دامِك سكنتي القلب اسمعي العلوم إنتي سبب فرحِتي ومسك الختام .

الجزء الثالث و الثلاثون

قفلت من تغاني و هي تضحك : عسل هالبنت عسل !
بنفس اللحظة دخل النوفل لابس شورت اسود و تيشيرت بنفس اللون ، رفع حاجبه :ضحك و عسل اجل ! انا ما قلتي لي كذا من سعيد الحظ هذا ؟
التفتت له و هي تحط بلشر على خدودها : غييور ! ما تفكر تقلل من غيرتك حبيبي ؟
بلع ريقه من جمالها يتأمل عيونها البنية و رموشها الكثيفة ، نطق بعد ثواني : و لا افكر ! بعدين شكلك ناوية ما نروح العزيمة على شكلك
التفتت بصدمة : قليل ادب !
ضحك يحط مفتاح السيارة على التسريحة و قرب منها : اليوم ما فيه روحه الا معي ما فيه اعتراض
صغرت عيونها تتكتف : و ليش ان شاءالله ؟ عندي سيارة ما عليك يمكن اتأخر انا
كشر بتمثيل : وش قلت انا بدون اعتراض
تأففت منه : سم يا عيوني اي اوامر ثانية يالكابتن ؟
ضحك من زعلها : لا يا عشق لا يا بنت لندن !
قرب يقبّل خدها و جبينها بخفة
توردت ملامحها بشدة و دقات قلبها تتسارع ، هي تتوتر من تهوره و تدري انه مستحيل يمسك نفسه ، قامت تتدارك الوضع : اي صح النوفل تذكرت عادي تاخذ لبسي مع ثوبك ؟ ما يمديني اكوي مستعجله
النوفل : اي من عيوني اصلا كنت جاي آخذ ثوبي
تقدمت تعطيه الفستان الأحمر و الثوب و الشماغ حقه
النوفل بتذكر : يوه جاي اقول لك شي بس ذكريني اقولك لا رجعنا من العزيمة
عشق و هي تعدل شعرها بإنشغال : تمام حُبي
اعطته بوسه بالهواء قبل ما يخرج ، ابتسم بخفه يهمس : استودعتك الله !

الفندق
ابتسمت تتأمل الفستان الأبيض و الي كان ماسك على جسمها و مبيّن معالمه ، شعرها الطويل منسدل على ظهرها و مسويته ويفي من تحت
التفتت تعدل شعرها بتركيز و ما انتهبت عاللي يتأملها بذهول ، يشوف ميلان خصرها و جمال شعرها و بياض جسمها ، تنحنح يخليها تلتفت عليه ، ابتسمت تتقدم له : كيف ؟
ابتسم يتنهد : حلوه ! حلوه و كثيره على قلبي
ابتسمت بخجل تمثل انشغالها بشعرها ، تقدم يلبس شماغه و يعدله قدام المراية
التفتت تشوفه مركز و معقد حاجبينه يعدل شماغه ، اخذت المبخرة توقف قدامه بإبتسامة عذبة : بخور ؟
ابتسم : اكيد !
ابتسمت تبخر شماغه و تتأمل وسامته و هيبته الطاغية ، رفع عيونه لوجهها : خلصتي ؟
همهمت ، النيار اخذ المبخرة من يدها : لفي
لفت بإستغراب تشوف انعكاسه بالمراية ، لانت عقدة حاجبينها من شافته يمسك شعرها و يبخره بتركيز ، همس : ماشاءالله تبارك الله !
انتهو من تبخير شعرها و لفها له و بدا يحصنها و هي مبتسمة ، تعرف قد ايش هو حنون و قد ايش هو يخاف عليها من ظلها
انتهى و ابتسم : يلا البسي عبايتك
غدق التفتت للشنط : بناخذهم معنا صح ؟
النيّار اشر براسه : على طول بعد العزيمة عالمطار
غدق ابتسمت : ما اعرف وين بتوديني بس راضية بأي مكان دامني معك !
ابتسم يمسك خصرها يقرّبها له : انتي مو ناوية تخفين علي شوي من هالحلاوة و الكلام المعسول ؟
ابتعدت تضحك و رفعت يدينها بإستسلام : خلاص خلاص مارح اتكلم !
وسعت ابتسامته يضحك بخفه : البسي يلا
لبست عبايتها و لفت حجابها ، انتهت تشوفه واقف ينتظرها ، مد يده تمسكها : مشينا ؟
النيّار : توكلنا على الله