أنتِ الشموخ الزين وأنتِ مهابه

Part 31

ضحك يزن ينطق بخفه : اوههه كاشخ شكلك العريس
وسع عيونه بستغراب كيف يعرف وهي عائله واصلا من هذا وليه جاي
وضحت عليه ملامح الصدمه ينطق : من انت؟
يضحك على ملامحه ينطق : اسأل اديم ... اييه صح لا اسأل زوجتك عن علاقاتها قبل ،
سكتت من صرخ عزام عليه ينطق : خيرر!! شقاعد تقوللك ، تقدم مسرع ناحيته يمسك ياقت ثوبه بكفوفه يشد عليه ينطق بحده : اخلص علي وقول كل الي عندك
ابتسم يمد يدينه يحاول يبعد عنه ينطق بهدوء : اتركني اول
شد عليه اكثر يرص اسنانه ينطق : اخلص عليي!!
ابتسم ياخذ نفس يبعد يدين عزام عنه بقوه ينطق : انا مابقول لك حاجه اذا تبي اديم عندك ، ابتعد يهرول عنه مايبي اي اصطدام فيه الا انه يبعد عن اديم ويتركها وداخله تساؤل هل كلامه كافي او انه لا زال يبيها
-
قبل يلحقه التفت من استوقفت سيارة سعود و بهاج وخلفهم سيارة عبدالله
غمض عيونه بقوه صدمه وقهر بداخله كيف يتجراء يتكلم عنها قدامه و هل صدق الكلام!! نيران بداخله تحرقه كيف كذا ليش كل ما نوى يمشي خطوه بهذا الطريق تصد بوجه ،
فتح عيونه من خبط سعود على كتفه ينطق : ولد شفيك؟؟
رفع نظره لهم يبتسم بهدوء عكس الي بداخله : مابه شي
ابتسم بهاج يحتضنه من كتفه ينطق : ماودك تعرفنا على نسايبك؟
ابتسم بضيق باين على وجه وقبل ينطق ، نطق عبدالله قبله : فيك شي ؟ وجهك مو طبيعي ؟ من الي كان معك قبل شوي؟!!
سكتت ثواني ياخذ نفس بعدها ينطق : ما عرفه واحد يمشي ... ماودي اكمل
انصدمو منه وش الي غير رايه خصوصاً سعود و بهاج الي يعرفون انه يحبها
ينطق سعود بصدمه : ليشش؟
صد وجهه عنهم ينطق بغصه وقهر واضحه بنبرت صوته : مو مرتاح
عبدالله تكتف يناظر لعزام يرفع حاجبه ينطق : امس ناشب لي اجل وفرحان واليوم تقول مو مرتاح ايش التناقض هذا !؟؟
ناظرو له سعود و بهاج بستغراب من ردت فعله يضغط بهاج على رجل عبدالله بقوه اشاره ليهدا ويخف عليه ، ينطق سعود : عسى ماشر ليش شفيك؟؟!
عض شفته بقهر وزاد قهره كلام عبدالله تزداد معاها عصبيته وكرهه ل يزن وميل ل اديم ، ماعنده راي للان هل يكمل او لا وكيف يتصرف وايش موقفه
رجع نظره لهم واقفين قدامه الثلاث ولد اخته واخوياه الاثنين
بلع يريقه يفرك كفوفه ببعضها هل يخبرهم او لا صعبه يتكلم عنها وهي بعد كم ساعه بتكون تحت مسمى زوجته مارضى عليها ينطق بصعوبه : مابه شي
، يمشي يبعد عند الباب يمثل الابتسامه : حياكم حياكم
دخلو الثلاثه وهم مو واثقين انه بخير لكن يسايرونه
يمشون خلفه يدخل المجلس يقف امام فهد و سياف يعرفه عليهم ويسلمون على بعض
-
عند البنات
واقفه قبالها تنطق : افف افف افف اديمو ماشاءالله طالعه قمر تهولين
ابتسمت اديم تنطق : ياعيوني انتِ
ضحكت جواهر بخفه تنطق :يطير قلب عمي
اكملت نيال عليها ضاحكه: اخاف تطلعين حامل اعرف خالي على طريفه
ضحكو البنات بعلي صوت ، توسع عيونها اديم بصدمه ي نصعق قلبها بخوف ورهبه
تتقدم لها شموخ تحضنها بخفه تنطق : يكذبون يكذبون عليشش لا تخافي
ابتسمت لها تحاول تهدي من نفسها تنطق : ياربب يخوفوني
ابتعود البنات من تقدمت الجده نوره ل اديم تحضنها وتبارك لها تنطق : مبروك يابنتي وان شاءالله يكون خير السند لك
ابتسمت اديم تفيض مشاعرها تقبل جبينها تنطق : يبارك فيك ياخاله
ابتسمت الجده نوره تنطق : بسم الله عليش ياببني ماشاءالله
-
عند الرجال وصل الشيخ والكل متحمس الا عزام الي اخترب يومه بسبب زين
ياخذ نفس من بدا الشيخ بعد ما انتهى التفت ل سياف ينطق : قل زوجتك ابنتي
ابتسم سياف ينطق : زوجتك ابنتي ، هينا دارت الدنيا بعزام يبلع ريقه خلاص كذا انتهينا يا يعينش معاها على كلام يزن او لا لكنه تشجع ينطق : قبلت هذا النكاح
ينطق :الشيخ بارك الله لكما
بعد ما انتهى الشيخ تعالت صفقات العيال وفرحهم يتوجهون لعزام بفرح يباركون له وكل شي بتكلم وشعور سعيد
يحضنه بهاج بقوه يبعثر غترته يده ينطق : مبروكك ياوحششش اخيرا فرحنا بكك
ابتسم عزام وللحظات ينسى يزن وسالفته ويفرح معهم ينطق : يبارك فيك وعقبالك
ومن بعده العيال كلهم يباركون والابتسمامه ما تفارق وجهه والضحك يعتمرهم
-
عند البنات الي بعد ما اخذو موافقت اديم وتوقيعها وهم عندها يباركون لها و يضحكونن وفرحانين تبتسم اديم لهم وتضحك معهم وقلبها يرجف من الفرح
التفتو من انهت بتول مكالمتها تنطق بضحك : اديمو سلمان يقول ودك تشوفي زوجك؟
وسعت عيونها بصدمه تدري انها بتشوفه بس ليه يسألها هل هو مايبي
يشوفها او كيفف ، تنطق وهي للان بطور الصدمه : مادري
ناظرو لها البنات تنضحك شموخ تنطق : الا يابنت الا مستحيل تروك كشختك بدون ما عزوم يشوفها
تضحك بتول تنطق : صادقق شموخ لازمم
صدت عنهم بخجل تنطق : مادري احراج
رفعت حاجبها بتول بضحك تنطق : معليه بقول عادي ، تصد عنهم ترجع ترشل لسلمان
التفتت اديم على البنات بخوف تنطق : مابي خايف قلبي بيوقف
وقفت جواهر تتجه ناحيتها تمسك كتوفها تنطق : مليه انت قوي انت قوي
عبست بوجهها تقترب لها الصيحه تنطق : تكفينن جواهر مو وقتك
نطقت حنان تحاول تهديها : عادي ترى مابه شي خمس دقايق ولاخلاص
التتفت لها جواهر بضحك تنطق : حبيبي انتِ اخر وحده تتكلم تمام مو منحاشه وتجي!!
حنان عضت لسانها بقهر تنطق : اسكتي بس
-
عند العيال
بعد ما انتهى التبارك وطلع الشيخ جلسو يسلفون ، رفع عزام نظره على سلمان يضرب كتفه بخفه ما يب احد يشوفهم ينطق بهمس : ولد سلمان
رجع سلمان ظهره على النكب ينطق بنفس الهمس : هلا
ينطق عزام : ابي اشوف زوجتك
ابتسم سلمان بجانبيه ينطق : ايهه صح بس اقول ل ابوي قبل
وسع عيونه عزام يتنطق : ورع لا تقول اني قلت
ضحك سلمان عليه ينطق : ابد ولا يهمك اقول انا ، وقف يتجه ل عند ابوه وبعدها يرجع لعزام يغمز له : يلا تعال
ابتسم يوقف معه ينطق : اروح اعدل غترتي واجي
سحبه سلمان من ذراعه ينطق ينطق : كويسه كويسه تعال بس
يمشي معه يستوقف عند باب المجلس الاخر ينطق : معك خمس دقايق يامزيون
ابتسم عزام ينطق : ابشري يلا انهج يا جعفر
ضحك سلمان يضرب كتف عزام بخفه ثم يروح
~
عدل وقفت ياخذ نفس عميق يترك كل الافكار تتلاشى من عقله
يمد كفه لمقبض الباب يفتحه يدخل بخطوات ثقيله يسكر الباب من خلفه
يشدد نظره ب ارجاء المجلس لين ما استقرت عليها جالسه على الاريكه تناظر للارض بخجل ، ابتسم بوسع ثغره يتقدم لها ، ومن سمعت صوت خطواته
رفعت نظرها له يزداد خجلها وتوترها
اقترب لها يقبل جبينها  بعدها يمد كفه يوقفها معه ، تتلاقى عيونهم يسكون لثواني ، يتأملها بكل مافيها ينسى يزن وكلامه ويركز معاها بكل حواسه
ما استطاع تمالك نفسه ينزل يهب على عنقها انفاسه الحاره يقبلها بعمق
ترتعش خلاياها  تنهار بداخلها من الخجل ترفع كفوفها تضعها على كتوفه
بمحاولت ابعاده ، ابعد رأسمه عنها تتجرأ يدينه تحاوط خصرها ،
تبلع ريقها تشتت نظرها عنه  ، ينطق بهدوء : اديم
وجعت نظرها له تنطق بنفس نبرته : عزام
شد ضراعه على خصرها يبتسم : اديممم
ابتسمت بخجل تنطق : عزامم
ضحك بخفه يحتضنها بقوه ينطق : يازين اسمي  من ثغرش، اويلي على قلبي اوجعني
ابتعدت عنه ، ترفع نظرها له تبتسم تنطق : بسم الله على قلبك
غمض عيونه يتنهد بحب ومن ثم يفتها يناظر بعيونها يتواصلون بصريا
ينطق بصوته الراكد : احببش
عضت شفتها بخجل مفرط تصد نظرها عنه تشتعل وجنتيها ب الحمر تنطق بصوت خافت اقرب للهمس : وانا احبك
-
عند البنات
مبتسمه تسمع سوالفهم تنزل نظرها من رن جوالها وكان المتصل حسام استغربت اتصاله من انه بين الرجال لكنها ابعدت عن البنات
ترد عليه تنطق : الوو
ابتسم بسخريه ينطق : كان احسن ماردتيني
تنهدت بتضجر تنطق : يعني متصل تهاوش؟!!... ترى من فاضيه اخلص علي
ضحك بدهشه ينطق : عشتو ، تتحول نبرته للحده : ايه اتصل اهاوش سلمات من امس مختفيه
تغيرت ملامحها الى الصدمه تضحك بخفه تنطق : اما هذا الي معصبك ياحبيبي انا مع البنات مجتمعين كلهم يعني اتركهم؟! ماتجي
سكتت ثواني ما تسمع له حس ، عقدت حاجبها بستغراب تنطق : الوو حسام
نطق بصوته الهادي وكانه تخدر من كلمته: عيونه
ضحكت بستغراب على تقلباته تنطق : الله يعني على تقلباتك
ابتسم يتطق : و يعيني على كلمة حبيبي
ابتسمت تضحك بخفه تنطق : يلا مع السلامه ياحبيبي ، سكرت الخط بدون ما تسمع رده ترجع للبنات وبالها مشغول معه
-
عند العيال
رجع لهم حسام بعد ما اغلقت بوجه مبتسم يجلس بجانب غيث
ناظر له غيث ينطق : وراك مبتسم
رفع حاجبه سحام ينطق : مالك دخل اشياء خاصه
كشر غيث يضرب حسام مع كتفه : اقول عندك اسرار من وراي طحت من عنيني زعلت عليك
اخذ حسام بيالة الشاهي يشرب بعدها يبتسم له ينطق : لا ترضى
صد غيث عنه بقهر يوقف يترجه لعند العيال يجلس بجانب عبدالله
ينطق : حبيبي عبودي من زمان عنك اشتقت لك
ناظر له عبدالله ينطق : عبدالله اولا... ثانيا ضف وجهك عني
وسع عيونه يمثل الصدمه : افااا عبودي ما اشتقت لي شفيكم كلكم ماتبوني ... ارجع ل ابوي افضل لي
عبدالله سحب غيث يضرب راسه بخفه يحتضنه ينطق : اقول ورع اهجد
التفتو الاثنين من رن جوال عبدالله ، يسحبه بسرعه يرجع يضرب راس غيث بخفه
ينطق :خير قاط بجوالي!؟؟
ابتسم غيث بعبط : ابي اشوف من يدق عليك
ابتسم عبدالله يسلك له ينطق : ايهه ايهه ثاني مره ياويلك ، يبعده عنه يوقف بعد عن العيال
يرد عليها : هَتِيفْ ، يفز قلبه من سمع صوتها التعبان الباكي : عبدالله تعالل
نطق بخوف : يلا يلا، اغلق الخط يدخل جواله بجيبه تجه سرع للباب يستوقفه سلطان
يناديه : على وين؟؟
التفت عليه ينطق : عندي شغل واجد بخلصه
عقد حاجبه سلطان ينطق : شغلل؟ هنا؟!! من متى؟؟
حك فكه يتورط ينطق : ابد شغل ل ناصر ماقدر يجي وانا اخذته
ماصدقه يصغر عيونه ينطق : ماصدقت
عقد حاجبه ينطق بعصبيه : ليش ماتصدق وش يعني بسوي
ابتسم يضحك بخفه ينطق : شدعوه شديت بس اسأل... الله معك
صد عنه يعطيه ظهره يطلع
-
بالمجلس
بعد المشاعر الجياشه الي عاشوها بلقائهم يجلسون على الكنب ومن بين السوالف
نطقت اديم : عادي اسألك
هز راسه بالاجابه ينطق : اسألي ياقلبي
ابتسمت تنزل نظرها تحت تفرك كفوفها ببعض من توترها : قبل شموخ قالت لي انه كنت خاطب
انصدم من سؤال الغير متوقع لكنها ذي فرصته الان من رجعت له سالفة يزن معه وانه يقدر يفتح معاها الموضع ، حك دقنه ينطق : قبل امي خطبت لي لكن ما صار نصيب
ابتسمت تناظره تنطق : وانا
عقد حاجبه يتنطق : وش انتِ؟!!
ضحكت عليه تنطق بخفه : اقول لك... انا بعد كنت مخطوبه و ما صار نصيب
رفع حاجبه ينطق : عشتو ... ليش وش صار ؟
مدت يدها ترجع خصلات شعرها لوراء اذنها تنطق : كذا ماصار
اخذ نفس يحاول يهدي نفسه ينطق : قولي ... ترى ما اتحمل انا بس قلتي انقهرت اخلصي
ابتسمت تضحك عليه تنطق : هو بس كذا كلام بين ابوي وخويه بس انا اصلا كنت رافضه مابيه لانه يعع
ابتسم على كلمتها (يعع) ينطق : وليش يع
رفعت نظرها له تنطق : بس كذا
ابتسم بهدوء يسند ظهره على الاريكه ماقدر يحدد  ياخذ نفس عميق قبل ينطق : اديم اسمعي
نطقت ونظرها له : هلا
عدل جلسته يناظر لها ينطق بجديه : انا ادري ان كل ال كلام كذب و  واثق وعارف لكن لازم اقول لش
عقدت حاجبها بستغراب تنطق : ايش
مد يده يمسك كفوفها يشد عليها وينطق : قبل ساعه كنت واقف برا انتظر اخواني
جاني واحد وكان يتكلم و...
قاطعته من ضحكت بسخريه تنطق : من غيره اكيد يزن ،  قال عني كلام
اسمعني انا مابقول شي حسيبه ربي اذا كان يمشي ويشوه السمعه وهو خطيبي القديم واصلا ما كنت اتكلم معه ابدا  ... اذا تبي تصدقه انت حر ،  شحبت كفوفها تصدت وجهها عنه بقهر تلمع عيونها تحاول ما تنزل دموعها ،
سكت يعض شفته بقهر كان لازم يتأكد ما عليه لو تزعل لكن اهم تطفي النار الي بداخله
اقترب يسحبها له يحتضنها بقوه يرفض ان تبعد عنه ينطق : انا قلت لش قبل مني مصدقه وعارف انه كذاب وحقير لو ما هرب كان كسرته
حاولت تبعد عنه لكن كان شاد عليها تنطق بقهر : اذا عارف ليش تسأل 
مسح يده على ظهرها بمحاولت تهدئتها ، ينطق : ادوم حطي نفسش مكان لو وحده قالت لش كذا تسألين؟؟
اغمضت عيونها تحاول تهدى تنطق بعصبيه : ايه
ابتسم يضحك بخفه يبعدها يرفع راسها له ينطق : اجل ليش زعلانه اذا نفس قراري
اخذت نفس تعدل شعرها تنطق ببرود : كذا
رفع حاجبه بصدمه من ردها  ينطق : ترى تجنيني ، اقترب منها يقبل فكها  بقوه
تضحك تبعده عنها تنطق : كسرت فكي
التفتو الاثنين من دخل سلمان يتكتف ينطق : وش القعده الرمنسيه اقول يلا اطلع
ابتسم عزام ينطق : شدعوه ما جت ربع ساعه
وسع عيونه سلمان بصدمه ينطق : يابوي شوي وتجي ساعه وانت تقول ربع  لو يدري ابوي يدفني معك يلا اطلعع
ناظر عزام ل اديم ينطق : يرضيش ياحبيبتي اطلع الحينه ؟!!
ابتسمت اديم تناظر ل سلمان ثم ترجع نظرها ل عزام تنطق لتقهر اخوها : لا ياقلبي مايرضيني اجلس اكثر
عزام ابتسم بوسع ثغره ينطق : شفتت شفتت يلا اطلع سكر الباب وراك
انقهر سلمان يتقدم يسكر الباب وراه يتوجه يجلس امامهم ينطق : لا ابد خذو راحتكم
صغر عيونه عزام يتنطق : تجلس هنا ؟!!
هز راسه بالاجابه ينطق : عندك مانع ؟!!
ابتسم ينطق : ابداً المكان مكانك ، رجع نظره ل اديم ينطق : وش كنا نقول حبيبتي
استحت اديم من وجود سلمان تنطق بخفوت صوتها : مدري
ضحك بخفه على احراجها من اخوها يمد يده يسحبها له يقبل خدها
تشتعل  وجنتيها من احراجها الشديد  ، يفز سلمان من مكانه ينطق بقهر : ورععع
يسرع لناحيتهم يبعد اديم عنه ينطق : ابعد عنها
يضحك عزام بقوه من ردت فعله ينطق : ترا زوجتي حلالي
سلمان يكبس غضبه تشتغل الغيره داخله ينطق : ترا اختييي اختييي
تنهار اديم من فرط خجلها تتمسك بكتف سلمان تنطق بهمس : سلمان خلاص
هز راسه بالنفي ينطق : لا وش خلاص خيرر قدامي بعد!! امشي خلاص يكفي شافك وخلصتو ، وقفت مكانت تبي تهرب من احراجها الشديد 
وقبل تدخل وقف عزام  بعد نوبت الضحك الي جته من ردت فعل سلمان
ينطق : دقيقه دقيقه ما سلمت عليها
ناظر له سلمان بحقد ينطق : سلم عليها من بعد مايحتاج
هز راسه عزام يتجه لها ينطق : لا لا لا زوجتي من بعيد!! ، ابتسم يصافحها ثم يحضنها بهدوء ينطق بهمس : انتبهي لنفسش ياقلبي
-
طلع يتوجه للمجلس يجلس بجانب ابوه يرخي جسده  يسند ظهره على الكنب يسمع سوالف ابوه مع الجد فهد ، يغمض عيونه يخفي يصحى على صوت بهاج يناديه
بهاج: عزوم تعال هنا
وقف يتجه عنده هو و سعود يجبس بجانبهم ينطق بهمس : ليش جالسين هنا لحالكم
نطق بهاج بنفس همسه : ابد الشايب الي عندي مايبي
ناظر عزام لسعود يبتسم  يمد كفه يقبض خد سعود ينطق بضحك : وش فيه الحلو زعلان هاه هاه هاه ايش بك
كشر سعود يبعد يد عزام عنه ينطق : ورع ابعد مافيني شي
عزام : اجل تبين ترجع خلاص ارجع ماعندي مشكله بس اتصل علي اذا وصلت
نطق بهاج بسرعه  : ورعع وانا مع مين ارجع ترى جاي معه نجلس كلنا
وقف عزام ينطق : قومو بس للعيال ويي امكم انا اوديك، التفت يسحب يد سعود ينطق : يلا انت قدامي
-
عند العيال بالحديقه
ابتسمو حسام وغيث من شافو عزام يبعدون يتركون له مكان بوسطهم ينطق غيث : عوعو تعال وسط الفرشه  تعالل
ابتسم عزام يتجه يجلس بجانبهم ينطق : ويش العلم ؟
نطق حسام : مابه علم بس نحبك ونبيك جنبا
ناظرهم عزام بشك ينطق : الله يستر
-
عند البنات
جالسين باصاله
يضحكون ومن بين السوالف نطقت غزيل بتسأل : صح للقزاز مايبين؟
ناظرتها بتول تنطق : ايه مايبين
وقفت تتجه تقرب من النافذه تنطق : تعالو
وقفو البنات يتجهون لها  يوقفون بجانبها 
تنطق غزيل بضحك تضرب كتف اديم بخفه : شوفي عزام
ابتسمت اديم تنطق : شايفته ، ابتسمت غزيل ، تضحك جواهر تنطق : تكفينن اديم
ناظرتهم اديم بعدم فهم تنطق : وش هو ؟ شفيك؟؟
ناظرتهم شموخ تنطق : معليش منهم ذولي مجنونات
عقدت حاجبها اديم تنطق بجديه : خير صدق قولو ليي وششش؟
هزت راسها جواهر بالنفي وهي للان مستمره تضحك : لا ابد الله يسعدش مابه شي
ابتسمت نيال تنطق : ابد معليش سوي سكب وتأملي عمي
اقتربت غزيل من شموخ تنطق بصوت خافت :  هزاع واضح مهموم
ناضرتها شموخ بستغراب ثم ناظرت لهزاع واضح عليه من كانو العيال يضحكون مع بعض الا هو ساكت ، ميلت راسها بعد فهم  فهم
ابتسمت غزيل تناظرها وواضح عليها التفكير  مشت من عندها ترجع تجلس على الكنب
تنطق : بنات شدعوه  وقفتو تشوفون العيال تعالو اجلسو
-
عند العيال
تقدم سلمان يجلس بجانب هزاع  يصحيه من شروده : ولد
ناظره هزاع ينطق : هلا
سلمان : تهوجس بوش؟؟
ناظره هزاع يبتسم بهدوء ينطق : ابد ولا شي
رجع سلمان ظهره يتكي على المركه ينطق بهس: الا خابر وش فيك بس اسلم لي باكر اهرج ل جدي
تنهد هزاع بقل حيله ينطق : الا تتعب نفسك مايحتاج تدخل نفسك ب دوامات
نطق سلمان : انا راضي طيب
هزاع رفع نظره لسمان وقبل ينطق ، يطلع الجد محمد من الجلس ينطق : يلا مشينا
-
وقفت ب المنتصف تنتظر غزيل تجيها تتجه غزيل عندها توقف بجانبها
ترفع نظرها للشخص الواقف بجانب عمها تنطق ل شموخ : من هذا
ناظرت لها شموخ بستغراب تكتم ضحتها تنطق : و انتِ كل ما تشوفينه تسألين؟! بهاج خوي عزام
وسعت عيونها بصدمه تنطق : اما خويه يعع مو لايق
عقد حاجبها تنطق : ليش
سكتت غزيل بستيعاب تبتسم من ورا النقاب بفهاوه تنطق : ااااااااااااااا ولا شي ، مشت تعطي شموخ ظهرها للسياره
-
واقف بجانب عزام وسعود يحاول عزام يجون معهم لكن رافضين
بحس بنظرات احد له يلتفت يمكن وشمال مستغرب لين ماثبتت عيونه عليها يناظر لها لثواني يتذكرها هي نفسها الي عبثت ب لوحاته والوانه  كشر بوجه يصد عنها ، يستوعب اذا هي هنا يعني تقرب ل عزام رفع نظره ل عزام يبتسم له
-
عند عبدالله
ساند ظهره على الجدار يسمع لكلام الدكتور الي توصي على هَتِيفْ بعدم اجهاد نفسها
و الحركه الكثيره  ، تطلع الدكتوره يتقدم عبدالله لهَتِيفْ  ينطق ببتسامه : يعني كل ما اطلع لازم مستشفى ...وش الجهد الي سويته؟
ابتسمت تصد تنطق : ابداً ماسويت شي
ابتسم يمد كفه يمسح على راسها بخفه ينطق : اجل من اليوم مابه حركه اي شي تبينه انا عندش
رفعت نظرها له تنطق : لكن منت عندي طول الوقت
نزل تكتفه ينطق : يصير وقتي كله لش لكن اول ...
عقدت حاجبها بتسغراب تنتظر يكمل: بيتنا خلص نسكن فيه واجيب امي معنا
ابتسمت بفرح تنطق : يعني بتقول لها؟!
هز راسه بالاجابه ينطق : اكيدد ولازم قبل الولاده عشان تكون معش تساعدش
-
الفندق
دخلت جواهر غرفة نيال تنجه مباشرتنا للسرير ترمي نفسها عليه تنطق بتعب : اخيرااا
اقدر انامم
ضحكت نيال عليها تقك عبايتها وتضعها ب الدرج تنطق : ارهاق اعتقد مابوه سهره نسحبها نومه
جواهر عدلت نفسها تجلس ثم تنطق : صادقه حتى مابه فقرتنا كلهم قرايبنا
ضحكت نيال تاخذ اغراض الشور حقاتها تنطق : عاد فقرتش المفضله ... انا بدخل اتروش
تخصرت جواهر تناظر لها بصدمه : ابداً ساعه تقنعين اجي انوم عندش اخرتها هيك؟!!
ابتسمت نيال بهدوء تنطق : هذا روتيني من زمان بعد كل عزمه لازم اتروش اجلس هنا لين اخلص
كشرت جواهر تطلع جوالها من شنطتها ونيال تدخل لدورة المياه
-
دخل غيث غرفتهم
يضحك على شكل عزام الي اول مادخل انهار على سريره ينام بتعب
وقف امام الكومدينو يرمي شماغه وعقاله عليها ، تنهد بملل يسمع صوت جواله يطلعه من جيبه يناظر اسم المتصل ثم يرد : ارحب
ابتسم عبدالرحمن ينطق : البقى ... اخبارك واخبار نيال ؟
غيث : بخير الحمدالله
عبدالرحمن : ماودكم تزورونا ؟
غيث مد يده يحك راسه. ينطق : ان شاءالله الاسبوع هذا لكن اسأل نيال قبل
عبدالرحمن : تمام ياولدي اسألها ثم قلي احجز لكم ب الطياره
غيث : تمام
عبدالرحمن : و اي شي تبونه اتصلو علي ... مع السلامه
غيث : مع السلامه
اغلق الخط ، يرمي غيث جوالها بملل واضح له كيف ابوه يبيهم يتعودون عليه لكن بعد كل ذي السنين صعبه وخصوصاً انه شافه كيف كان يقسى على امه وعليه ومه هذا مستحيل يحرم اخته من ابوها وهو عارف مستحيل تروح بدونه اغمض عيونه يشد كفه بقهر بعدها يطلع من الغرفه
-
وقفت بتضجر من الحر تتجه تشغل المكيف بعدها ترمي عبايتها على الارض توهي على نفسها تنطق بهمس : باليت جبت معي غيار ، بعدها ترجع ل سرير وتاخذ جوالها مره اخرى ، تسمع صوت فتح الباب تلتفت تعتقد انها جدتها او عمتها ساره تتسع عيونها من اتها صوته الناطق : نياللل ، وقفت تلتفت يمين ويسار مالها مهرب تستوقف مكانها
يدخل يرفع نظره لها مصدوم يرتفع حاجبه بذهول يصمل ثواني ينطق : عجيب والله ذوقي مو عاجبش!!! ...، يضحك بخفه ينطق : حلو عليشش
تعض شفتها بقهر من كلمته تثير الغضب بداخلها تنطق بحدة نبرتها وعصبيتها : غيثثث
وبسرعه منها تسحب غطاء السرير ترميه عليها ، يضحك بقوه يعطيها ظهره يطلع
رمت الغطاء بقهرر وغيض من صوت ضحكاته المنرفزه لها
تلتفت من طلعت نيال من دورك المياه تنشف شعرها تنطق بستغراب : غيث حاء؟!!!
كشرت بوجها تهز راسها بالنفي تنطق : لا
عقدت حاجبها نيال بتعجب تنطق : الا سمعت صوته
تنهدت جواهر تقلب عيونها تنطق بتضجر : ابي بجامه اعطيني
ضحكت نيال على تعابير وجهها تنطق : ابداً مادخل
-
جلست بمفردها بالغرفه تشعر بالمللل  ووحده بعد ماطلعت جواهر وتعرف لو راحت ل حنان مابتجي ، اخذت تتصل على عزام اكثر من مره تزعجه ل يرد عليها بصوته
الناعس: هاهههه
ضحكت بخفه من نبرت صوته تنطق : صاحي ؟؟
عزام : لا ابد صحيت من الازعاج
شموخ : اممم الصدق ملل قلت اسولف مع عمي شوي ... اجيي؟؟؟
ابعد جواله يناظر للساعه يرجعه ينطق : تعالي تعالي
فزت بحماس توقف تنطق : يلا يلا جايه ، اغلقت الخط تتقدم بسرعه تلبس عبايتها بدرن ما تسكرها تسحب طرحتها ترميها على وجهها بعشوائيه تاخذ فقط جوالها وقبل تطلع ترسل ل امها 
-
طلعت من الجناح مستعجله تلتفت يمين ويسار مابه  احد غير عامل ينظف الغرف
ما اهتمة له تنجه لجناح جدها  تطرق الباب  لثواني ماتسمع اي رد عقدت حاجبها بستغراب
تنطق بهمس : ليكون نام وسحب علي ، تحس شخص يراقبها بلعت ريقها تناظر بدون ما تلتف للعامل تصد نظرها عنه بسرعه تتنفس ببطى تهدي نفسها من المخاوف الي دخلت براسها ، تطرق الباب مره اخر بقوه بدون اي استجابه
-
تحت بالشارع
رمى زقارته بالارض يدعس عليها برجله يدخل جوالها بجيبه يدخل للفندق
يوقف عند الأصنصير يتثاوب بنوم يصعد لدور جناحهم ، ينفتح باب الأصنصير
يطلع منه يرفع نظره يقشعر جسمه من نظرات العامل لها