أنتِ الشموخ الزين وأنتِ مهابهـ..

Part 7

نوقف شوي نتعرف على سالم واهله
ابو سالم : سعد عمره 60
ام سالم : مزنه عمرها 53
فارس : عمره35 اخو سالم الكبير متزوج من ريما وعنده توام بنات جوري و جود
سالم: عمره 30
سحر : اخت سالم الوحيده عمرها 27 عندها بنت لطيفه
-
ببيت حسين
جهزو اشناطهم واغراضهم الي جابوها معهم يودونها لبيتهم
كان جالس يطالع لهم : هاه مصر !؟
ابو محمد (عبدالعزيز ): يايبه انتم ماشاءالله كثار مايمدي نسكن معكم لازم لنا بيت لحال وكل عصر ان شاءالله نجي عندكم
الجد محمد: زين زين اجل استودعتكم الله
~
وصلو بيتهم الي مايبعد كثير عن بيت حسين
غزيل: الله البيت كبير يبه
العنود:صح لي غرفه لحالي !!؟
ابتسم ابو محمد(عبدالعزيز): ايه ايه لك غرفه لحالك
غزل : وانا وانا لي غرفه لحالي
ضحكت ام محمد(اسماء): اكيد اذا عنود مو معك من يبي يصير معك
اريج : ايه بس انا بسكن عندها لما اروح
غزيل بقهر : ليه خير سلامات فاتحين فندق
اريج : امزح امزح وش فيك اكيد لي غرفه
ابو محمد(عبدالعزيز ): ابيكم اذا خلصتو تنزلون للمجلس
بعدها كل واحد توجه يرتب غرفته
-
جلسو عند امهم
سحر: يمه ليش قلتي كذا
ام سالم(مزنه): وليه وش قلت انا ماقلت الا الصدق و اذا تبي تزعل زعلت ابو جعل
سالم: تكفين يمه ليه تخربين بيتي
ام سالم (مزنه) رفعت صوتها : وليه اخرب بيتك وش انا مسوينه
سحر: يمه قصري صوتك
ام سالم: وضمه مابقى الا انتِ تقولين قصري وطولي صدق قليلة ادب
سالم: يمه وش فيش قلبيتي عليها اول وش زينش الحين مدري وش صار فيش
سحر : يمه ماقصد لكن ابوي نايم
ام سالم: واذا يعني قومو عني احس يلا مابي اشوفكم
سالم: يمه تكفين خلاص مانبي مشاكل
ام سالم: قصدك انا اسوي مشاكل ياقليل الحيا هاه
مالت عليكم من عيال عكرتو مزاجي بطلع مع ام ياسر اذا قام ابوكم وسأل عني علموه ، لبيت عبايتها وطلعت
سحر : لا الله الا الله وش فيها امي
سالم: مدري مدري اها فتره متغيره و وطفشتنا
سحر تنهدت : الله يهديها بروح اشوف لطيفه اكيد صحت
-
ببيت عبدالعزيز
اجتمعو بالمجلس وبدات سوالف العائله العاديه
تكلم عبدالعزيز من بين السوالف : الا اقول يا اسماء ليش ما تشوفين لعايض عروس
انصدمو كلهم ماتوقعو هذي السالفه الي جمعهم عشانها ابوهم واكثر شخص مصدوم ومتفاجئ لكلام ابوه هو عايض ماكان متوقع ابد رد على ابوه: وش...وش دعوه يبه تونا
ويني وين الزواج
عبدالعزيز بحده متصنعه: انثبر الي كيرك عندهم عيال
وانت توك
جاء يبغا يرد لكن سكتته امه بردها: ابشري ندور له عروس
عبد العزيز : نبي بكرا نخطب له عجلي
ام محمد (اسماء) بتفكير: شف الصدق ماعرف البنات الي هنا زين لكن فيه وحده نعرفها ونعرف اهلها
عبدالعزيز : ومن هي ؟!!، ردت عليه بتردد: بنت اخوك سلمى البنت كبيره و ماشاءالله اخلاق
عبدالعزيز ابتسم: اجل تم بكرا نخطبها لك شرايك انت ؟!
عايض تنهد: طيب استخير ؟
عبدالعزيز قام : اجل يلا وقت النوم وانت استخير لان نبي نعجل بالموضوع ،نزل راسه: ابشري يبه
طلعو عبدالعزيز و اسماء و البنات لغرفهم مابقى الا العيال
عايض : وش السوات الحين؟!!
تيام: ماشوف فيه شي يخليك ترفض
هزاع: ولا انا يعني بنت اجوديه ومحترمه ليش ترفض
عايض ابتسم وهو يعرف هزاع: انت تبي اي شي يقربك لذيك
ضرب كتفه: اسكت بس
عايض: لكن ماودي تصدقون ليه؟!
كلهم: ليه، عايض تنهد : بقول شي ياويل الويل الي يهاوش
سيف : اخلص علينا فيني شفاوه ، بدا يحكي لهم السالفه بتردد ماكان وده يعلمهم ، هزاع بصدمه: ايا ابن الذينا ليه ماقلت لنا بعدين وراك يمكن تطلع هي
سيف: وهو صادژ يمكن هي وانت معيي
تيام بهدو : خلنا نكون واقعين يمكن ماتطلع هي يمكن وحده من المعازيم او جيرانهم لا تتحمس وتقول لبوي انك موافق ، سيف بضحك : و يمكن تطلع ذيك ، مسكه هزاع من ياقته وبحده : من ذيك، سيف : الي خبري خبرك
شد عليه بعصبيه: وش الي خبري خيرك هاه
تدخلو عايض و تيام: يفكونه عن سيف ، عايض : يمزه وش فيك انت شديتها ، تيام الي ماسكه من كتوفه: ايه يمزه
سيف الي اختنق من هزاع مسك رقبته وهو ياخذ شهيق وزفير بقوه : الله ياخذ ذي العصبيه ترى امزح خير تسوي فيني كذا ، هزاع بصراخ: لا تمزح معي فاهم، سيف انقهر من هزاع كيف عصب على شي تافه: مني مازح معك ولا مكلمك خل عصبيتك تنفعك....كنت تبي تذبحني ،صعد فوق وهو مقهور ومعصب منه ، هزاع بصوت عالي : احس جعلك ماتكلمي ياجعلني افرح ب فقداك ، عايض مد يده يسكر فمه : خلاص ياهو اسكت
تيام: انا و عايض نبي نروح لغزيل انت يا تيس روح ليسف تكلم مع وتأسف منه، هزاع انفعل وعصب : يعقب مابقى الا هو اتأسف منه جعل ماشوف وجهه مره ثانيه قل امين
عايض عصب من هزاع ودعوته : استغفر
هزاع بعناد: ماني مستغفر بعد بس ، ابعده بقوه من قدامه يصعد لغرفته ويسكر الباب بقوه ، عايض طلعت
جنونه: الكلب هذا بوريه ، مسكه تيام : ياعايض استهدي بالله وخلك منهم هواش اطفال ، عايض اخذ شهيق وزفير يحاول يهدي نفسه و ما يتهور: هاه وش تبي
تيام: روح لغزيل ترى تفضح سولف معاها غبيه تعلمك اذا سلمى ولا لا!!
عايض لف عليه: تصدق مرات اقول انك غبي ومرات توريني ذكائك ، تيام: روح روح بس لا اهبدك
ضحك وتوجه لغرفة غزيل يطرق الباب قبل يدخل
وقف يتكي على الطاوله : غزيل ياعين اخوك
رفعت راسها : هلا شبغيت ؟!
عايض: سمعتي كلام ابوس صح؟!
رجعت تكمل رسمها وقالت بهدوء: ايه سمعته يقول سلمى يخطبها لك
عايض بنرفزه: غزيل يرحم امك مو متعود عليك الهدوء
رفعت عينها له وهي تعاينه ب نص عين : اخلص وش تبي!!
قال بتردد : بسألك سؤال واحد بس اسألك بالله ماتقولين لبوي ، نزلت الفرشات وطالعت فيه ب حماس: قول وعد ما علمه ، اخذ نفس وغمض عيونه بقوه :وش لون فستانها ؟!
انصدمت منه ماتوقعت السؤال هذا : وشو فستانها!!!!؟
سكت شوي عرف انه جاب العيد حيلل قال برتباك: اس..معي بقول كل شي وعد ما تعلمين احد
غزيل : وعدد بسرعه علميني ،سحبته تجلسه على الكرسي وتجلس قباله على السرير وبحماس: قول علم وش صار؟!!
جلس يعلمها كل شي نفس ماعلم اخوانه وهو متردد انه يعلمها لكن مابيده حيله ، ابتسمت واتسعت ابتسامتها وضحكت: اف اف ماتوقعتها منك ياعايض انت العاقل تسوي كذا، عايض: وش دراني انها تبي تطلع المهم علميني تكفينن، ضحكت بخفه : اعلمك لكن بشرط ،
قلبه اشتعل وخايف انها مو هي : اطلبي تدللي وش تبين؟!
غزل: ابي الوان جديده وفراشي جديده ، رد بسرعه: موافقه قولي يلا، ناضرت للأرض تمثل عليه انها حزينه له: مو هي تدري منهي ،غمض عيونه قلبه اوجعه حسب انها هي حزن شوي بصوت فاقد الامل : ميين؟
طالعت في عيونه : هي سلمى، ابتسم وضحك ونو حاس قلبه مو معه : يا كلبه قلبي طاح وانكسر ليش كذبتي !!؟،
غزيل: كذا حبيت اشوف ردت فعلك وبعدين لاتنسا الفرش والاوان ، وقف عايض واشر على عيونه: من عيوني كم عندي غزيل انا ، غزيل: فديت عيونك واطلع خلني اكمل رسمي ص
طلع وهو مبتسم الدينا مو سايعته راح لغرفته يصلي استخاره (حتى لو طلعت هي لازم يصلي يستخير اذا خير له او لا) انتها من الصلاة يحس بفرح توجه لسريره ينام وهو مبتسم ........
(يوم جديد )
صحى من النوم على صوت ازعاج جلس على السرير بخمول لكنه فز من سمع بكاء امه فتح باب غرفته ينزل بسرعه يشوف امه واقفه باصله تبكي وحوليها اخواته يحاولون يهدونها وعيونهم حمره من البكاء راح لهم بسرعه: يمه وش فيه تبكين وش صار احد فيه شي ؟!!
ام محمد من بين بكاها :س..يف سيف صار عليه حادث
وبكت اكثر ، مسك كتوف امه يحاول يمسك دموعه مايبيها تزل قدام امه وخواته وقال بصدمه وهو مو مصدق الي تقوله :سيف اخوي سيف ماغيره
ام محمد: ايه تكفى تكفى روح وشفه وعلميني ، اريج مسكت امها تجلسها عشان ماتعب
هز راسه بالاجابه: ابشري ابشري ابوي واخواني وينهم
غزيل. بدموع: عنده ومحد يرد روح شفه وطمن قلب امي وقلوبنا ، صعد بسرعه لغرفته يلبس ثوبه وينزل ياخذ مفتاح السياره ويركبها. يدق على ابوه لكن مارد دق على تيام بعد مارد ودق اخر شي على عايض ورد: عايض وينك اي مستشفى ،عايض : مستشفى ***** بسرعه تعال ابوي طاح علينا ، قطع المكالمه وهو يلوم نفسه كثير مو قادر يمسك دموعه يمسحن بكم ثوبه : يالله يارب انك تطلعه بعافيه
~
بالمستشفى
جالسن على كراسي الانتظار ينتظرون على احر من الجمر
ينتضرون الدكتور يطلع ويعطيهم خبر لسيف جاهم هزاع وهو يلهث يتكلم بصعوبه: وي..نه..طل..ع
مسكه عايض يجلسه على الكرسي يمد له الماء ليشربه
اخذ هزاع الماء يشربه مره وحده سكت شوي ثم تكلم
: وش صار فيه وكيف صار الحادث ، جلس عايض بجنبه
يطالع فيه: والله مدري هو طلع بعد شوي دق علينا شخص يقول ان صار عليه حادث ، نزل راسه للارض تنزل دموعه لا ارادياً قال بهمس : كله مني انا الي دعيت عليه سبحان لله
استجابت دعوتي ... ليه يارب ليه ،صرخ بأعلى صوت : ليههههه ، دموعه تنزل مو قادر يوقفها يحس انه مخنوق مو قادر يتنفس يبي يهرب من ذي الدينه غمض عيونه وهو يتمنى انه مايفتحها ثاني مره ، قام تيام يجلس قدامه على الارض يرفع راسه: مالك شغل قضاء الله وقدر الله كاتب له
مالك ذنب ليه تحمل نفسك الذنب ،
رد عليه بصوته الباكي: شلون شلون ما لي ذنب كل شي مني
ضحك بسخريه على نفسه : غبي دايم ما انتبه لنفسي اخر ذكرى متهاوش معه على سبب تافه ،وقت عصبيه
تيام بحزن؛ ولو قضاء الله وهذا المكتوب لاتحزن
جاهم محمد و ابو محم (عبدالعزيز ):
وقف هزاع يجلس ابوه على الكرسي : سلامتك يالغالي ماتشوف شر، ابو محمد (عبدالعزيز): مني بخير دام ولدي بالمستشفى ، عايض : خلاص ان شاءالله مافيه شي وانتم متحطمين ،فزو كلهم من طلع الدكتور ينزع القناع من وجهه ابو محمد (عبدالعزيز) : بشر مافيه شي
ابتسم الدكتور: الحمدالله نجحت العمليه والمريض مافيه الا كسور خفيفه في يده ، ابو محمد (عبدالعزيز )رفع يدينه: الحمدالله الحمدالله ،و سجد سجود شكر ، ابتسم هزاع وهو يمسح دموعه بكم ثوبه ويحمد ربه ، محمد ببتسامه: شكرا يعطيك العافه نقدر نروح نشوفه ، الدكتور : ايه بس ننقله للغرفه وابشري
~
دخلو عليه ابو محمد(عبدالعزيز) : الحمدالله على السلامه ياولدي جعله فيني ولا فيك ، سيف وكله تعب : الله يسلمك يابوي ،تحمدو له بالسلامه ،،تقدم هزاع يمسك كف يده تكلم بندم شديد واضح من وجهه: اسف ياخوي اسف يا عضيدي اسف ياسيف اسف ياسيوفي ، سيف سكت وصد وجهه بزعل
هزاع: سيفوه عاد اعتذرت وش تبي بعد
سيف: بوس راسي وقول اسف عشان افكر اسامحك
هزاع ضحك : ماطلب شي ، باس راسه : اسف يادنيتي
ابتسم : ثاني مره لا تزعلني وبعدين زين سيارتي انعدمت
هزاع: حاضر اوامر ثانيه ، هز راسه بنفي : لا
عايض: بطلع اعلم امي تلقونها تحاتيه
تيام: بطلع معك ،قبل مايطلعون تكلم سيف: لا تنسون ابي هدايا و اكتبو الحمدالله على السلامه سفسف
ضحكو كلهم. ، محمد قام: ابشري الحين اجيب لك هديه مكتوب عليها سفسف ،
ابو محمد (عبدالعزيز) :اجل بشوف اذا يطلعونك او لا قم يا هزيع معي ، سيف كشر: اجل تتركوني لحالي
ابومحمد (عبدالعزيز) : محد ما كلك
~
طلعو يدورن الدكتور
ابو محمد توجه للاستقبال لمح اخوه حسين هناك لف على هزاع: هذا مو عمك حسين
هزاع : الا هو. بس وش تبي منه
ابو محمد: امش بس ،توجهو لحسين يسلمون عليه :سلامت عسى ماشر. ، لف حسين يبتسم : جاين نشوف شيوخ الا عبدالعزيز وش تسوي هنيا ، (عبدالعزيز ): الدلخ سيف مايعرف يسوق وصار عليه حادث ، حسين: الله يهديهم العيال ذيه الفتره يسرعون وهنيا فيه صعدات ونزلات ،ابو محمد : الله يهديهم ،لف يشوف الي واقف شوي بعيد : شموخ شخبارك ، هزاع من سمعه اسمها قلبه مو معه طالع فيها ذي نفسها شموخ الصغيره ذي محبوبة الطفوله ، شموخ اول ما شافت وجهه عرفته على طول،قالت واهي ماكلها الخجل وبصوت قصير: الحمدالله
ضحك ابو محمد (عبدالعزيز ) عرف انها مستحيه وهو عارف قصتهم او بالاصح كلهم عارفين : يلا بروح اوقع على الخروج ،
-
جالسه بملل طفشانه تستنى احد يجيها دخلو ابوها وشموخ
يسلمون عليها
شيخه: وين امي وعمتي ماجو
حسين : والله يابنيتي امش تعبانه شوي وماقدرت تجي واحنا جينا نطلعش ، هزت راسها ببئس: تمام
حسين: الا وينه حفيدي ماشوفه
شيخه ببتسامه: ايه اخذوه مدري وين اخذوه اتوقع يسون له تحاليل ، سكتت من دخلت الممرضه ومعاها صقر
تحطه على سريره وتطلع ، اخذه حسين وهو يحضنه
: ياقلبي صغير ،جلس حسين يلعب معه وشموخ توجهت تجلس قريب من شيخه: شيوخ وش فيه وجهش كذا فيك شي ؟!!، هزت واسها بانفس مافيني شي،
شموخ بأصرار : الا فيش اكيد مزنتوه ماتترك لسانها وش مسويه بعد ذيه المره اهرجي
شيخه ماصدقت احد يسألها طلعت كل ال بقلبها :طفشتني طلعت روحي بس تهرج علي وتسب من ورا التريلات
وبعض المرات تقولها بوجهي ماسويت لها شي
كانت حليله معي لكن سبحان من غيرها بيوم
وليله صارت بس تسب فيني
شموخ:كيفها خليها تهرج اهم شي متفاهمه مع رجلش وعايشه حياتش ،شيخه:بس هي تخرب حياتي
شموخ : ماعليك منها قومي بس تجهزي الحين نطلعش وتجين البيت وتستانسين وانتي كئيبه
شيخه تنهدت بضيق :تمام
-
العصر ببيت عبدالعزيز
جالسين كلهم بالصاله ووسطهم سيف
سيف بتصنع الالم: اخخ يارجولي تعور يمه سوي لي كبسه
ضحكت العنود: تتمسكن عندها انت
ابو محمد (عبدالعزيز): وين كبسه نبي نروح لبيت عمك حسين نتقهوه ، لف على عايض يطالع فيه ويكمل كلامه
: ونخطب لعايض ، ابتسم عايض بتسليك ماعرف كيف يتصرف
غزيل طالعت فيه وضحكت: بس لاتنسى الواني
عايض: معليك مو ناسي اذا رحنا اجيبه لك
سيف : الا يبه كيف راح تودوني؟!تشلوني ولا؟؟!!
ابو محمد(عبدالعزيز): وش نشيلك رجال شكبرك
تيام: لا تستهبل انت وكشتك نجيب عربيه وخلاص
-
بيت حسين
بعد ما رجعو من المستشفى
جلسو البناه عند شيخه بعد ماجابو لها سرير ورتبو لها للمكان
ريم: ايوه قولي كيف كانت الولاده صعبه توجعتي ؟؟!!
شيخه: اكيد مجربتها وتسأل
سلمى: حبيبتي يوجعك شي تبين شي ترى انا تحت خدمتك
جواهر: كلنا تحت خدمتك يا مدير
شيخه : غصب عنكم
شموخ جالسه معهم شارده الذهن تناظر للباب
نيال ضربت سلمى بخفه ل تشوف شموخ
نيال بهمس: وش فيها ذي وش تفكر فيه
سلمى بنفس الهمس : وش تفكر فيه اكيد تفكر بفارسها وانت شكو خليها تفكر وتتخيل ترى الخيال حلو "وقالت بصوت طبيعي بحماس" الخيال حلو تتخيلين اي شي تبينه تتخيلين فارس احلمش والمواقف الي تصير الخيال عالم جميل ،قطعت هرجها ريم وهي تتكلم بضحك : اقول انت وش شكل فارس احلامش احسه شين مثلش
سلمى كشرت : ماشين الا وجهش وانتِ ليه ماتقولين بس انا اقول يعني عشان تفضحوني عند امي وابوي دزو بس
ريم: حبيبتي انا ليه اهرج وهو موجود
جواهر ونيال بحماس: من هو؟؟؟!!
ريم قلبت عيونها: الحين وش يفهم الحمير
سلمى ضربت كل وحده براسها: ليش عندكم دماغ اكيد تقصد سلتان قلبها ،قرصتها ريم من خصرها : ياكلبه اسكتي
سلمى بوجع: يا بنيه عشان يفهمن تعرفينهم حمير
"كملت بتهديد" بوش ذي القرصه ياحيوانه اذا ما خليتش ترجعين لسلتانش مشوهه ماكون سلموه
جواهر: من سلموه غسلت يدي منك
شيخه بنزعاج: وليه ما تتهاوشون برا ترى ازعجتوني و ازعجتو ولدي ،
وقفت ريم تجلس جنب شموخ تناظر عيونها: وش تفكر فيه
صحت من شرودها : هلا وش مافكر ب شي
ريم غمزة لها: اعرف ترى من ماخذ بالش وانتِ ماخذه باله
واضح عليكم الشوق يا حبايبي
ضحكت بتضيع: من من الحبايب بس روحي لسطانش
يبيش احساس يقول انه هيمان عليش واجد روحي اه ماحبي اشوف اخوي كذا
ريم بتقليد : وانا ماحب اشوي اخوي كذا وهو بعد هيمان عليش وايد له فتره طويله ما شافش
قطت معهم سلمى: وانا محد هيمان علي وايد مافيه حبيب
ريم: جايك الدور ياحبيبي لا تتحمس
سلمى : واي تخسون اتزوج
جاهم فايز ولد ريم يجلس بحضن امه بزعل :ماما
ريم :عيون امك وش. بغيت ،ضحكت نيال بخفه:سبحان لله تغيرت نغمت الصوت ،ريم تنرفزت :اصه بسمعه
فايز لف على امه يحضنها ويقول:ماما من وين يجون الورعان ليه جبتو هذا "اشر على صقر" مو حلو انا احلى
شيخه :هي انت عن الغلط هذا ولدي اطنخ منك
صغر عيون بعصبيه :اذا هو ولدك الصدقي من وين جبتيه؟؟! انتِ ثلقتيه
،تقدمت سلمى تشيله :وهذا السؤال حير العلماء
شيخه:مالك شغل اذا كبرت راح تعرف مو الحين
بكى وقام يضرب برجوله على سلمى:مابي مابي بعلف الحين
ريم :ماعرف اذلف بس روح لبوك يعلمك
ضحكت شموخ بخبث: يعني ماتعرفين اجل كيف جاء فايزوه ،ركض فايز لامه يمسك وجهها بكفوفه الصغيره
:ايه ايه من وين جيت انا
ريم طيرت عيونها ورمت عليها الجزمه:انطمي وانت جيت مني ،
عقد حواجبه : كيف جيت منك
ريم: استغفر الله روح اسأل ابوك ترى صدعت فيني
فايز :زين بلوح لبابا ،وركض وهو يطلع برا
دخلت عليهم الهنوف: قومو جهزو القهوه و الشاي عمكم راح يجي ،نيال: يلا يلا اوقفو شيوخ يلا ساعدنا
خزتها شيخه: حبيبتي انا نفاس وش اساعدكم فيه
الهنوف: لا عن الهرج بسرعه ترى بالطريق
كشرت نيال: الايام بيننا ياشيخه ،طلعو البنات يجهزون
وجلست الهنوف عند شيخه : هاه يا شيوخ كيف الوضع مع ام سالم
شيخه: اروح لها كثير لانها تدور المشاكل من اتفه الاسباب
الهنوف : لا الله الا الله وش فيها ذي
نزلت راسها وقالت بحزن : ولا تحاول فيه يتزوج الثانيه تقول بزوجك حور احسن منها قهرتني ودي لو اني ذبحت*ها
الهنوف: ماعليش انتِ دام سالم مو مهتم لكلامها عادي
لقت عليها: مو مهتم لكن بالمستقبل يمكن تقنعه
قربت تمسك وجهها وتمسح دمعتها وقالت بحنيه: ياحبيبتي
سالم رجال اعرفه ماراح يسويها
انسدحت على رجول عمتها :ماتدرين يمكن يسويها الرجال مالهم امان
جلست تلعب بخصلات شعرها بخفيف: ماعليش اعرف سالم رجال كفو لاتخافين بعدين هي ليش قلبت عليش ؟!
تنهدت بحزن: من يوم عرفت اني حامل بدت تتغير معي
حزنت على حالها:ماعليك يابنيتي ان شاءالله ترجع نفس اول
-
بالحوش
كانو العيال بس موجودين جاهم فايز يجلس جنب ابوه
ويهز سلطان : بابا بابا من وين جيت بثلعه علمني
سلطان الي كان يشرب قهوته: من البقاله اشتريناك
غيث الي دخل معهم بالسالفه: ايه ايه كان عندك اخت بس باعوها
فايز بفرحه: يعني اقدر ابيع ذيه صقر
سلطان انصدم من فكرت ولده وبعصبيه : وش تبيعه مالك شغل فيه ولا غيران
فايز نزل راسه بحزن يمسح دموعه : لانكم ما تهتمون فيني
بس جالسن عند صقر حتى انت وماما
حك راسه بورطه مايعرف وش يفعل: خلاص يابابا انت لكن اكيد راح يهتمون فيه لانه توه صغير
وقف فايز يمشي بحزن يتوجه للداخل
عزام لف لسلطان : ليش تعصب ماقال شي دايم تفكير الورعان كذا ليش تهاوشه
سلطان: ياخي طفشنا ب سالفت صقر
عزام: يابوي غيره طبيعيه لانه كان اول حفيد ومدلع
سلطان بدون اهتمام: ماعليك الحين ينسى
~
اما بالداخل عند فايز الي دخل وهو حزين توجه لغرفتهم
يفتح الدرج يجيب كيس بقاله : انا برجع للبقاله مايحبوني
جمع كم لبس وجزمه يدخلهم داخل الكيس ويسكره
: هم مايحبوني بلوح لختي ، طلع من الباب الخلفي يتوجه للبقاله بدون محد يدري عنه
-
عند البنات
ريم جالسه معهم وعندها احساس انه فيه شي لفت على البنات : شفتو فايز ؟؟!
شموخ : اكيد عند سلطان وين يعني بيروح
ريم : مدري احس بشي يقول انه مو بخير
سلمى: ياشيخه مسويه نفسها احساس الام ومدري وش مافيه الا العافيه تلاقينه يلعب او نايم
شيخه ابتسمت : يعني حتى انا بعيش احساس الام بالمستقبل
نيال ضحكت: اما مستانسه عشان الشعور
وقفت سلمى: بروح انام مصدعه لا تصحوني الا باليل
نيال: ماعليش محد جايش
-
ب احد شوارع الديره يمشي مايعرف وين يروح ولا وين يتوجه ......
_________________________________
بارت العيد 2950 استمتعو🫶🏻💜