أنتِ الشموخ الزين وأنتِ مهابهـ..

Part 11

دخلت غرفة اختها تناديها لانهم تأخرو ناظرت فيها : بابا يقول ماتلبسين عباتك ذي
ناظرت فيها بصدمه: اجل وش البس ارح بدون عبايه؟!!!!
هزت راسها بانفي: البسي عبايه سودا بدون زينه او خياطه
لفت اديم بعضب تتوجه للدرج تطلع عبايه ثانيه اف وش فيه بابا كذا
بتول : اقول بس انزلي لا يعصب عليك هو ويبه
نزلت لهم بعد ماغيرت عبايتها ووقفت عن ابوها وجدها
سياف بستغراب من كثر الاغراض: وش ذي رايحين سنه حنا
اغراض من ؟!!
سلمان الي عينه بجواله : انا ليش شنطتين.
بتول : وانا ثنتين ، ناظر ل اديم يبهاها تتكلم
اديم عبست من عرفت ليه يسأل: انا لي اربعه
فهد : وش ذا يابنيتي وش اربع رايحن شهر احنا ترى كلها اسبوعين
اديم: يبه انا اغراضي كثيره و بتول تاخذ من اغراضي فعشان كذا اجيب كثير
سياف تنهد وحط يده على جبينه بتعب من البنت: يلا اركبو
ركب فهد قدام بجنب كرسي السأق و سلمان ركب بالثاني
لفت اديم لبتول تدفعها للسياره  : يلا اركبي ابي عند الباب
بتول وقفت نفسها : خير خير انا اخر مره وكتب بالوسط اركبي انتِ الحين دورك
سياف بقلت حيله: يلا اركبو أخرتونا
اديم : بابا ليش سلمان ما ياخذ سيارت
سياف : احنا قليلين ليش سيارتين اركبو يلا .
فهد طفش منهن وفتح الباب ينزل معه عصاه بحده : يلا تركبون ولا كيف ، فزو البنات بخوف يركبون بسرعه ويسكرون الباب، ضحك عليهم وهو يركب : يلا كلكم حطو الحزام وتوكلو على الله ، وبدت رحلتهم للديره الي تبعد عنهم 3 الى 4 ساعات
لفت اديم للنافذه تشوف محطت القطار : بابا ليش مارحنا بالقطار 
سياف: لا يابابا انتِ باديره مافيه محطة قطار
بوزت اديم ورجعت راسها بزعل : هم ماعنده شي اف
سلمان ب انزعاج : خلاص يا بنت ازعجتينا انتِ و اسألتك بتول ما سألت زيك
-
بعد ساعات وصلو للديره واخذو اقرب فندق يبعد شوي عن الديره
نزلو يدخلون ب الجناح ويحطون اغراضهم
توجهت بتول تجلس على السرير: افف انا وانتِ بنفس الغرفه
خزتها اديم : يعني انا ميته عليك كأني ابي معك عادي اقول بس اهجدي ونامي
بتول : ياحبيبتي ترى شاندرا و ماريا مو معنى انتِ رتب ياغراضك
تنهدت بعصبيه: اففف انا ليش جيت كل شي ماعندهم يع
بتول وقفت تجيب اغراضها: رتبي  ونامي بس
-
الساعه 3
دخل البيت بهدوء يضن ان الكل نايم لكن استوقفه صوت ابوه الغاضب : وين كنت طول اليوم؟!!!!!
لف على ابوه يناظر له ببرود : نعم
ابو عبدالله و الشرار يطلع من عيونه و بصوت عالي : وين كنت جاوبني وين؟؟!
رد عليه بعدم مبالاة : كنت مع اخوياي تحقيق هو ؟!
زادت عصبيته من بروده  وعدم مبالاته اهم وهذا استفزه
: عبدالله لا تكذب علي اخوياك اربع وعشر ساعه عندهم
تنهد ببرود: لا تنسى اني اروح لشغلي
ابو عبدالله: الله اعلم وش الشغل حقك هو حرام ولا حلال
ابتسم : ليش مو واثق ؟!
ابو عبدالله : لا مو واثق فيك
ضحك بسخريه: واثق بتربيتك لاتنسى انك انت الي مربيني
غمض عيونه بتعب منه تعب من ولده تعب من هواشه مو قادر يتحمله رد بقل حيله: تبي تجيب لي المرض اسعد فوق مابي اشوفك ولا تكلمني
لف يعطيه ظهر يصعد فوق يحس بتأنيب الضمير ما ينكر انه يندم دايم اذا كلم ابوه كذا لان مابيده شي
دخل غرفته  يستلقي على السرير و يغمض عيونه بتعب
وينام ما تعمق بالنوم من صوت فتحه الباب تدخل حنان
وقفت تطالع فيه لفتره ثم تكلمت: تتوقع الله راضي عليك !!!؟
طالع فيها: انتِ وش عليك مالك شغل
حاولت تمسك دموعها لكن ماقدرت و بدت تبكي : ليش ليش ياعبدالله دمرت نفسك ليش سويت كذا تدري ان ودينا ابوي للمستشفى اليوم كله منك كله منك انا خسرتك بس مابي اخسر ابوي اذا ابوي صار له شي اعرف انه منك
وقف بسرعه يتوجه لعندها يخاول يهديها لكنه دفعته بقول
وقالت بصرخ وببكاء: ليش تدمر نفسك كله من اصدقاء السوء من متى قلي من متى وانت كذا
غمض عيونه بقوه : شلون عرفتي ؟!!!
مسحت دموعها بكم بلوزتها : لاتحسبني ماشفت الحبوب
تحسبني غبيه وش ردت امي اذا عرفت و ابوي خيبت ضنونا كلنا فيك كنت احسبك السند لي بعد الله لكن ... سكتت مو قادره تكمل كلمها وطلعت بسرعه من غرفته ودخلت غرفتها تقفل الباب عشان مايدخل وبت تبكي على حالها وحال اخوها وابوها
-
صباح يوم جديد
صحت من بدري متحمسه لليوم توجهت تفتح النافذه
و تصحي خواتها : صحصحو يلا قومو
تحركت شموخ بأنزعاج : اففف منش خلينا ن نام باليل
راح نتعب
سلمى: لا والله بس اصحو عشان ترتبون يلا
نيال بخمول: طيب صحي جهير اول
سلمى تأففت : ذي ساعتها سنه، توجهت لها بسرعه تقفز فوقها و تصرخ بأذنها: جهيرررر
فزت من نومها ب خرشه: وجععع نعم ناطه فوقي
ابتسمت سلمى وميلت راسها : عشان تصحين ياحلوه
استغفرت ربها ودفتها : طيب صحيت ياوحش
ضحكت شموخ عليها: سلموه كذا تبين تقومين رجلش اذا عيا يصحى
سلمى خزتها : لا ياحبيبتي
نيال : اشوى عشان ماترجعين لنا
-
العصر
ببيت عبدالعزيز
بدو يتجهزون على السريع
عند غزيل والعنود بغرفة العنود يحطون مكياج وهم متصلين على اريج فويس
اريج: يووه ياليتني معكم عشان افرح بعويض
العنود : ان شاءالله المرات الجايه تجين انتِ و ورعانك
اريج: صورو لي كل شي لا اوصيكم
غزيل: ازهليها ماعليك اصور لك
اريج: اقول ماتحسون ريم نفسيتها تعبانه وحزينه
غزيل : امس مارحنا لهم وما شفناه
اريج: انا اليوم كلمتها صوتها كذا احس فيه شي