أنتِ الشموخ الزين وأنتِ مهابهـ..

Prat8

بسم الله
~
جالس على الرصيف المقابل للبقاله يدخن عقد حواجبه من شافه يمشي ومامعه احد وقف يرمي الدخان و يدعسه برجله وتوجه له :هي فايز وين ابوك؟!
فايز ناظر فيه بعيونه الدموع : م..ما علف
نزل لمستواه يمسح دموعه ب صبعه : شلون طلعت كيف مادرو عنك؟!
بكاء زياده: هم مايبوني يحبون صقل اكثل مني
سحبه يشيله يتوجه يجلس على الكرسي ويحضنه : ومن قالك انهم يحبونه اكثر منك
فايز وقف بكي وقال: قلت نبيعه للبقاله هم ما وافقو
ضحك على تفكيره يمسح دموعه: ياحبيبي انت وش تبي فيه مو اخوك عشان تسوي كذا هو ولد سالم مو ولدك
فايز بزعل من ضحكه لف وجهه بزعل : لكن هم ماصارو يهتمون فيني
ابتسم : معليك تبقى اول حفيد عندهم
ناظر فيه يشوف ساكت يناظر للارض: تبي تروح عندنا تلعب
مع دلال و الروعان؟!
هز راسه بفرح: ايه من زمان ما لعت معهم "كمل وهو منزل راسه "لكن اخاف ماما تهاوشني
ضحك هزاع عليه :يعني امك ماراح تهاوشك انك طلعت بدون ماتدري وراح تهاوشك على جيتك لخوالك؟؟! ياشيخ امش معي
-
عند البنات
ريم جالسه بتوتر : اف ياربي مو مرتاحه
نيال: خلاص ريوم اكيد عند سلطان او يلعب بالحوش لا تتوترين
ريم: مدري مو مرتاحه احس فيه شي
جواهر صبة لها فجال قهوه: اشربي وعيني من الله خير وهو سليم مافيه شي
ريم: تسلمين مابي بروح ارتاح شوي لاني مصدعه
شموخ : سلامتك "لفت على جواهر تكمل كلامها" وانتِ تيه
القهوه ل عمي ليش تشربين
جواهر شرقت ونسال علطول ضربت ضهرها بقوه
تتنفس بصعوبه : يووه نسيت ما صبيت الا فنجال واحد
هو الي معي
شموخ بعصبيه من فهاوتها: قومي قومي وديها يرا
وقفت جواهر تاخذ القهوه: طيب طيب لا تهاوش
حمد طب الباب وقال من ورا الباب : شيخه ترى سالم جاء يبغاش
ضحكت نيال تضربها مع كتفها : شوفي من هيمان عليش
شيخه خزتها: دزي بس
حمد : اقول اذلفو انتو خلوه يدخل على شيخه لانها تعبانه
قامو البنات يدخلون لغرفتهم. نيال كشرت : حيوان وش يبي يجي ،شموخ ناظرت فيها: اصه بتابع مسلسلي
ميال قلبت عيونها: تابعي اخخ وينش ياسلوم كنت تونسني
-
بالصاله
بعد ماطلعو البنات دخل سالم توجه يسلم على شيخه ويشيل ولده بحضنه يلعب معه : هاه اخبارش
شيخه ابتسمت من شافته يلعب معه: بخير الحمدالله انت كيف وضعك صح جالس ببيت اهلك؟!
نزل صقر على سريره وتوجه يجلس قبالها : ايه عنده الاوضاع زينه مو كويسه مره
عقدت حواجبها: ليه وش فيك صاير شي؟!
ابتسم وهو يمسك كفوفها: لا والله لكن الشوق قاتل
ضحكت بخفه: خوفتني بعدين مو بس انت كلنا
سالم : قولي لي وش صار ووش سوا حبيبي ابوه
بدت سوالفهم بينهم ك أب وام
-
‏ببيت حسين
جالسه على اعصابها تنتظره يجي وهي على نار احر من الجمر ،دخل سلطان الغرفه سكر الباب وتوجه لها: هلا وش بغيتي ، ريم فزت : فايز وينه
سلطان مسكها يجلسها ناظر لها بستغراب: مو عندش ؟؟!
غمضت عيونها بقوه تهز راسها بالنفي : لااا قال انه يبي يروح لك
اخذ نفس يهدي يهدي نفسه: ايه جاء عندي بعدين راح داخل لش
ريم: لا ماراح لي وينه الحين ليكون راح مكان م معرفه
سلطان جلس بجنبها : هدي مافيه الا العافيه ان شاءالله
ريم : ابعد بكلم امي ،اخذت جوالها تتصل على امها تعلمها يمكن تساعدها لكن قبل تتصل اتصل عليها هزاع ردت عليه بسرعه : هلا
هزاع : وينك ماتجين تنامين عندنا شوي ترى مشتاقين لك
ريم: هزاع تكفى مو يمك الحين فايز
قطع عليها كلامها: ايه فايز عندي شفته بالشارع يمشي حزين يقول انكم ما تحبونه
رفعت حواجبها من صدمه تناظر سلطان ابعدت الجوال عنها وقالت له بهمس : وش قايل انت ؟!! رفع كتوفه بعدم معرفته ،رجعته : الو هزاع جد عندك وينه وينه فيه شي صار له شي
هزاع : لا لا مافيه الا العافيه بس جبنته يعلب مع دلال
ريم بهدوء : زين جبه اذا جيتو مع السلامه
سكرت المكالمه تلف على سلطان تسكت ثواني ثم تنهار بكي ،سحبها له وهو يرفع فكها : وش فيك ليش تبكي مافيه الا الخير
ريم ببكى : ماشفته وهو طالع طاح قلبي ادوره لو مالقاه هزاع وش نسوي اخخ ياقلبي
سكت شوي : لو تفتح عمل الشيطان بهدين هو بخير وصحه وش له البكاء
رفعت واسها تمسح دموعها تناظر له
جلس يمسح على ضهرها بيده لين ما تهدا : الغلط كله مني انا الي هاوشته انتِ مالك شغل ريم حبيبتي اهدي وخلاص لاتتعبين نفسك واجد وانتِ حامل
-
بعد دقائق
جو ساره و عبدالعزيز لبيت حسين
سلمو على بعض وجلسو ،هزاع مسك فايز:روح لامك تبيك
هز راسه ب ايه وهو يدخل يتوجه لغرفتهم يناظر لامه تقدم وهو منزل رايه : اسف يا ماما ما بعيدها ثاني مره اسف اسف اسف ريم حضنته انصدم من حضنته امه توقع انها راح تهاوشه : ليش سويت كذا
قال بحزن :لانكم تحبونه اكثر مني
ضحكت بين حزنها: كيف لو تدري اني بجيب بيبي وغيرتك كذا
فايز ضحك وهو يتسم من الفرحه : ب صيل اخو كبير نفس بابا بنت او ولد؟!
ريم انسدحت على السرير وهو انسدح بحضنها: مدري بكرا نروح للمستشفى ون شوف انت ودك بأخت او اخو ؟
فايز حط يده على بطن امه: ابغى اخت اختي ثلونك
ابتسم ريم وهي تشد عليه : فوفو اوعدني انك ماتخليني
فايز طالع لامه وهو مو فاهم شي : بس ليش؟
ريم دمعت: اوعدني وبس ياحبيبي
فايز : اوعدك
-
بالحوش عند الرجال
وقف حمد يصب لهم قهوه
قال ابو محمد (عبد العزيز) : انا جيت ولي عندك طلب ياحسين
ابو سلطان(حسين)ابشر بعزك امر
ابو محمد(عبدالعزيز):جيت وانا ابي القرب منك اكثر ويشرفني اني اطلب يد بنتك سلمى لولدي عايض
الكل لفو لعايض ببتسامه وفرح
ابو سلطان (حسين): وهذي الساعه المباركه ومما يسعدنا ويفرحنا بس خلنا نشوف راي البنت
~
داخل بالصاله عند البنات اول ماسمعو الخبر ركضو لغرفة
سلمى يداهمونها وهي نايمه
جواهر الي نطت فوق سلمى تصحيها: قومي قومي
سلمى دفتها بقوه: خير مداهمات وانا مدري شتبون خربتو حلمي كنت شايفه فارس احلامي
نيال ضحكت: حبيبتي انتِ طلع صح
سلمى استغربت: وش الصح هوو صاير شي وانا مدري ؟؟!
شموخ سحبتها تقومها من السرير: اييه صار اشياء ياحبي انتِ ، سلمى بطفش : بسرعه اهرجي برجع ارقد !!؟
شموخ سحبت يد سلمى وهمست : مبروك خطبتش
سلمى شهقت من الصدمه واستغراب: شنهو وش خطبته
اويلي من تعيس الحظ
جواهر ضحكت: وانتِ صادق تعيس حظ ولد عمي عايض
سلمى غمضت عيونها بقوه: وانا اقول ليش ويم كل شوي تهرج جايش الدور
حنان : كلنا فهمنا الا انتِ
شموخ: على العموم وش تقولي موافقه؟؟
سلمى: هي هي هدي هدي افكر واستخير و الاغلب لا
شموخ : وش لا وجع اقول بس نطلع واستخيري
طلعو من غرفتها ،جاست على سريرها: اقعد وش السوات الحين خلني اكلم مرام ،دخلت المكالمات تتصل عليها
: مرام الحق
مرام ردت عليها : الحق على وش
سلمى: احم انخطبت تتخيل
مرام ببرود : واو مبروك وش اسوي لش
سلمى تنرفزت منها: انقلعي وفصلت الخط عليها
قامت تلبس لبس حلو وتنزل للحريم
~