم صوت النيار : يااوولد
الجده لولوه : اصبر يا ولدي خل البنات يتغطون
النيار : حتى تغاني و هداد تغطوا
دخل بعد ما نادته الجده لولوه هو والنوفل : السلام عليكم
الجده لولوه بإبتسامه عريضه : وعليكم السلام ، هلا بأبوي هلا الحمدلله على السلامة
النوفل باس راسها : الله يسلمك يا جدتي ، وجه سؤاله للموجودين : شخباركم
كلهم جاوبوا بإنهم بخير
غدق بزعل : ما كأنك طولت يا وصخ نعم ساحب علي ولا تدق
النوفل : هلااا بأختي ، والله اني ما فضيت قابلت ناس واجد
دنيا : من قابلت ؟
النوفل تذكر عشق : اخوياي من الثانوي ، الا وين جدي ؟
ما امداه يسأل الا ودخل الجد عياش وعياله : انا هنا يا ولدي
فز النوفل يسلم عليه ويبوس راسه ، : الحمدلله عالسلامه يا النوفل
النوفل بإبتسامه : الله يسلمك يا جد
قعدوا كلهم جنب بعض
النوفل : الا بسألك يا جد
الجد عياش : اسأل وانا ابوك
النوفل : تعرف واحد يقاله ابو احمد ؟
الجد عياش : الله يسقي ايامه ، شلون عرفته ؟
النوفل : كان معي بالطيارة وسألني عنك وقال قول له اسمي وبيعرفني
الجد عياش بحنين للأيام الماضيه : اييييه زمان راح
دخلوا يمن ومنذر ونمار وهم يغنون : يا ندمانه على حبي وايامه
يمن وهو يركض بعبط: اخخخوووووياااا حبيبي
منذر من ورا يغني : انا واخي شوق يدفعني لأراها امي ذكرى لا انساها
المجلس كله تفجروا ضحك
غدق ميته ضحك : متتت منذر من وين طلعتها ههههه
هداد بضحك : ما ضحكني الا ركضة يمن
هتاف انفجرت اكثر : بطنييي
الوضع صار هادي شوي ، قاطعت الهدوء تغاني : النوفل اخوي الكبير بالإسلام ، جبت الروج الي ابغاه ؟
النوفل ضحك : اي يا عبيطه جبته
هتاف : وانا وين عطري ؟
النوفل : موجود ، يمن جب الشنطة وتعال
يمن : ابشر