واول مارجع ابو محمد للبيت مشو متوجهين للديره
-
نروح للجنوب تحديداً بيت حسين
كعادتهم مجتمعين حول النار
ابو سلطان: يبه ماعلمتنا عن عبد العزيز
الجد محمد بفرح: ابشركم اليوم عبدالعزيز راجع لنا
الكل فر ح واستانس رفعت الجده نروح يدينها تحمد الله: الحمدالله مابغينا نشوفه من بعد عرس سلطان
الهنوف: الحمدالله اخيرا راح نجتمع
ابو سلطان : ايوه والله مابغينا
الجد محمد : واول ثلاث ايام راح ينامون عندنا
الهنوف : متى يجون
الجد محمد : يمكن الفجر او بكرا
شموخ اول ماسمعت اسم عمها ابتسمت لا ارادين وتتذكر الماضي
الهنوف : اجل قمنا نجهز لهم
سلمى : اخيرا بشوف ناس نفتح النفس مو مثلكم
جواهر : ومن هم
سلمى : اكيد بنات عمي
جواهر : ايه ايه امشي بس
-
جلسو البنات بعد ماخلصو تجهيز
سلمى: ياهو فيني حماس ودي يجون الحين بشوف اشكالهم
نيال: حبيبتي انت سلومه حياتي تطلعين معي للسوق
سلمى: لاوالله مابي
جتهم جواهر تجلس: وع وع تكفون ذي جلست بنات او عيال بس حب وشاهي
نيال: اعجبش حياش واذا لا انقلعي
سلمى سكتتهم واشرت لهم على شموخ الي كانت ساكنه وهاديه وبالها مشغول
جواهر بصوت خفيف : وش هيها
سلمى بنفس الصوت: تهوجس
قامت نيال تجلس بجنب شموخ: اهوجس ولا اني بمرتاح ياشيخه وش فيش بالش مشغول
ضحكت شموخ: وش تهرجين انتِ
نيال: ابد والله اشوف بالش مشغول
سلمى: واضح واضح الشوق يلعب
قامت شموخ: احم قومو بس نسوي شي بدال السوالف ذي
-
عند العيال ب مزرعة جدهم
سلطان : غيث وين الحليب
جاهم غيث كله تراب وصوبه ممتلي غبار وماء
غيث : ماقدرت بس تناقز
حسام ضحك: بالله انت تتصارع معاها او ايش
حمد: لاوالله ترى تضرب ضرب امس كسرت خشمي
حسام : حسافه ماشفتك
سلطان : بدال ما تضحك عليهم رح انت احلبها ولا فالح بس بالضحك
حسام: لا والله انا خلصت شغلي
سلطان :اجل رجعنا للبيت لكن مو شغلي اذا جدي هاوشكم
وانت ياغيث ياحبيبي اركب بالحوض مابي تتوصخ سيارت
غيث بغبنه وقهر وهو يركب الحوض : خير والله ضلم مو من زين سيارتك الخايسه
حسام طلع راسه من الدريشه : اص يا غنمتنا مانبي صوت
-
عند عبدالعزيز واهله
ابو محمد : ايه هذي الديره
عايض: متغيره ماكانت كذا
هزاع: ايه بالله تغيرت وتغير كل شي داخلها
أنت تقرأ
أنتِ الشموخ الزين وأنتِ مهابه
Acakمن الشمال الى الجنوب بعد غياب سنين ارجع الى ديارنا الاولى الديار الي جمعتنا وانا كلي لهفه لحب طفولتي ........ -
