نجمه تقدير لتعبي 🩵
_________________________________ بالقاعه
العنود: يووه شموخي مسحي دموعس المفروض تفرحين لها مب تبكين
شموخ: ادري ادري لكن بفتقدها بفقدها حيل
غزيل: كلنا راح نفقدها بس لاتبكين الا البكاء اكرهه
وقفت اديم وسحبت شموخ معاها : اوقفي واسمعي الاغنيه حلوه تعالي نرقص عليها وانت هالله هلله بالتعريز ،سحبت شموخ معها وصعدو المنصه وبداً بالتمايل مع الحان الاغنيه ، والبنات يعززو لهم
جواهر ونيال كانو جالسات بعيد عن البنات شوي
جواهر : اففف يارجلي اوجعتني مب متعوده البس كعب
نيال بملل: والله كلنا تعبنا وملينا وابي انام ،التفتت من قرصتها جواهر مدت يدها تمسح على مكان القرصه : ايي يدي وش فيك عورتيني ، جواهر وهي تقلدها : عورتيتي
اقول بس شوفي من فيه عويش الخايسه
نيال: اوه ياعرب ربي تهول عله
جواهر دقتها بكتفها : ماقلت لك عشان تمدحينها وجعع عاد صدق مزينه
-
دخلو جناحهم يفصخ بشته يرميه على السرير غمض عيونه مايدري وش يسوي التفت يشوفها واضح عليها الخوف والتوتر سكت شوي قم نطق: اخذي راحتس بروح اجيب العشاء ، تنهدت اول ماطلع :يوه اخيراً راح ،توجهت تاخذ شنطتها وتطلع لها ملابس : وعع وعع وش ذي الملابس انا البس كذا ،اخذت تفتش بالملابس وهي مستغربه: الحين شيخه اول عادي بس شموخ وش عرفها ذي الورعه بس الحمدالله اني حطيت لبستين زياده اخخ احب نفسي
اخذت لبسها ومزيل المكياج و كريماتها (وذي الاشياء)
وراحت لدورة المياه تقفل الباب غيرت فستانها و شالت مكياجها: الحين وش اسوي بشعري اخليه مفكوك او اربطه
اخذت خصلتين من شعرها وثبتتهم على ورا على خفيف
ابتسمت وهي تناظر لنفسها بالمرايه :اف والله اني مزينه
اخذت تحط لها مرطب على شفايفها وقبل ماتطلع اخذت نظره سريعه على نفسها ثم طلعت تشوفه جالس على توجهت تجلس على الكنبه الثانيه وهي منزله نظرها للارض
نزل جواله و ابتسم من شافها وبدو ياكلون بصمت وهو يخطف نظره كل دقيقه ويراقبها وماكانت تاكل وكل شوي يقول لها كلي، بعد ما انتهو وقف يدخل الغرفه يبدل ملابسه يلبس شورت تيشيرت ويرجع لها بالصاله ويتوجه يجلس جنبها : سلمى ، زادت نبضات قلبها من جلس جنبها نطقت بصوت خافت : هلا ، ابتسم ومد يده اصابعه ب اصابعها
: اسمعي ياقلبي نبي نبدا بدايه جيده بكل مصداقه وانتي تعرفين وش اقصد وانا اعرف وش اقصد ومن هالكلام شوفي ياحبي انتي تعرفين اني دكتور صح؟!
هزت راسها بالاجابه وهي ساكته
ابتسم وهو يكمل :تمام وهالشي يخليني اكلم الي بالمستشفى من دكاتره وممرضات ومابي اكون نفس اخوياي اول عاشين حاله مع ذا الموضوع انا لازم اكون متصل مع المستشفى اربع وعشرين ساعه حتى لو انا بالبيت ويكون معي رقم الممرضات اذا صار شي لاحد من المرضى تعلمني وبعد ياعمري انتِ راح يكون عندي مناوبه بالاسبوع مره او مرتين احيان تاخذ من يوم الى يوم ونص
انا اتكلم لك لحين عشان يعني بعدين لشفتي اسم بنت دكتور واسمها لاتقعدين تغارين وكذا وانتِ مابعدك حد ولا قبلك حد تمام يابعدي
كانت ساكته ماتعرف وش تقول له او تتكلم تناظر للارض مب قادره تناظر له رفعت عوينها اه وقالت بتفكير : عندي فكره اعطني رقم الممرضات وهذو البنات كانه رقمك وهم لمن يتصلون انا اقولك بس ان يجي رقم البنت عندك والله لزعل،
مد يده يحك جبينه وهو ماسك الضحكه : ياحبيبتي انتِ ماينفع هم يدرون به انه رقمي وغير كذا يزعجونك انا اقولك انا م امسك جوالي غير وقت الدوام واذا ممرضه دقت علي بحط سبيكر عشان تسمعين طيب؟ولاتزعلين
هزت راسها بالاجابه ونزلت نظرها للارض وهي ساكته جرحها شوي ، حل الصمت للحظات من عرف انه جرحها
تنهد مب عارف وش يسوي سكت شوي ثم نطق: سلومتي
نطقت بهمس خافت : هلا ، مد ذراعه يحضنها من جنب : ابك دنيتي زعلت يانظر عيني ياقلبي انتِ مقدر لان خلاص انا معطيه وقاضي يا حبيبتي وبعدين يابعد حيي انتِ مابيهم يزعجونك كل شوي رسايل ، سحبها لحضنه وهو يقبل جبينها : طيب يا اجمل ماخلق ربي وين تبينا نروح ...تحبين لندن تبين تروح لها؟!
رفعت رايها تناظر فيه: ايه مره احبها ،سكت ثواني ثم كملت: بس من علمك؟؟!
ضحك: انا عرفت بنفسي
ابتسمت : ترى اعرف ان العنود لانها سألتني قبل كذا
مد يده يقرص ارنبة انفها بخفه : يعني عرفت وبس ....
-
بالقاعه
بعد ما انتهى الزواج وكل الضيوف راحو
توجهت تجلس بتعب: اخخخ يا رجولي توجع ابي ارجع البيت وانام
شموخ: وين تعالو عندنا نسهر ونسولف
اديم: مب حالي اروح ابقى انا و بابا اكيد مايوافق
جواهر: ماجربتي روحي قولي له نبي نفلها واذا تعبتي نامي عادي
وقفت بتول بحماس : انا الحين اروح اكلمه بس استنوني شوي ،بعد دقايق رجعت وهي تبشر البنات انه وافق
لبسو عبياتهم وطلعو يركبون
ركب الكل الا بتول و شموخ
شموخ: افف مالي مكان انا خير طلعولي مكان
بتول : حتى انا يارجال مالي مكان عادي
الهنوف : وحده تجي عندي فيه مكان
ركضت بتول لها عشان المكان : دبري نفسك يا شمشون
عبدالعزيز كان ماشي متوجه لسياره وشافها : وش فيس يابنيتي هنيا ليش ماتركبين ؟!
شموخ: ياعم مابه مكان وذيك السياره راحت
ابتسم عبدالعزيز : اجل تعالي معنى مره وحده ننزل بناتي عندكم وانتِ معهم تعالي ، توجهت شموخ مع عمها وتركب معه ركب عبدالعزيز قدام واما هي ركبت ورا عند العنود وغزيل
~
وقفت بتول بستغراب : وين اركب مابه مكان
الهنوف: يا امي يا انتِ بحضني تعالي
هزت راسها بالنفي: لا وين اركب بحضنك بعدين ياعمه انت قدام شلون اركب
الهنوف: اقول اركبي ولا نمشي ونتركك
بتول : ياعمه المشكله انه بحضنك والمشكله الاكبر انك قدام
، الهنوف: يابنت عادي وبعدين غيث ولدي واعرفه معليش
تنهدت ماعندها مفر مابه مكان ثاني وخصوصاً انهم اغلبهم حركو تقدمت تركب بحضن الهنوف وهي متفشله وودها الارض تنشق وتبلعها
~
عند شموخ كانت تناظر للطريق وهي تهوجس صحت من سمعت عمها يناديها،عبدالعزيز: شموخ يابنيتي شرايش تجين عندنا تسهرين مع بناتي ، ارتجفت يدينه الي على الدركسون من سمع اسمها وده يلف ويشوفها لكنه يدري ان ابوه راح يكفخه اخخ يا شعور الشوق
ردت على عمها: لا والله ياعم مقدر ماقلت لابوي بعدين ياعمي احنا اتفقنا مع بنات سياف يجون عندنا تكفى ياعمي خلهم يجون عندنا
عبدالعزيز بتفكير: ياخوفي تطولون صوتكم وتزعجون ابوي
شموخ بترججي : لا ياعمي ما بنطول بعدين غرفنا بعديه عن غرفة جدي هو بالدور الاول باليمين واحنا بالثاني باليسار
غزيل: ايه ايه يبه تكفى نبي نروح بالبيت ملل
عبدالعزيز : طيب خلاص بس مابي ازعاج ، التفت على هزاع يكلمه: توقف عند بيت عمك ننزل البنات ثم نسري بيتنا
هز راسه بالاجابه وما نطق بأي كلمه ، وقف عند بيت عمه نزلو خواته و شموخ ثم حرك السياره
ضحك عبدالعزيز : شفت رجفتك بس ان شاءالله لك
تنهدت ببتسامه : ان شاءالله
-
دخلو البيت يتوجهون على طول لغرفة شموخ
ارتكت على السرير بتعب: اخخخ يا عضامي هي شموخ ابي بيجامه او اي شي بغير
العنود : حتى انا ابي
اديم: صحيح وانا بعد ابغا
شموخ: طيب اطلعو بغير ثم اجيب لكم
اديم : سلامات وين نطلع تخيلي نوقف عن باب غرفتك وبشكالنا ذي بعدين لو احد مر لا ،
تنهدت : ياليل روحي عند بتول وجواهر يلا انقلعو
اديم : طيب طيب كاه طلعنا
-
دخل البيت بعد ماقفل السياره وكان بعيونه نوم فز من جت امه له: هزاع تعال ابك
هزاع: هاه تكفين مره نعسان
سحبته معها وراحت لغرفته ودخلته وسكرت الباب
توجه يجلس على السرير يحتري امه تتكلم
لفت عليه امه وتوجهت تجلس بجنبه : هزاع ياعين امك انت ،
هزاع: ياحبيبتي امريني وش تبغين
ام محمد(اسماء): انا مابي لكم الا الخير ياعيالي واتمنى كلكم تعيشون بخير وهذا عايض الحمدالله تزوج
وان شاءالله يعيش بخير
استغرب من كلام امه : ان شاءلله وش مناسبته ؟!
ام محمد(اسماء): هذا تيام لو اقوله من الصبح لليل ما بيوافق اعرفه ولدي بس انت ان شاءالله تقتنع وانا مابي لكم الا الخير والله يشهد
دق بقلبه الخوف من كلام امه : ايه ووش هو؟!!!
ابتسمت ام محمد(اسماء): دام خوالك هنا ومابيروحون الا بعد اسبوع اتوقع شرايك نخطب لك بنت خالتك رويدا ؟!
تجمد وهو يناظر لها بصدمه هز راسه بالنفي وقال بهدو: لا
عقدت حواجبها : لا ؟!!!!!! وهذا انا اقول هزاع احسن عيالي وما يرفض لي طلب
هزاع: بس يمه هذا مو اي طلب
ام محمد(اسماء): ياحظي بعيالي مايسمعون الكلام بس اقول لك ترى قلت لخالتك وهي تشوف رد بنتها وما توقع راح ترفض عشان كذا تجهز اذا رجع عايض تملكون
وقف يناظر لامه ياخذ نفس يهدي اعصابه : قلت لك مابي واذا تبون تغضبونها انت وخالتي اكيد راح توافق وانا مو موافق
وقف ام محمد بعصبيه: مو على كيفك توافق وماتوافق انا تكلمت مع خالت تبي تطيح كلمتي ؟!!!!
غمض عيونه :انتِ ماقلتي لي قبل تتكلمين يمه انا مابي ازعلك او ما ابرك لكن هذا غير قلت لك مابي واتمنى انك تكنسلين لاني مراح اوافق لو ايش ، طلع من غرفته مو مصدق كيف امه تتصرف معه كذا ماكانت تدخل بشي لكن الان تغيرت ، طلع من البيت ويتوجه يركب سيارت يحاول يعدي من نفسه يتنفس بصعوبه وصدره يعلو وينزل بسرعه غمض عيونه ومد يده جهت قلبه ويشد عليها حس بألم فضيع ،فته باب السياره لدخل الهواء ،يحاول يلتقط انفاسه
ويده على قلبه من قوة الالم
-
طلع يشوف عزام جالس بالحوش الخلفي وسرحان
تقدم له يجلس بجنبه ويضع يده على كتفه : فيك شي ؟!!
تنهد تنهيده طويله : فيني وجع كبيررر ليش تطلع لي ليش؟!
استغرب سلطان: من الي طلعت ؟!!!!
التفت له : من غيرها من غيرها قد اوجعني كذا ولا بنفس المكان الي شفتها فيه ليش يوجعني قلبي كل ما اشوفها او اتذكرها و اعيش حالتي ثاني مره
تنهد سلطان على حال عزام : انت وافي واعرفك رهيف القلب بس احمد ربك انه فضحها قبل مايصير زواج
نزل عيونه للارض ثواني ثم وقف : ماينفع كذا انا بمشي عند سعود اذا امي تبيني قل لها
سلطان. :زين بكيفك بس لا تتأخر
-
عند البنات
بعد ماغيرو ملابسهم بداً يجهزون للسهره
شموخ و جواهر يجهزون الشبسات والاكل والباقيات بغرفة مجتمعات بغرفة نيال الي يدور على فلم والي يرتب المكان
انا اديم مستلقيه على سرير نيال: افف فيني النوم شكلي بنوم ،ضربتها نيال: وش تنامين صحيح عشان نسهر تبي
قهوه عشان تصحى؟!
هزت واسها بالنفي : لا ابي انام
~
تحت بالمطبخ يجهزون الاكل
جواهر : شموخ تتوقعين سلموه وش تسوي الحين
لفت عليها شموخ : وش تبين فيها اشتغلي بس البنات يستنو فوق ،دخل غيث وهو مبتسم: الله الله اكل
و ما تعزموني؟!!!
ضربته جواهر: وجعهه شلون تدخل كذا ؟!
غيث: اسف خلاص مانكرر من زينش عاد عشان اشوفش
كشت عليه : ازين منك ،ومشت تاخذ الصحن وتطلع فوق للبنات ،استغرب غيث من تصرفها رجع على ورا يتكي بجلس فوق الطاوله : وش فيها علي !!!!؟
رفعت اكتافها شموخ بعدم معرفه : معرف بس شكلها حاقده عليك
غيث بعدم مبالاة : ماعلينا من فوق عندكم؟!
ردت عليه وهي تجهز : بنات عمي عزوز و بنات ال فهد
ضحك وغمز لها : و بنات ال فهد من هم؟!
شموخ خزته : اذا ما سكتت بكسر راسك ياقليل الحيا اعلم عمتي
غيث بخرشه : لا لا وش دعوه امي بعدين انا بس سألت سؤال طبيعي شفيش اكلتيني
شموخ: لانك قليل حيا وش تبي ببنات الناس
غيث : وش ابي فيهم بنزوج
ماعطته وجه وطلعت من المطبخ وهي تستغفر ربها
وقف غيث: وهي وش فيهم النفسيات ،اقول خلني ارجع لحسحوستي احسن
-
طالع متوجه لخيمة سعود ويتمنى ان سعود موجود فيها (سعود خوي عزام وخيمته يجتمعون فيها العيال وبعض الاحيان عيال الديره معهم )
دخل يلاقي سعود فيه ، سعود: ارحب يالي غايب عنا سكت من شاف وجهه مايدل على خير وقف بسرعه: عسى ماشر وش فيك ؟!!،توجه يجلس بدون ماينطق اي كلمه
استغرب سعود وتوجه يجلس جنبه : عزيم ايش فيك ؟!
تنهد عزام ومارد عليه: صب لي شاهي خل اشكي همومي
اخذ ابريق الشاي و صب له ونطق : اشكي همومك لي وقل يا سعود صار كذا و يا سعود فعلت كذا و يا سعود تمنيت كذا وانا راح اسمعك حالك يا عضيدي ،
عزام رفع نظره لفوق ونطق: ياسعود انكان تنشد عن الحال
صارت حياتي يارفيقي ممله .. من كثر مابصدر ضيقة بال
يضهر علي في بعض االوقات خله
عقد حواجب وهو مب عارف ايش فيه: عزيم اهرج قل
نزل نظره وهو يغمض عيونه : عجست عجست يا سعود عجست اطلعها من بالي كل ماقلت نسيتها تطلع لي ثاني مره
سعود: عزام انت لازم تشوف حياتك و تنسها هي ما تستاهلش بعد كل الي سوته فيك وخانتش باقي تحبها؟؟!!
لف راسه : هو مدري حب او لا بس يحن قلبي لها
أنت تقرأ
أنتِ الشموخ الزين وأنتِ مهابه
Разноеمن الشمال الى الجنوب بعد غياب سنين ارجع الى ديارنا الاولى الديار الي جمعتنا وانا كلي لهفه لحب طفولتي ........ -
