أنتِ الشموخ الزين وأنتِ مهابه

Part 41

-
-
-
-
-
بيت حسين
خرجت من دورة المياه بعد ما غسلت وجهها ب ماء بارد تبي تخفي  نفخة عيونها
مسحت وجهها بطرف كمها تتجه ل السرير ، ما اكملت خطوتين يدخل حسام الغرفه شكله المبهذل و ثوبه المبلول واضح انه توه راجع من المزرعه وحلال جده  شهقت من شكله تنطق ب استغراب : وش فيه ثوبك كذا وصخ
ابتسم بفشله يمد كفه يحك راسه ينطق : ماعز ولدت
ضحكة بخفه تنطق بقرف : روح بدل و خذ لك دش يعع لا تمشي كذا
هز راسه يحاول يكتم ضحكته ينطق : ترى اتعلم عشان اساعدش ب الولاده ماتدري يمكن مايكون فيه احد غيري
رفعت حاجبها بصدمه هذا كيف يفكر ليكون للان يحسبها حامل!!
هزت راسها ب الرفض الشديد : تخسي تلمسني وقتها يع يع
ضحك بصوت عالي يتقدم خطوتين ينطق بسخريه : اجل انا يعع؟؟!
تراجعت حنان بخطواتها للورى تفهم تفكيره رفعة اصبعها الصبابه بتهديد : لا تقرب
حسام!!! لا تقرب مني كذا يععع
زادت ابتسامته يقترب منها بسرعه يرفع يده يحاول يحتضنها ينطق بمزح : تعاليي
صرخت تبعد عنه تركض للجهه الثانيه : يع يع روحح لا تلمسني كذا
ضحك يمد كفه يمسح على صدره ب ابتسامه يحمد ربه انها تغيرت نفسيتها للافضل
رفع يدينه ب استسلام ينطق : خلاص خلاص بتروش بس بشرط انا اولد اول ورع
تأففت منه تنطق : ايه ايه بس تروش
ابتسم يتجه لدورة المياه ينطق : انزلي تحت عندهم ترى يسألون عنش
-
تحت
كعادتها جواهر مستلقيه على الارض تتابع مسلسلها
نيال شموخ يتكلمو عن احداث مسلسل اخر
نزلت حنان تتجه للبنات تلقي السلام ثم تجلس تنطق : ايه مجتمعين بدوني ؟؟
ردت عليها جواهر و عيونها على الشاشه : جت المختفيه
التفتت عليها نيال تنطق : وينك من اول ، ارسل لش
ابتسمت حنان بهدوء : نايمه صحيت على دخلت حسام
اخذت شموخ دلة القهوه تصب ل حنان تنطق بمزح : اجل صحيتي من ريحته يوهه
اول مادخل
هزت راسها حنان ب الاجابه تضحك بخفه : صدمني صدمني
التفتت عليهم جواهر من انتهى مسلسلها تعدل نفسها تجلس على الارض : ايه ولا شعره واقف اول مره اشوفه كذا
حاولت حنان كتم ضحكتها تنطق بحده : هيي الا جوزيي
ضحكت جواهر تنطق : خلاص خلاص دامه جوزي ... عندي صور له من كان صغير لقيتهم بجوال امي
حنان بحماس : بشوف
اخذت جواهر جوالها تنطق : قبل اجيب الشاحن ... شموخ باخذ
هزت راسها شموخ ب الاجابه بهدوء ،
وقفت تطلع الدرج تتجه ل غرفة شموخ دفعت الباب بقوه تدخل وقفت توزع نظرها على الغرفه تقدمت تحسب لحاف السرير ثم ترجعه اتجهت للكومدينو تفتح الادراج بسرعه تأففت : ويـن ذا ، رجعت لسرير تفتح الادراج الي بجانبه
تفتش على السريع تجلس على الارض تناظر ل تحت السرير تمد ذراعها
تبحث تحس بطرف ورقه تسحبها بقوه ناظرت عقدت حاجبها مطويه بشكل عشوائي
فتحتها بفضول تقرا المكتوب
" يـا محـاسـن الصـدف بـلقياك
مـا هـقيـت ان السعـاده بـا الـصدف "
شهقت بضحكه و صدمه : مين كاتبه ؟!!
رجعت تقرا مره ثانيه مو خط اختها ابداً تحاول تميز الخط اول مره تشوفه
مين معقوله يعطيها؟!! لفت الورقه تناظر لها من الجهتين تدور اسم او تاريخ
عضت شفتها بقهر من وداها تفكيرها ل بعيد معقوله اختها تخون ثقت اهلها؟!
تنفست بغضب تطوي الورقه تضعها ب جيب تيشيرتها وقفت
-
الرياض
جالس على الاريكه بملل بيده رموت التلفزون يغير ب القنوات
امامه سلمان  جالس على الارض ياكل  التفت على هزاع ينطق : هاه وش صار اليوم ب المقابله ؟
هزاع : قالو بيجي ايميل معرف الوقت ... تصدق ما عجبني المكان
سلمان بلع لقمته على السريع يناظر له ب استغراب : و ليش؟
هزاع رفع اكتافه بعدم معرفه ينطق : مدري والله مير لو يجي الوظيفه بقبل
سلمان: اجل لازم تاخذ شقه شهريه افضل
هز راسه هزاع ب الاجابه ينطق : بشوف وقريب من الشركه ...،
سكتت ياخذ جواله من جاه اشعار عقد حاجبه يقرا الرساله بصمت
ناظره سلمان ينطق : وش فيه ؟؟
رفع راسه يبتسم بفرح ينطق : ارسلو ايميل
عدل سلمان جلسته ب حماس ينطق : وش قالو؟؟
ضحك هزاع بفرح ينطق : قبلوني قبلوني
وقفت سلمان بسرعه يتجه يسحب الجوال من هزاع ويقرا المكتوب و اخر الرساله
ينطق : فريق التوظيف - جود
هز راسه يأكد عليه ينطق : ايه الي سوت المقابله
ابتسم يضحك بصوت عالي ينطق : مبروك مبروك الوظيفه ، سحبه يحتضنه بفرح
ضحك معه بفرح هم و انزاح عنه ، ابتعد عنه يرجع يرمي نفسه على الاريكه
ينطق : لازم ابشر اهلي
-
"الديره "
كعادتها و اغلب ايامها
تمشي ب اتجاه البقاله تاخذها حجه ل تمشي من عند الرسمات
دخلت البقاله تاخذ اشياء بسيطه مشروبات و اكلات ، وقفت عند الحاسب تدفع عن اغراضها ثم تطلع تتجه مباشره للشارع نفسه ، تلتفت تشوف الاطفال يلعبون ب الكره
تبتسم على اشكالهم تكمل طريقها للرسومات تسحب الغطا عنها تضحك بخفه
تنطق بهمس : من صدقه حاط الغطا عليهم ، تحب تشوف الجديد كل فتره تشوف رسمه اخر رسمه جديده و يدخل بتفكيرها معقوله ما عنده مكان يحتفظ فيهم
يحطهم ب الشارع؟ وليش محد ياخذهم !
تسحب احد اللوحات  تبتسم بفرح تعشق الرسم بشكل كبير ،  و ذي تشبه احد لوحاتها للبحر ، التفتت من سمعت صوت طفل يناديها
الطفل : حرمه حرمه
غزيل : هاه وش تبي ايه حرمه
اقترب الطفل لها يأشر على احد اللوحات ينطق : هذي حقك؟؟
ابتسمت تهز راسها ب الاجابه تنطق بكذب : ايه حقتي تبي شي ؟ 
يبتسم الطفل بفرح ينطق  بطفوليه : واوووو
ضحكت عليه تمد له احد اللوحات تنطق : خذها هديه
فزو الاثنين بخوف من سمعو صوته الغاضب : هي انت وهي وش تسون ؟!!
التفتت بسرعه بخوف حاولت الوقوف لكنها دعست على طرف عبايتها ل تطيح مره اخره، يتمسك الطفل ب اللوحه يتراجع بخطواته للخلف
عض شفته بغضب ينطق : نزلها من يدك!!
بلع الطفل ريقه من خوفه يناظر ل غزيل يستنجد بها ،
حاولت الوقف مره اخر  ، خوفها مو كثر توترها و انحراجها ، صدت عنه تحاول تجاهله وكانه مو موجود ، مدت كفها تبعد الغبار عن عبايتها تنطق للطفل : اتركها من يدك خايسه
رفع بهاج حاجبه ب بصدمه من حركتها ! ؟ تقدمت خطوتين ينطق بغضب : من قال لك تلمسين شي مو لك ؟! ولا تسرقون؟
ناظرت له حسيت انها ورطت نفسها اكثر ، لكنها مقهوره !! كيف يتهمها ب السرقه
: الولد عجبته اللوحه واخذ يشوفها ... عاد من زينها كلها خايسه اعرف ارسم افضل منها
شهق بخفوت من ردها ؟ بجيحه ماتوقع حتى ترد عليه ! كيف تجرأ
نطق بكره : وقحه ...،، ناظر للطفل وهو للان متمسك ب اللوحه وكانها كنز له ، تنهد بقهر  ياشر للطفل ينطق : اخذها وروح
هز الطفل راسه ب الاجابه يركض بفرح وسرعه قبل خوف من انه يغير رايه
يترك غزيل لحالها
التفتت تناظر بصدمه تنطق بصوت عالي: وجعع سحب عليي!!!
كتم ضحكته عليها يحاول مايغير ملامحه ، يعقد حاجبه يتقدم يسحب لوحاته الباقيه
يجمعها كلها ، رفع نظره ب استغراب يشوفها للان واقفه بمكانها
يسكت ثواني يراقبها ،
بلعت ريقها بتوتر من نظراته تحاول تشتيت عيونها باي شي  ، تذكرت اغراضها
بالارض تقدمت بسرعه تسحب اغراضها وقفت ثواني تناظر ل باقي اغراضها الي بجانبه يزيد توترها من انه لا يزال يناظرها ،
انتبه للكيس بجانبه يقف يبعد عن الاغراض بعد ماجمع واخذ اغلب لوحاته
ينطق : اخذيه
وقفت عند الكيس ، تمد يدها تسحبه بسرعه ،
~
مشى ب اتجاه خيمة سعود حامل اغلب لوحاته
يدخل يلقي السلام ثم يرميهم على الارض
رفع نظره سعود ب استغراب له ينطق : عليكم السلام ... ليه جايبهم ؟
اتجه يجلس يمد رجوله و يستلقي على الارض : طفشت طفشت القاها كل يوم عندها ... تتوقع تحب الرسم؟
ضحك سعود ب استغراب ينطق : خير وش تقول انت ؟؟!
ابتسم بهاج بهدوء يتنهد بهدوء ينطق : تدري كنت بسألها عن اسمها مير  بصير مثلها بجيح و وقح
ابتسم سعود عليه وعلى غبائه من متى و بهاج كذا يلتفت للنار يحط بريق الشاهي و يسكب الماء داخله ينطق : كمل كمل اسمعك
عدل جلسته بهاج يجلس مقابل سعود ينطق ب تسأل : عزام جاء اليوم ؟ ارسل لك شي؟
هز راسه سعود ب النفي ينطق : لا اخر شي امس ب الليل
تنهد بهاج براحه يحس انه يخون عزام بتفكيره ناظر ل سعود بقلق ينطق : انا اخون عزام؟ محارمه !!
سعود ب استغراب : وش تقول انت هاه؟ اي محارم قول من البدايه
بهاج مد كفه يمسح على وجهه بتردد ينطق : تذكر قبل اللوحات و البنت تصير
بنت عبدالعزيز اخو عزام شفتها اليوم بعد صح بجيحح بس ح...
سكت من صرخ سعود بغضب و بيده كاس الشاهي : تستهبل انت تستهبل
وش تفكر فيه انت اضربك يمكن تصحى ؟!!!
تأفف بهاج بضيق وهو عارف تفكير سعود وين وصله ينطق : لا لا مافهمت انا ماسويت شي غلط؟! حبيتها و و ابي اكلم ابوي يخطبها لي
تنفس سعود بغضب وهو عارف خويه : ب السرعه ذي؟؟ بهاج لا تتجنن علي
، سحب بجانبه دلة القهوه يرميها على بهاج الي صدها بيدينه
ينطق بهاج : وجععع حيوان انتِ اقول لك بكلم ابوي
سعود بغضب : اذا خويك سويت كذا غيره وش بتسوي!!؟؟
وقف بهاج يتنرفز من كلام سعود وكانه غلط غلطه كبيره! ينطق بتحدي : بتشوف و انت عارفني ماني راعي ذي السوالف لكن اذا ما عزمتك على عرسي ما اكون بهاج
-
الفجر
اتجهت تجلس على الاريكه تمد يدينها تمسك بطنها ب الم من ساعه رفعت راسها تغمض عيونها تتنفس بصعوبه من شدت الالم  ترجع تفتحهم على قدوم ساره
تمد لها كاس الماء تنطق : اشربي اشربي يابنتي حاولي تمسكين وانا بتصل على عبدالله
اخذته منها شرب منه ببطى وهي منهكه من الام كل ما تنزل دموعها تمسحها بسرعه قبل تشوفها ساره ،  ناظرت لها تشوفها اخذت جوالها تتصل من جديد على عبدالله
وهي تهاوش على عدم رده
رمت جوالها على الاريكه بقلق تنطق : بجيب عباتي و عباتش اتصلي على عبدالله اذا مارد نروح مع عيال حسين
هزت راسها ب الاجابه مافيها حيل حتى تتكلم اخذت جوالها تتصل عبى عبدالله مره اخر ل تصعد ساراه للاعلى ، رجعت ظهرها تسنده على الاريكه  تنزل يدها ببطى
على بطنها مو قادره تركز كل شي يضيع من الالم
تسمع صوت اقدام ساره تنزل مستعجله تضع العبايات على الاريكه
تنطق : مارد اتصل على حسين
سحبت جوالها وقبل تتصل ، جاها اتصال عبدالله ترد عليه بعصبيه: وينكك؟؟
رد عليها عبدالله بهدوء : هلا فيكم شي ؟
صرخت سارا بغضب : بسرعهه تعال هتِيَفْ بتولد
فز من مكانه ينطق : هاه ؟؟ متى ؟ كيف
سارا : انت تعالل اول
عبدالله : يلا يلا جاي جاي
قفلت الخط تتنفس بعصبيه تلتفت على هتيف الي بالقوه تتنفس رجولها ترجف ووجها الشاحب
اتجهة  تجلس بجانبها تهديها
ترم الخمس دقائق بصعوبه عليها تقف سارا تمسكها من يدها تساعدها ب الوقوف : هدي  وتنفسي ب شوي عبدالله ب الطريق
همست بصوت مبحوح : مقدر ،احس بشي ينزل
اتسعت عيون سارا برعب ترفع عبايتها تغطيها بسرعه وتشدها معاها
: يالله عبدالله قريب هنا هنا ،
تنهدت براحه من سمعت صوت بوري سيارة عبدالله
تنطق : بسرعه بسرعه امشي
فتح الباب عبدالله يدخل عنهم وهو يركض بخوف
-
~
المستشفى
مرت ساعتين من وصولهم
واقف امام باب الغرفه يمسح يدينه بتوتر يدور بنفس المكان ، عيونه متعلقه ب الباب ينتظر بخوف  كان وده يدخل معاها لكن رفضت امه  تأفف يتجه يجلس بجانب امه
يهز رجله بتوتر
التفتت ساره تناظر له كانت ب تعاتبه على غيابه عنها لكن شكله و حالة يحن عليها تنطق لتهديه : لا تخاف هي بخيرر
هز راسه ب الاجابه ينزله للاسفل  يحاول يطمن نفسه يتلفت على ضربت امه لكتفه
ماقدرت تكتم قهرها وحرقتها تنطق بغضب : كيف تخليها و انت تدري انها ممكن تولد ب اي لحظه كيف تتكرها؟!!
بلع ريقه وهو عارف كلامها صح الغلط عليه و عليها بنفس الوقت كذبت وقالت انها بخير ، سكت مايرد عليها
يرفع راسه من انفتح الباب وخرجة الممرضه
يقف بسرعه ينطق : وينها؟  بخير؟
هزت راسها الممرضه ب الاجابه : الحمدالله الماما و البيبي كويسن ننقل غرفه تاني يقدر يدخل
اتسعت ابتسامته بفرح هم و انزاح عن صدره يتنفس بعمق يحاول يستوعب هو عارف لكن ماتوقع ان شعور الابوه حلو  اغمض عيونه ينطق بهمس : الحمدالله الحمدالله يلتفت ل امه الي اقتربت تسلم عليه وتبارك له وتحضنه بفرح
تنطق : مبروك مبروك ياعيون امك ربي يرزقك بره
ضحك بخفه يحاول مسك دموعه ينطق بنبره غير اول مره تسمعها منه : بنت بنت يا امي
ابتسمت له  تنزل دموعها بفرح  تشد على حضنها له  : الله يرزقكم برها ويجعلها قرت عين لك و ل امها
ابتعد عنها يمد كفه يمسح دموع امه من تحت نقابها ينطق : الله يجعل دعموش دايم فرح وربي يخليش لي ولا يحرمني منش
ابتسمت له رغم دموعها تتمنى انه كل يوم يبقى حنون ، التفتو من اتتهم الممرضه
تخبرهم رقم غرفة هتِيَفْ ، تنطق سارا: ادخل لها قبل
هز راسه ب الاجابه يتقدم بخطوات فيها رهبه وفرح وقف امام باب الغرفه
يحسب شماغه يرتبه و يعدل شكله ترسم على ملامحح الابتسامه والسعاده
حياته بتتغير وهو بيتغير للافضل اخذ نفس يمد كفه يفتح الباب ويدخل
يغلقه خلفه رفع نظره يناظرها واضح عليها التعب مغمضه عيونها
اقترب ب هدوء مايبي يزعجها يتنهد براحه وهو يشوف ملامح وجهها امامه مافيها شي ، مد كفه بمسح على راسها بحنان وده لو تصحى ويسولف معاها
لكن انه اطمئن عليها يكفيه صد عنها يتجه للباب يريد الخروج من الغرفه
يستوقف من سمع صوتها الواضح عليه التعب و النعاس : عبدالله
التفت بسرعه و لهفه ينطق : عيونهه و قلبه ، اقترب لها بسرعه يمنعها من الحركه يضع كفه على صدرها ينطق : استريحي لا تتحركين
ابتسمت له بتعب تمد كفها تضعه على كفه تنطق : شفتها؟
هز راسه ب النفي ينطق : لا خفت عليش وجيتش قبل
اكتفت ب الابتسامه بتعب ،
اقتربت منها ينحني يقبل جبينها بهدوء ينطق : الحمدالله على سلامتش ... ارتاحي الحين انتِ وانا بطلع اتطمن عليها واذا صحيتي اجيش
سكتت لكنها ظلت تناظره ، احساسها خذلان ماتبيه يروح عنها هو كذا دقائق فقط يغرقها حنان و حب بعدها يختفي نزلت نظرها عنه تمد كفها تتمسك بثوبه
قبل يتحرك تنطق : ودي اشوفها ... تتوقع يجيبونها ؟
رجع بخطوته لها ماينتبه ل نظراتها او معناها  يهز راسه ب الاجابه : ايه اكيد بيجيبونها بس انتظري
بلعت ريقها تنطق بخوف من رفضه : لا تشوفها قبلي ... انتظر يجيبونها
وقف ثواني بتفكير امه برا كيف بيجلس بيرجعها البيت مايصير تتعب هنا
نزل نظره ل يدها الي متمسكه ب ثوبه مراره بداخله مد كفه يبعد يدها بلطف عنه
يلتفت للخلف ، تغمض عيونها بقهر اكبر خذلان الان نزل كفها وكانه مايبيها
حاولت تمسك دموعها ماتنزل لين مايخرج ، رجعت تفتحهم من صوت مزعج تتفاجئ من سحب الكرسي يقربه لسريرها يتبسم لها ينطق : ليكون ازعجتش؟
هزت راسها ب النفي ودها تضحك بفرح لكنها بينت العكس ترد له ابتسامه خفيفه تنطق : لا عادي
جلس على الكرسي يمد كفه يمسك كفها الي مسكته فيه يمرر ابهامه على اصابعها بهدوء ينطق : كنت بجلس على السرير مير خفت اضايقش
ردت عليه ب ابتسامه : لا ماتضايق ياحبيبي
مد كفه الثانيه يبعد خصلات شعرها عن وجهها ينطق : تدرين ... ما سميتيها
سكتت تناظر له بصدمه كيف نست؟! ، حاولت التفكير مالقت ببالها شي تحس ب البكاء نطقت برجاء : مادري
ماقدر يمسك نفسه ضحك بصوت عالي على ملامحها
عقدت حاجبها بغضب تنطق : عبدالله!!! ساعدني مو تضحك
هز راسه يحاول يهدء ويكتمها ينطق : طيب ياحبيبي لا تبكين ... لو علي سميتها سارا بس امي محلفتنا انا وحنان ما نسمي عليها 
هزت راسها تنطق : خالتي تستاهل والله بس ... طلع اسم الحين
ابتسم : ابشري الحين اطلع لش ، سكت يفكر ل ثواني ثم ينطق : عندش ورد
هدى سما هاجر هيا هديل ه...
سكتت من نطقت : خلاص خلاص لا تفكير دام ذي عاجبك انا اطلع افضل
ضحك بسخريه ينطق : عشتي انادي امي تساعدش افضل
هزت راسها ب الاجابه تنطق : ايه ايه
خرج بسرعه ينادي امه تدخل معه تنجه تسلم على هتِيَفْ و تبارك لها وتحتضنها
من ثم تنطق هتِيَفْ : ياخاله ساعدينا مالقيت اسم
سارا ناظرت لهم الاثنين تنطق : تسع شهور ما فكرتو حتى ب اسم؟!!!
هزت راسها هتِيَفْ ب النفي تنطق : لااا
سكتت سارا من حست انها ممكن تبكي تنطق بتفكير : طيب انتِ وش تحبين؟ او اسم عجبش زمان
نزلت نظرها هتِيَفْ تفكر ب كل الاسماء الي تجي ببالها، تنطق بهس : الزهور الورد، عضت شفتها تتعمق ب افكارها تهمس : روز سوسن  ليليا رونزا
رفعت نظرها ب ابتسامه تنطق بفرح : توليب ...... توليب اسم يجنن
ابتسم لها ساره تنطق : حلوو يابنتي شفتي اسم حلو و اهم شي المعنى
التفتو ل عبدالله الواقف مسند ظهره على الجدار ومكتف يدينه عقد حاجبه ينطق ب استغراب : توليب ؟!توليب ؟ ابو توليب ... ما عجبني
عبست هتِيَفْ بزعل تميل شفتها بزعل : ليشش عبود والله حلوو
هز راسه ب النفي الشديد ينطق :لا اسمائنا العربيه ياحلوها سارا حصه ريم مها
سارا : عبدالله لا تقتل الفرحه انت وش عرفك ب الاسامي
عبدالله : ما عجبني غيروه
هتِيَفْ : والله ازعل ليش مو حلو
تأفف عبدالله يصد عنهم ينطق : اروح اشوف توليب افضل لي ، خرج من عندهم
تلتفت هتِيَفْ بفرح على سارا تنطق : وافق
هزت راسها سارا تضحك بخفه : عبدالله و اعرفه
-
الرياض
صحى من بدري ، قبل يرن منبهه ، سحب جواله يشوف كم الساعه ، تثاوب بكسل
يلتفت على سلمان النايم بعمق ، سحب اللحاف يبعده مايبي يرجع ينام وقف يمد يدينه ب عشوائيه ، يتجه  يشغل اللمبه ثم ل عند سلمان يصيحه بقوه يهز اكتافه : سلمان سلمان ولد اصحى
فتح عيونه سلمان بتعبد يمد كفه يفرك عينه ينطق بنعاس : يالله اتركني انوممم
اكمل هزاع هزه بقوه اكبر : اصحى اصحى اطلب فطور وانا باخذ شور سريع قبل الدوام
تأفف سلمان ب انزعاج يسحب اللحاف يغطي وجهه فيه ينطق : انقلع عن وجهيي
رجع هزاع يسحب اللحاف بقوه ينطق : ولد اذا رحت كمل نوم
جلس سلمان يناظر ل هزاع بكره مايحب احد يصحيه بذي الطريقه  ينطق : اهلك انا
اعطيك اكل و انتبه لك؟!
اتجه هزاع ياخذ ملابسه من الشنطه ينطق : اقول صحصح عندنا جدول اليوم مزحومم و ترى عازمك على العشاء ب مطعم فخمم
سلمان : ايه العشاء يعني اسف وكذا اخلص بس
ضحك هزاع ياخذ كل اغراضه ويدخل دورة المياه
سحب سلمان جواله يدخل على الاشعارات يقراهم تستوقف يده على رسالة اديم
( رقم جوزاء ********)
ناظر للجوال بتوتر هذا رقمها عنده وش عذره ما يتصل يتطمن عليها ؟
لحظات تردد يتصل او لا ، معقوله اشتاق لها وهو ماكمل جلس معلها اسبوع !
قلبه يدق ، عيونه معلقه على الشاشه ، حرك اصبعه يتصل عليها 
يحط جواله على اذن يكتم انفاسه ، تمر ثواني طويله ب النسبه له
ثم ياتيه صوتها الناعس : الوو؟
كتم انفاسه ، مارتّب كلامه وش يقول لها او كيف يبدا تشتت افكاره
يرجعه صوتها المستغرب : مين؟ الو؟
ماتسمع رد منه تتوقع رقم غلط تغلق المكالمه
نزل جواله على حضنه يمد كفه يحك راسه بقلقل المهم انه سمع صوتها قريب يرجع
مد كفه ياخذ جواله مره اخرى يطلب فطور قبل يطلع هزاع
يمتد على الاريكه يغمض عيونه يهرب من التفكير ب النومم
~
بعد نص ساعه
خرج هزاع من دروة المياه وهو ينشف شرعه ب المنشفه ، ناظر ل سلمان
اقترب منه يرمي المنشفه على السرير ينطق : سلمان صاحي؟
فز سلمان الي ببداية نومه  فرك عينه وهو يجلس : وصل الاكل شوف على الطاوله
تقدم هزاع يسحب الكيس و يجلس على الارض ينطق : تعال سلوم
اقترب سلمان يجلس بجانبه ، يفتح الكيس هزاع يطلع الاكل منه ويضعه امامهم
و بدأوا يكلون ب صمت  ، يرفع هزاع نظراته كل بين فتره ل سلمان ، للحظه يحس انه ثقل كثير على سلمان كيف ترك اهله وزوجته عشانه نزل نظره ينطق بهدوء : سلوم...متى ترجع ؟
سلمان ناظر له ب استغراب ينطق : ليش؟ يمكن بكرا او بعده
نزل هزاع الاكل يضعه ب علبته يحت كفوفه ب عشوائيه يقف : الحمدالله ... بلبس ثوبي وبطلع للدوام نام انت اذا تعبان
وقف سلمان ينطق : لا لا بجي معك نشوف و اعاونك
رفع حاجبه هزاع بضحكه ينطق : بالله حسيت اول يوم مدرسه بس معليه يلا اسرع
تقدم يحسب ثوبه يلبسه بسرعه يلتفت على هزاع الي توه يلبس ثوبه ويحسب غترته و العقال يوقف امام المرايه يلبس ويعدلهم ثم يسحب علبة فيها ساعه و كبك يلبسهم و اخر شي يسحب عطرين يضع منهم كلهم و دحن عود
ابتسم سلمان على شكله ينطق : عجيبب المعرس انت
ابتسم هزاع ينطق : اول يوم ياحبيبي لازم شي فاخر، اخذ مفتاح سيارته و جواله
-
بيت حسين
نزلت للاسفل تسمع صوت امها ف الصاله تتكلم ب الجوال مافي اجد غيرها
عقدت حاجبها من سمعت اسمها تقف على اخر درجه تحاول الاستماع للموضوع
لكنها ماقدرت تميز الكلام اتجه تركض ل عند امها
نجلاء : مع السلامه ، اغلقت المكالمه تضع جوالها على الطاوله بجانبها
رفعت نظرها لشموخ الواقفه امامها : وش فيك ؟
تقدمت تجلس بجانبها تنطق بفضول : من كلمتي؟
نجلاء : وحده من حريم الديره
ضيقت عيونها بفضول اكثر : ايهه مينن؟
نجلاء مدت يدها تاخذ دلة القهوه تصب لها : ام ياسر تذكرينها؟
هزت راسها شموخ ب النفي ، تكمل نجلاء : الي طلعت الرياض تسكن ولدها ياسر الي كان يجي عندنا قبل مع حسام
هزت راسها بتذكر تنطق : وش تبي فيش؟
التفتت نجلاء لها تنطق : ويي شموخ وش فيش ؟ اول مره تصرين كذا تبين تعرفين كل شي؟
تأففت ب الفعل ذي مو طبايعها لكنها نطقت بجده : يمه ترى سمعت اسمي بسرعه هي وش تبي
سكتت نجلاء شوي ثم نطقت : عادي تسأل عنكش و عن خواتش و اخباركم و حتى سألت عن عامل البقاله ارتاحي
عبست بضيق وكانها عرفت الموضوع تنطق : يمه ترى انا مو صغيره
وقفت نجلاء تاخذ صينية القهوه تتجه للمطبخ تنطق : بدل تجميع السوالف ساعديني ب الفطور
اغمضت عيونها تاخذ نفس تهدي نفسها ثم تقف تتجه للمطبخ ورا امها
-
بيت عبدالعزيز
جالسه على الارض بجانب عايض هو يرتب الادراج وهي تساعده
تنزل الاغراض من يدها تناظر له ببتسامه خفيفه : شرايك اليوم نطلع ؟
رفع نظره لها ينطق : و الي وراك ؟
التفتت تناظر ل ورد امس ثم رجعت نظرها له تنطق : هذا امس ودي اليوم نطلع بس بدون ورد
هز راسه ب النفي يكمل ياخذ اخر الاغراض ويضعهم ب الدرج ينطق : نعوضها بعدين العصر عندي دوام
عبست بضيق تضع كفها على خذها بملل تنطق : ايه و الدوام يوم كامل ما اشوفك
ابتسم لها ينطق : هو قبل كنتي كذا ولا من الحمل؟
ميلت شفتها بعدم اعجاب تنطق : من قبل بس ماكنت تحس
-
-
-