أنتِ الشموخ الزين وأنتِ مهابهـ..

Part 32

تحت بالشارع
رمى زقارته بالارض يدعس عليها برجله يدخل جوالها بجيبه يدخل للفندق
يوقف عند الأصنصير يتثاوب بنوم يصعد لدور جناحهم ، ينفتح باب الأصنصير
يطلع منه يرفع نظره يقشعر جسمه من نظرات العامل لها
يتقدم بخطواته السريعه ناحيته يسحبه من ياقته بدون اي كلمه منه يضربه بُقس بقوه على وجه تفقده توازنه لثواني ،يستغل عدم توازنه يطرحه على الارض ، ينهال عليه بالضرب
البارح مايترك له متنفس
الفتفت تناظر بصدمه تشهق بخوف من المنظر كيف ومتى جاء ،ترتجف يدينها برهبه
العامل شبه مغمى عليه فزت بخوف من لاحظت نزف ولون احمر
بلعت ريقها  تلفت تدور احد يبعده ، اخذ نفس تستجمع شجاعتها ولو بداخلها خوف ولكن المهم ماتحصل جريبه
تقدمت تغمض عيونها  بشجاعتها خايفه يصير عليه شي ، تحاول تبعد هزاع عنه
يكمل ضربه والغضب معمي عينه "كيف يتجرا ويناظر لها كذا " ، مايهتم لها وكانه مو بوعيه صرخت بخوف من اشتد ضربه عليه : بتذبحه فكه فكه!!!!
رجف قلبه من نبرتها وكانه رجع للواقع يحس بكفها على كتفه يغمض عينه بحقدد وغليل اكبر يزداد عنه شك انها هي انهار عليه بالضرب وكيف ولان تأكد تأكد نظراته لها يعض شفته بقهر مايهتم لها يرجع يضربه باقوى مايملك ماجعل العامل يصرخ بقوه
تسحب كفوفها تغطي اذونها من صرخته تغمض عيونها برعب مو صحيح الي قدامها بشري!! ، الفتت من طلعو غيث وعزام مصدومين من الصوت تتسع عيونه ينطق عزام : هزااعع وش تسويي؟؟!! ، يتوجهون له بسرعه يبعدونه عن العامل بقوه
يناظر لع عزام ينطق بعصبيه : شفيكك انت انجنيتت؟!!!!
فك هزاع نفسه منهم بقوه ينطق بحدهه وعصبيهه يغلي الدم بداخله : قول لذي طالعه بتالي الليل شعراها باين والعبايه مفتوححه ليشش لبسته اذا كذاا!!!!! ولااا نظرات العامل الكل**ب تعدل لبسها ولا مايصير خيرر
ضحكت بصدمه من كلامه وكيف يقول عنها كذا ولو انها حيويه لكن كلامه عنها تنطق بحده : هي هي هي من شايف نفسك عشان تهدد هاه مالك دخل فنين
ناظرها عزام بحده وصدمه من عصبيتها ينطق : شموخ خلاص ادخلي واتركينا
التفت لها غيث ينطق قبل تتكلم : ياشموخ روحي احسن لش ، مد ذراع يأشر لها على الباب ينطق : يلاا ، كشرت شموخ بقهر تمشي بغضب تنطق بهس : انا ليه اتدخل من الاساس خل يروح بستين دايه ،  تدخل تسكر باب الجناح بقوه وغضب ترمي عبايتها على الكنب
تشوف جواهر ونيال واقفات بالصاله ، تقدمت تجلس على الكنب بدفاشه غير عادتها
تصد عنهم ،
نطق جواهر : وش صارر؟!!
نيال : صوت ضرب وهواشش ليششش؟!!!
نطقت شموخ بقهر : هزاعوه مسوي نفسه ابوي يهاوش على عبايتي ومتضارب مع العامل وعع
ابتسمت جواهر تضحك بقوه وتضحك خلفها نيالل مباشره
تنطق : ماتوقعت كذا ياعمري يغار عليش
ناظرت لها شموخ بحده تنطق : اسكتي يعع الحيوان هاوشني ... مو ابوي ولا اخوي ليش يهاوشش اففففف عكر مزاجيي ، وقفت تتجه ل غرفة نيال تنطق : ابي انام عندش مالي نفس ارجع اطلع
-
نرجع للخارج
واقف بتنفس بقوه لو ماجو كان انهى عليه  يناظر لهم من كانو جالسين بجانب العامل يتفقدون   نبضه
تنهد عزام براحه ينطق : الحمدالله باقي حي ، رفع نظره ل هزاع يوقف يتركه. يتقدم بخطواته تجاهه ينطق : انا للان مو مصدق انك تسوي كذا ... وش جاك وين هزاع الهادي
عقد حاجبه ينطق : عزام لا تتجني مستحيل تشوف نظراته وتسكت لو علي ما خليته يشوف
ضحك غيث ينطق بمزح ك عادته : يعني تخلي اخر شي يشوفه شمو... ،سكت بتوتر من نظراتهم له يحك راسه يعرف انه جاب العيد ينطق يغير الموضوع  : ناخذه للمستشفى؟
صد هزاع عنه يمشي لجناهم ينطق : مستحيل اخذه ،
ناظر غيث ل عزام بعد ما دخل هزاع ينطق : اسلم يسوي مصيبه واحنا ناكله
تنهد عزام بقل حيله ينطق : انا يدينه وانت رجوله ناخذه ل اقرب مستشفى
-
"الصباح"
صحت بنزعاج من صوت عمتها
ساره : شموخ جواهر نيال يلا يلا
فتحت عيونها رفع نفسها تناظر لجواهر ونيال النايمات ، رعت نظرها ل عمتها ساره
تنطق : معليش عمه انا اصحيهم
هزت راسها بالاجابه تنطق : اسرعي ترى جدش مره معصب ، وقفت تطلع من الغرفه
~
تنهدت شموخ بتعب تسحب علبت المندل ترميه على نيال تفز بخوف من نومها تلتف يمين ويسار تنطق : وش ذا؟؟
ابتسمت شموخ تنطق : يلا  اصحي  والي جنبش متى نامت ؟
رفعت نيال اكتافه بعد معرف تنطق : مدري اتوقع بعد الشروق
وقفت شموخ تاخذ عبايتها تلبسها وتاخذ عباية جواهر بيدها تتوجه لها ، تمد كفوفها تهز كتفها بقوه : جواهر جهيرر اصحيييي
تأففت جواهر تقلب الللجهه الثانيه تنطق بنعاس : اصص ابي انامم
سحبتها بقوه من السرير تنطق : عاد يلاا نامي بالسياره
كشرت جواهر تعدل نفسها تجلس على السرير تسحب عبايتها من شموخ تليسها بغضب  تلف طرحتها بعدها تلبس النقاب توقف تمشي شبه نايمه تطلع من الغرفه للصاله تتجه للباب تفتحه تصتدم بجسد صلب
تفتح عيونها تمد كفها تفرك عينها اليمنه تنطق بتضجر : وجعع
رفعت نظرها له تعبس بوجهاا تصد تنطق : اعوذ بالله
ضحك غيث  يناظر لها ينطق : ليش شايفه جني ؟؟
قلبت عيونها بملل تنطق : ياليل ، رجعت نطرها له : خير تناظر
ابتسم لها ينطق : ابعدي بدخل
تنرفزت من ابتسامته تبعد تستغفر بهدوء ، قبل تطلع سمعت نداء شموخ لها تلتفت لها
توجهة لها شموخ ترفع فستانها تطنقر: نسيتي فستانش
شدت على يدها بقهر تحس برتباك وخجل من كان غيث للان بالصاله ويسمع صدت عنها تطلع مسرعه ،  استغربت شموخ صدها تلتفت ل غيث كاتم ضحكته
ناظرته بشك تنطق : شفيها؟!!
رفع كتوفه بعدم معرفه وعينه على فستانها ينطق : مادري ، هو الاخر يصد عنها يضع كفه على عيونه يضحك بخفه يتذكر امس وهي ماطلعت من باله
عقدت عاجبها شموخ بستغراب من ضحكته تنطق بهمس : غبي
يسمعها ينطق قبل تخرج ينرفزها ويرد عليها : انتبهي لا يطلع شعرش ويجي الغيور
عضت شفتها بقهر تخرج
-
بقصر ال فهد
جالسه لجانب اختها تلعب بجوالها بملل تمنت لو كان مرسل لها
ناظرت لها بتول وكانها عارفه بما يدور بفكر اختها تنطق بضحك : ما ارسل لك؟!
ناظرتها اديم تنطق : لا
رفعت حاجبها بذهول : غريبه مفروض يصبح عليك اشوفه ما اعطاك وجه
نطقت اديم : بتول اسكتي ترى مقهوره
ضحكت بتول تنطق : على قلبي المقهورين
نزلت نظرها ل جوالها من رن  تفز توقف  ضحكت تنطق : هذا هو يتصل ... بروح اكمله
سحبتها بتول قبل تطلع تنطق : وجعع اجلسي هنا بسمع وش يقول
-
بغرفة الجد فهد
جالس على سريره يقراء اذكاره ، طرق باب غرفته يدخل سلمان ينطق : يبه خلصت؟
هز راسه الجد فهد بالاجابه يسكر كتاب اذكاره ينطق : تعال
تقدم سلمان يغلق الباب خلقه يتجه يجلس بجانب جده ينطق : ابي اكلمك بموضوع مابي احد يعرفه حتى ابوي
بانت على ملامحه الاستغراب ، ينطق : تمام
شبك اصابع يدينه ببعض ينطق : جدي انا بخطب
ضحك الجد بستغراب وصدمه : تخطب؟!! شفت اديم وعجبك الوضع
ناظر لجده يبتسم : يمكن
الجد فهد : وابوك مايعرف ليش؟
سكت ثواني يفكر ،هل يتكلم لجده ويقول السبب؟ و اذا تكلم هل بيوافق جده ويقبل بهذا الامر ؟ ، ينطق : اقول لك و حنا بالطريق
عقد الجد حاجبه : وليس بطريق؟ مو هنا ؟!
هز راسه بالنفي ينطق ب ابتسامه : لا حائل
ينطق الجد بصدمه : وش وداك لهم ؟
وقف سلمان ينطق : يايبه الموضوع كله بالسياره اقوله مابي تغير رايك ... الافضل نمشي اليوم
-
الليل
"الديره " بيت حسين
يميل للهدوء اغلب انوار البيت مطفيه مجتمعين بالحوش الخلفي
كل عاده حمد منغمس بالاوراق و بجانبه غيث وكانه يساعده
ناظرتهم شموخ تضحك على اشكالهم تنطق : اشكالكم تضحك
نطقت نيال : ايهه يعني عندنا شغل وكذا وهم مايدرون عن شي
تنهد حمد بنزعاج ينطق : كله هرج هرج هرج شوي ناخذ راحه اخرسو ... الله على جوجو صيرو مثلها مابه صوت جالسه كذا
رفعت نظرها جواهر لهم من ذكر اسمها تبتسم بخفه : مرتاحين اجل
نطق غيث ليستفزها : ايهه راحه
صدت عنه ماترد عليه تلزم السكوت ، ضحكت شموخ بصدمه تنطق : لااا كذا كثيرر
تضحك نيال تنطق : ماتوقعتت
وقفت جواهر ماترد عليهم تتوجه تدخل للداخل وتذهب لغرفتها
~
ناظر حمد بصدمه ل غيث ينطق : قلت لها شي؟!! مزعلها بشي؟!!
هز راسه بانفي ينطق : لا والله انا مصدوم بعد
ناظرت له نيال تنطق : واضح واضح
-
الصباح نزلت جواهر للصاله الاغلب نايم الا اجدادها وامها
توجهت تجلس معهم بهدوء ، ناظرتها الجده نوره تنطق : غريبه جواهر قاعده
ابتسمت جواهر تنطق بمزحه : شرايش فيني صرت زيكم
الجده نوره : بسم الله عليش
رفعت نظرها نجلاء (ام سلطان) : احساسي انش ما نمتي
جواهر : لا ابدا شوفي وجهي منور و مفقع نوم
دخل حسين شايل اكياس الفظور ينزلهم على الارض يرفع نظره ل جواهر ينطق : اهمزي حنان عبدالله برا يبيها
هزت راسها بالاجابه تقف تتوجه مسرعه لغرفة حسام وحنان ب الطابق العلوي
تطرق الباب بقوه تنتظره دقايق لحد ما فتحت حنان الباب لها
جواهر : ساعه ساعه؟!!!
نطقت حنان بصوتها الناعس : نايمه
تنهدت جواهر بملل تنطق : ماعلينا عبدالله تحت ينتظرش البسي عبايتش وانزلي
هزت راسها بالاجابه تغلق الباب ، وجواهر نزلت ترجع لللصاله
-
دخلت تاخذ عبايتها مسرعه تعتقد امها حصل لها حاجه او من ذا القبيل
نزلت مسرعه تطلع من البيت ترفع نظرها لسيارة عبدالله تتجه تركب بالخلف
بالمقدمه امها تنهدت براحه تنطق : احسب فيكم شي
ابتسمت سارا تنطق : بسم الله علينا ... من الصباح ننتظرش
حنان : ايهه يا امي نايمه احد يطلع بالقوايل ... انت فيك شي؟
عبدالله حك راسه بتوتر ينطق : لا ، سكت يرفع المكيف ل اعلى بروده
هو الان بعد تفكير الامس و باي لحظه بيجيه طفل قرر يعلم امه واخته يكون عليه اهون من يكونو اثنين
~
ما اخذ وقت طويل يستوقف سيارته امام بيت مجهول
تلتفت حنان بستغراب تنطق : وش ذا ؟؟
نطق بهدوء تام عكس داخله : بيت انزلي
ناظرته بستغراب من فتح الباب ينزل تمر ثواني على نزوله بعدها تنزل خلفه
يتقدم يفتح الباب يدخلون خلفه ، تناظر البيت بهدوء تستغرب وش جابهم وقف بالمتصف ابتسمت سارا تناظر له تنطق بفرح : بيتك؟؟
ابتسم على ابتسامتها يناظرها  ينطق : ايه ، بيتي
ناظرته حنان تبسم بفرحه و تلتفت تتأمل البيت" مستحيل هذا ذوقه هذا بيته كيف كذا "
تمشي مع امها يدرون ببعض الاماكن ولا يدخلونها كلها
تنهد يناظرهم  بعدها يشتت نظره يدور عليها بتوتر داخلي مايظهر على جموده الخارجي
وابتسامته
تقدمت حنان عنده تنطق : البيت يجنن ما شاءالله ، مرتب مره
ساره : ماشاءالله تبارك الرحمن يجنن
التفت الكل على صوت انوثي جاي من السلم : عبو...
سكتت بصدمه تناظر لهم معقوله سواها بدون مايقول لها ما توقعت انه اليوم ماتجهز نفسياً
توتر من نظراتهم لها وصدمتهم واضحه تحاول تمسك دموعها
عض شفته عبدالله يغض عيونه بقهر ماكان يبيها تطلع بذا الوقت ينطق بداخلها  " اصلا انا الغلطان نسيت اقول لها"  ،
شهقت سارا بصدمه تتسع عيونها بذهول ترجف يدينها تلتفت لعبدالله تنطق بشبه حده : عبدالله من ذي؟!!! وش تسوي ببيتك ... عبدالله؟!!!!!!
ضحكت حنان بصدمه كانت شاكه فيه ومن قبل تدور وراه ولكن اشغلها زواجها عنه من خفيفه صدمتها عن امها 
سارا نزلت نظرها لبطن هتيف الباين ، تشنق من جديد تحس بدوخه فضيعهه تمسك الكنب تنطق : لا لا لا لا ... بحلم انا ... وحاملل بعددددد!!!!!!
رفعت هَتِيفْ نظرها ل عبدالله تمسك دموعها بالقوه
بادلها عبدالله بنظراته لها مو قليل عليه خوفه من خوفها ، مد يده يمسح وجهه بشتت  يحاول يهدي نفسه ويبين الجمود ينطق بهدوء : زوجتي ،هَتِيفْ
انهارت سارا على الكنب تجلس تغطي وجهها بديتها تبدا بالبكاء تنطق بين شهقاتها ودموعها تنطق : متزوجح متزوجج ، تبي تذبحني تبي تذبحني؟!!!!!!
تقدم بخطوه مصدوم من حالت امه ينطق : يمه
دفعته حنان عن امها بقهر وكره تنطق : ابعد عنهاا ، تتقدم ل امها تحضنها تمسح على ظهرها  تنطق : يمه يمه
رجع نظره عبدالله ل هتيف يتركها خلفه يتقدم ل امه يجلس على ركبته يرفع يدينه يبعد كفوفها عن وجهها بعدها يرفع راسها ينطق بنكسار : يمه تكفين اسمعيني اسميعي اسبابي
مسح دموها بكفه يحتضنها بقوه : يمه تكفينن اسمعينييي
رفعت يدينها تبادله الحضن تنطق بخذلان : كسرتني كسرتني ياعبدالله خذلتني نهاية ثقتي فيك وقول رجال وادافع عنك قدام ابوك ياما هاوشني ياما كان يضربني وانا ساكته متحمله عشانكم
انهلت دمعته ماقدر يتحكم بها ابوه ابوه يضرب امه شد على كفه بقهر وحقد كل يوم يكبر ب اتجاه ابوه ، ابتعد عنها ينسك وججهاا بكفوفه : اسفف اسففف ، اقترب يقبل راسها ويدينها مره ومرتين  يكمل كلامه : اسففف سامحني انتِ الي باقيه لي تكفين وابوي والله ما يلمسش
ولا ياذيش مره ثانيه وانا باخذ حقش منه بس تكفيننن اسمعيني
ل اول مره عبدالله يتاسف من احد ويطلع مشاعره ، رفعت نظرها ل هتيف الواقفه بالخلف بعيده عنهم ، ماتبيها تشوف زوجها بذي الحال بتذلل يذل نفسه قدامها وخذلان تنطق : بسمعك بسمعك اجلس جنبي
ساعدته يوقف يجلس بجانبها تنطق ل هتيف : وانتِ اجلسي يابنتي
تقدمت هتيف بخوف وخجل منهم تجلس بالكنب المقابل لهم
صدت حنان بقهر تجلس بالكنب الثاني تضع رجلها فوق الاخره وترفع نظرها ل هتيف نظرات كلها حقد وقرف
نطق عبدالله وكفه مشابكه بكف امه : هتيف اخت ناصر خويي تعرفينه
هزت راسها بالاجابه ، يكمل بصوت خافت لكي ماتسمعه هتيف وتنجرح
: تعرفين ابو ناصر مو الي يهتم ب اهله ويهنهم ويضربهم وانا قد دخلت معه شراك بتجاره وهو دفع راس المال وخسرنا ، ومره جيت لهم بالبيت وبالغلط دخلت وشفت ابوها يضربها
وهينها وكنها جثه قدامه ماقدرت اتمالك نفسي وانا ادري اني غلطان بعدته عنها لان مستحيل اسكت وانا شفت ، سكت لحظات بعدها اكمل : و هددتي اني شفت بنته يا اني اتزوجها ويطيحه الدين الي علي او انه ارجع له فلوسه الي خسرها واكيد انا مو معي ومستحيل اسكت على حركاته وضربه ماكان لي وجه اكملك واقول لك السالفه خفت ماتقبلي ويوم تزوجتها خفت اعلمكم و... الحين حامل مستحيل مقدر اخبي عليكم
يسكت يبلع ريقه برجع ظهره على ورا يسنده على الكنب ينتظر ردت فعل امه والي كانت صادمه له ، تنهدت سارا بقل حيله ماتقدر تقول حاجه خلاص هي حامل ولا تبي تخرب بيت ولدها ويطلقها حزت عليها من ابوها ترفع نظرها تبتسم بهدوء تنطق بهمس له
: معليه ياولدي عانت كثير ماني شايله بخاطري الا انك ولدي كان ودي افرح فيك وبعرسك
مثل كل ام لكن ذي قسمت ربي لي لا بولدي فرحت ولا ببنتي فرحت ربي ياجرني
حزت بخاطره كلماتها وكانها
تكمل كلامها كي مايتكلم ويتاسف مره اخرا. ترفع نظرها ل هتيف تنطق : اعتبريني مثل امش
ابتسمت هتيف بود ماتعرف كيف اقتنعت و ايش قال لها عبدالله لكن المهم عندها انها تقبلت
ضحكت حنان بسخريه ثم توقف بغضب تنطق : تجيبنا وتحطنا بالامر الواقع ولا يقول هذا بيتي وذي زوجتي؟!!! وتقول القصه الحزينه عشان نشفق ونتقبل ما اخس منها الا انت!!
وقف عبدالله بغضب ينطق : حنانن!!!!!
رفعت نبرتها اكثر تنطق بحده : عبدالله ترى مو اطفال جايب وحده مدري من وين هابه ولا بعد حامل ، سكتت تبتسم بسخريه تنطق بهدوء نبرتها : ويمكن بعد كاذب مو زوجتك
تتسع عيونه بغضب ينطق : والله لا ادفنش هنا ، ناظرتها ساراه بصدمه تنطق : حناننن !!
وبسرعهه منها سحبت شنطتها تطلع مسرعه ، يطلع خلفها عبدالله ونيران العصبيه بعيونه
سكب كتفها يضربها بالجدار يقف امامها : وش الكلام الي سمته ؟ تبين اذبحش؟!!!
ردت بصرامه وقوه : رمها ابوها عليك رخيصه تعلقت ب اول و... ، تسكت من ضربها كف يحمر بها خدها ينطق بين رص اسنانه : لاتسوين نفسش ترى حتى انتِ كذا زواجك من حسام ايشش!!! حسام خالي الي غصبه حسام مايبيككككك فرققق انا الي اخترتها بس حسام ما اختارك ، صد عنها يدخل يتركها واقف مكانها ، هي انعمت عن حقيقتها نست كيف كانت نزلت تجلس على الارض تحضن نفسها بهدوء من بعد كلامه افكار كثيره داهمتها ، نزلت راسها تبكي ، هي نفسها فعلاً ابوها تخلى عنها صدق كذبه ان قالت عليها
و تزوجت وزوجها مايبيها هل فعل هو يحبها ً!!! او يمثل عليها فقط ،
~
انهارت هتيف من بعد ماسمعت كلام حنان الجارح وهي من قبل تسمك دمعتها
واقفه عندها ساره تحاول تهديها ، التفت من دخل عبدالله  تنطق : وين حنان
تنهد بقهر يحاول يخفي غيضه وقهره : خليها شوي تعرف غلطتها ، تقدم يجلس على الاريكه  وكانه مايشوف حالة هتيف ينطق : امي ترى تجين تسكنين عندنا ابوي ماترجعين له دام يمد يده يحلم يشوفش
ناظرته سارا بحسره  انها اعترفت تنطق : لا لا لا مابي اضايقكم
وقف يتقدم لها ينطق : يا امي انا مجهز كل شي لش تعالي شوفي جناحش كله لش وسويت ل حنان بعد ، ناظرت ساره ثم ناظرت ل هتيف بعناً يشوفها
ميل شفته بعد رضا عن حاله تفهمه امه بنظراته تنطق : يشوف جناحي ، اشر لها على جه تتقدم تروح لها ، وهو يجلس بجانب هتيف يحتضنها من الجنب ينطق : مو هذا الي تبيه مو تبينهم يعرفون اشوف يوم عرفو بكيتي
هزت راسها بالنفي تنطق بين دموعها : لا لا مابي مابيي  ، تنهار اكثر بحضنه تبكي بحرقه
عض على شفته بقهر يمد يده يمسح على ظهرها بهدوء ينطق : اشش خلاص بحل الموضوع معاها انتِ مسحي دموعش وروحي مع امي وسولفي معاها ... وترى ماحب اشوف دموعش ... تمام؟
هزت راسها بالاجابه مالها فر ذي حياتها تنطق بنبرتها المبحوحه : تمام
ابتسم يقترب يقبل خدها ثم يوقف : بروح اخلص كم شغله واجي
~
طلع يشوف حنان للان بمكانها تقدم لها ينطق : قومي ارجعت
رفعت راسها من سمعت صوته تقف بدون كلام تتبعه للسياره
-
بطريق حائل
التفت الجد فهد على سلمان ينطق : الله بعينه لكن ليش تدخل نفسك بمتاهات ياولدي مو زين لك
تنهد سلمان ينطق : ياجدي عادي افهمني انا ابي اساعده مستحيل اشوفه كذت وان شاءالله خيره لي وله
سكت الجد فهد يرفع نظره للطريق ينطق : على الله على الله
-
بيت حسين
جالسه بغرفتها تلعب بشعرها بمللل جواهر مع نيال يجهزون اغراض نيال بتروح عند ابوها
اما هي ماحب جوهم اخذت جوالها تتصل على سلمى ترد بعد عدت مكالمات
شموخ : لا ياشيخه يعني جحده قويه ذي زوجناش مو نسيناش
ضحكت سلمى تنطق : مره لا اتصال ولا شي تعرفي لازم تتصلو علي عشان احي
ابتسمت شموخ تنطق : تعالي بسرعه بنسولف قبل تروح نيال اشتقت للجمعه وقولي ل غزيل والعنود اذا يبون
سلمى : تمام
اغلقت الخط ترمي جوالها على السرير تطلع من غرفتها بحماس تنزل للمطبخ تعد اي شي سريع مع قهوة السوالف
-
بيت عبدالعزيز
وقفت سلمى مسرعه تاخذ عبايتها ونقلبها تلبسهم وبعدها تطلع تتجه لغرفة غزيل و العنود تمر من عند المجلس تستغرب صوت ام هزاع الطالع لكنها تستوقف من تسمع اسم اختها
عقد حاجبها تقترب للباب تقف غلفه تستمع لحديثهم
~
في الداخل
نطقت ام هزاع بعصبيه : انا قلت لك بعد ما نرجع نروح نخطب بنت خالتك
تنهد هزاع بقهر وكل يوم تزن براسه ينطق : يمه خلاص قلت لك مابيها مابيها افهميي
ام هزاع : مو بكيفك انا من زمان قايله لك وذي شموخ ما تاخذها ماتصلح لك
ابتسم بقهر ينطق : ليشش ؟؟ليششش؟؟ اعطيني سبب ... ليه هي بذات ماتبينها هذي اختها انت الي خطبتيها ل عايض هيي ليششش!!
نطقت بحده. : خلاص انا قلت ماتصلح لك انا اعرف بالحريم وش عرفك انت
رفع نظره لها ينطق : تكسريني؟!
هزت راسها بالنفي تنطق : لا انا الي مابيك تنكسر انا اعرف مصلحتك
ضحك بسخريه ينطق : الا تكسريني تكسري قلبي
رفعت اصبعها السبابه بتهديد : اسمعنيي الاسبوع الجاي نروح نخطب وتجي معنا وخل عندك السخافات و الحب و الخرابيط هذي الاشياء مو نافعتك مو كل حب ينجه بالزواج سامعنيي
سكت مايبي يكمل نقاش معاها وهو عارف عدم تغير لرايها ابداً رجع ظهره يسنده على الكنب يتذكر مكالمة سلمان له اليوم وانه طالع لحايل وذي بحالها تهديه ومستحيل يصير الي تقول امه ، رفع نظره لعا ينطق : ابشري الي تبينه مالي بالمشاكل
ضحكت بصدمه معقوله غير كلامه ولا يسلك لها نطقت بشك : متأكد ؟!!
هز راسه بالاجابه : ايهه خلاص الي تقولينه
ابتسمت بفرح : اخيرا اقتنعت ربي يخليك لي الاسبوع الجايي جهز نفسكك
ابتسم لها ينطق : معليكك
نطقت : ابشر ابوك عشان يجهز اشغالهه
-
وقفت مكانها بصدمه بعد ماسمعت كلامهم مقوله بالسهوله ذي يتنازل و امه تكره اختها !! وش سوت لها عشان تكرها مستحيل هي تتعامل معاها بلطف وكانها بنتها وذي مشاعرها ل اختيي ركضت بسرعه تدخل غرفتها بعد ماسمعت خطواتها تخرج
وهي للان مصدومه وكانها تستوعب عدم قبول شموخ ل اي شخص يتقدم لها شموخ اختها تحبهه وهو اخر شي يخضع بالسهوله ذي مايستاهلها
تنهد بقهر وغضب تطلع من غرفتها تتمالك اعصابها من لمحت ام هزاعع
تمشي ما تعطيها فرصه تتكلم معاها تخرج من البيت تتجه لبيت اهلها
-
بغرفة نيال
جالسه على السرير بملل تناظر لنيال وهي تجهز شنطتها واغراضها
تنطق :  كل ذي الاعراض كانش مهاجره ... ترى كلها يومين
ناظرت لها نيال تنطق : ولو عشان ما احتاج شي
جواهر تنطق : الصدق ضايق انش بتروحي
ابتسمت نيال تضحك بخفه : اول مره تعترفي بمشاعرش
جواهر حست بندم رفعت عيونها لفوق تشتتها تنطق : مصدق امزحح معشش
نيال ضحكت بقوه تنطق : لا تفكينن تعالليي ، فتحت يدينها لها
تبتسم جواهر تحاول تخفي مشاعرها وقف تتجه لها تحضنها بقوه ، هي الاخت الي ماجباتها امها جزء منها من صغرهم مع بعض ماقد تفارقو ولا تهاوشو ومع مضاربات غيث وجواهر الكثير الا ان نيال دايم تقف معاها وتساعدها ياما هاوشهم جدهم مع بعض وكل مصيبه جواهر فيها لازم نيال معاها ، شدت على حضنها بقوه تغلبها دمعه واحده تمسحها بسرعه قبل ما تبعد وتشوفها نيال
ابعد نيال تضربها بخفه تنطق : وجعع حسيت اخر مره نشوف بعض
ابتسمت جواهر بمكابره تنطق : انتي فتحتي حضنش و ماكنت بردش
ضحكن نيال تمد يدها تقبص خد جواهر تنطق : وجهش حمرر
صدت جواهر تنطق : ايهه تعبانهههه
رفعو نظرهم من دخلت شموخ تنطقق : تعالو سلمى جت بسرعه
وقفو بسرعه يركضون للاسفل كلهم اشتاقو لهاا
-
بالاسفل
واقفه تحتضن اي شخص امامها من شوقها ولهفتها عليهمم ضحكت على شكل نيال و جواهر ينزلو من الدرج مسرعين لها تسلم عليهم وتحضنهم بقوهه
جواهر : واحشتنيي
ابتسمت نيال تنطق : من تزوجت وهي ساحبه علينااا
ضحكت تبعدهم عنها تنطق : وجعع وجع انتِ وهي اص
نطقت شموخ : يلا يلا مسويه قهوه تعجبكمم
-
في حايل
وقف السياره اما البيت يلتفت ل جده ينطق : هذا بيتهم ... قد قابلتهم؟
هز راسه الجد بالاجابه : ايهه ايههه في عرس سلطان ولد حسين شفته
تنهد بعمق يفتح باب السياره بنزل مع جده يتقدم يطرق الباب
يفتح لهم الباب بعد دقايق ، يعقد حاجبه ينطق : فهد ؟
هز راسه الجد فهد ينطق : الله الله
ابتسم ابو جوزاء بفرح ينطق : ارحب ارحب ، تقدم يسلم عليهم ومن بعدها يدخلهم المجلس
ويضيفهم والابتسامه في وجه : الله حيهم الله حيهم
الجد فهد : الله يحيك يالغالي
ابو جوزاء : عساكم بخير ايش علومكم
الجد فهد : بخير الحمدالله اخبارك انت
ابو جوزاء : ابد والله بخير الحمدالله ... من زمان عنكم ما عاد تسيرو لا انت ولا محمد وحتى عبدالعزيز من راح ماجاء اهقى ماتحبون حايل
ابتسم الجد فهد : الا نحب حايل واهلها
ناظر ابو جوزاء ل سلمان ينطق : شلونك ياولدي
ابتسم سلمان ينطق : بخير الحمدالله
تبدا سوالفهم واخذ اخبار بعض ومابين ضحك الماضي و القصص
~
وبعد ساعات طويله منها
نطق الجد فهد : والله حنا جاين وطالبينك
ابتسم ابو جوزا بنطق : سم امرني
الجد فهد :