بسم الله
-
عند العيال
طلعو يتمشون بالديره
عزام : ذيه السوق نروح له؟؟
هزاع :كيفكم
-
ببيت حسين
بعد ماطلعو العيال راحو البنات يسلمون على عمهم
سلمى : عمي عزوز تكفى نبي نتمشى باديره عادي البنات يجون معنى
ابو محمد ابتسم : من عزوز هذا!!
سلمى ضحكت : انت ياعمي خلاص ميانه شرايك؟!
ابو محمد ضحك عليها : تمام فيه ميانه
نيال: ايه تكفى نبي نتمشى بالديره
ابو محمد: والله اخاف عليكم كان اذا تبون طلعتو مع العيال امن
سلمى بحماس : لا ماعليك دايم نطلع ونتمشى هنا هدو وامان واسأل يبه
الجد محمد: ايه والله هنا امان عادي
ابو محمد صغر عيونه :خلاص رحو بس عشان سلمى
ابتسمت وقامت تبوس راس عمها : تسلم يالغالي
الجد محمد: يلا اطلعو قبل تظلم الدنيا وارجعو بدري
سلمى: على ذا الخشم، وقامو البنات يلبسون عبيهم
..................
عند العيال
كانو يتمشون بالسوق
سيف: ياخي انتو ماعندكم كوفي شي
عزام: لا ماعندنا تبي بالمدينه
غيث : عندنا غير علوم الرجاجيل
سيف: حسستني اننا مو ريايل
عايض: اقول يا ريايل فيه بقاله شي مره عطشان
عبدالله: ايوه فيه تيه عاينها
عزام: هيا نحتريك
-
عند البناه
غزيل: يوه الاجواء هنيا تهبل
سلمى: ايوه تهبل وتجنن مو زيكم حر
العنود: لا اجوائنا بالشتاء تهبل غيوم ومطر وسيول وربيع
حنان: لكن بالصيف حر احنا بكل الحالات غيوم ومطر
غزيل: ايه والله فطيسه وحر
جواهر : وي وش ذي الهروج الخايسه اهرجو زين
شموخ: شرايكم نزهم مريم تجي معنى
سلمى كشرت من طاريها: لاوين تلقينها مشغوله اختها توها جايه واكيد مشغوله معاها
حنان وهي تتنفس بتعب : تعبت نجلس هنيا
العنود:ايه تعب نجلس نريح ثم نكمل
سلمى لفت عليهم وتمشي على ورا: وييي اجتمعو العجز
غزيل ضحكت: لقو بعض يلا نجلس
شموخ بخوف : لا بناه وش نجلس بوسط الشارع وش راح يقولو عنا
سحبتها سلمى وهي تجلسها جنبها : وش يقولو نبي نجلس وش فيها يا لخوافه اجلسي بس
شموخ: طيب على الاقل فرشه عباتي خبار
سلمى: ياشيخه عادي وراك انتِ
-
بعد ساعه رجعو كلهم للبيت
عندالرجال
الجد محمد : بكرا عزيمه كل اهل الديره بمناسبة
تقاعد عبدالعزيز و جيته هنيا
عبدالعزيز: ما يحتاج يالغالي. مو لازم
الجد محمد ابتسم: الا وكان عزمت الديره كلها
الليله ترقدون عندنا
-
عند البناه
رتبو فرشهم بجنب بعض
شموخ: شراكم نتابع موڤي ؟!
غزيل: ايه بس كيف نتابع
دخلو عليهم ريم وشيخه
شيخه: ايوه ليه ماقلتو انكم طلعتو
ريم: ايه عشان نطلع معكم خير تطلعون لحالكم
شيخه : صح توكم ورعان ماتفهمون شي لازم احد كيبر معكم
ضحكت سلمى: لاحبيبتي مانبي متزوجات و حوامل يعكرون الجو
ريم: جايك الدور
كشرت: لا وش ابي بوجع الراس
جلست معهم ريم: يلا وش ناوين عليه
جواهر عدلت جلستها : الحين ليه ناشبه لنا روحي عند رجلش
ريم تنهدت: رقد عند العيال وسحب علي
جواهر هزت راسها بحزن: اخخخ منك ياسلطانوه كيف يترك الجمال ويروح للوحوش
ريم: ماعلينا وش خططكم للسهره
شموخ: نتابع موڤي
شيخه : اتركو الوڤي و ارقدو
سلمى: وش نرقد يا شيوخ
شيخه: ياليل بكرا جدي عازم الديره لازم ترقدون
سلمى شهقت: تكفين لاااااااا بوجهي حبه كيف اطلع لهم
ليه تطلع لي ليه!!!
جواهر : اشوف مسكت وجه سلمى تلفه يمين يسار وتعاينه
:مافيه شي وينها
دفتها وهي تأشر على فكها: عايني تيه
شموخ: ياويلي مب مبينه واجد كونسيلر يخفيها
حنان: ويي سلومه لا تكبرين الموضوع مو واضحه
سلمى جلست بتذمر: ياحظش ياسلمى بالوقت الغلط تطلع
ريم: حبيبي انتِ تكبرين الموضوع وايد ترى كلها حبه
شيخه تنهدت: عند سلمى مو بس حبه
سلمى بأنفعال : ايه تبون يعاينوني والحبه بوجهي خير
مافيه شي يخليها تروح بيوم واحد ياحظي
شيخه: خلاص ارقدو وانتِ نشوف بكرا
-
"صباح يوم جديد عند ابطالنا"
~
بعد ماصحو و افطرو توجهو العيال للمزرعه كالعاده
والبناه بدو بترتيب البيت وتجهيز
واقفه الهنوف عليهم: بسرعه خلصو عشان تتجهزون
حنان بتعب : انا ليه اساعدكم مو من اهل البيت
جواهر : لا يا حنون كان وقفت عند باب بيتكم عشان تجي تساعدنا
هنوف: بلا هرج جهدا
وقفت سلمى: كلصانا مدام في تاني شغل؟!!
ضربتها مع راسها : انقلعي بس عن وجهي انتِ والحبه
سلمى: ياخي انا كل ما انساه تذكروني فيها اففف
-
عند العيال بالمزرعه
كانو منقسمين عشان يخلصون بسرعه
غيث وحسام ماسكين الغنم يحلبونها بعد ما انتهو
غيث ربط ثوبه على خصره : حسبي الله عليكم ثوبي كله حليب
سلطان: محد قال تصارع معها واقول لك اركب بالحوظ
غيث : خيرررر مو مره ثانيه !!!
حسام طبطب على كتفه يعز راسه يمثل الحزن : معوض خير يابو سعد معوض خير
سلطان: لايكثر وانت معه
طارت عيونه بصدمه : ليهههه وس سويت !!!
ضحك غيث : تستاهل اجل معوض خير
سلطان لف عليهم وخزهم : يلا اركبو بس
-
"العصر "
عند البناه
كانو يتكشخون للعزيمه
سلمى بتفكير :بناه البس الاحمر او الكحلي ؟!!
شموخ: الكحلي يفوز
غزيل: ايه والله الكحلي يخبل
سلمى: اجل بلبسه
لفت بسرعه جواهر تسحبه منها : انا بلسبه
غمضت عيونها ريم واخذت نفس وقامت واهي ترمي الكحل وقالت بهدو: دوري احد ثاني يسوي لش الايلاينر ،وكملت بصراخ: ليهه تروحين وتركضين وانا ماخلصت عاجبش شكله الحين مني مظبطته لش وطلعت برا الغرفه ،لفت جواهر بستغراب : وش فيها ذي
سلمى طالعت بوجه جواهر وضحكت استغربت من ضحكها : وش فيش تضحكين
سلمى : شوفي وجهش كيفف يضحك،ركضت تشوف بامرايا وشهقت وهي تشوف وججها عليه خط من الايلاينر واصل من عينها الى لاذنها : يمه وش هذااا!!!!!! تكفون ساعه وانا اسوي الميكب ،بوقت تحلطمها سحبت سلمى الفستان وطلعت تلبسه بعد دقايق دخلت عليهم: هاه رايكم بسرعه
شموخ: غلّه
نيال: مزينه لكن مو نفسي
ضحكت بغرور: احم ادري اني مزينه
لفت عليها جواهر : من جعفر الى نانسي
خزتها وقالت بدلع وهي تلعب بخصلات شعرها: من يومي وانا مزينه وجميله لكن انتِ عمياء
دخلت عليهم الهنوف بعصبيه : بسرعه ماخلصتو جو الناس
حنان : خلو الحوسه مو لازم نرتبها بسرعه بس خلنا نطلع
-
عند الحريم بعد ماتعازمو البنات من تسلم اوف جلسو بزاويه سلمى: كثرو اهل الديره فجأ وانا مدري
حنان : ايه والله احسهم كثرو
جتهم مريم تجلس جنب سلمى : سلام، ردو السلام عليها
مريم: كيف اخباركم؟
سلمى: بخير الحمدالله ايه صح اعرفش ذولا بنات
عمي عبد العزيز
مربم ابتسمت: اخباركم انا مريم
العنود : الحمد الله بخير انا العنود وذي اختي غزيل
مريم : انتو اخوات ريم حرم سلطان صح؟!
العنود : ايه
وبدت سوالف البنات
-
عند العيال
كانو مبتلشين مع جدهم سيف لف على حمد : الحين ليه ماجبتو ناس تصب القهوه بدال ما نصبه انا وانت
حمد : حبيبي ترى حنا بالديره مو حايل وبعدين جدي لو يسمعك يذبحك مايحبهم
سيف : قعدنا فيها
-
عند سلمى ومريم
مريم. : مشوين وانا جايه شفت واحد واقف بعيد شوي عند بيتكم كان يدخن يالبيه متكشخ الغتره الثوب يجنن شنبه
واي ذبت
سلمى ضربتها بكوعها : اسكتي اقول قالت ايش قالت ذبت وععع لا بعد يدخن
مريم تعروت من ضربتها: طيب عادي اذا كان يدخن وش فيها
سلمى: اذلفي عن وجهي بس بقوم اساعد امي
قامت و سرت المطبخ عن امها: يمه تبين اساعدش
ام سلطان: جيتي بوقتك شوفي كراتين الببسي والسيفن برا دخليهم
زمت شفايفها بملل: طيب
-
بنقس الوقت عند العيال
نادا عزام حسام وعايض يشلون معه كراتين الماء والمشروبات
عزام : بروح لابوي انتم دخلو الباقي
بعد ماراح حسام عاين بعايض : شرايك تشيل اخر واحد
عايض : وليه انت ماتشيله
حسام: بروح عند حمد اكيد جاب العيد زي كل مره
عايض بقل حيله : روح روح بس لا اهبدك
شال اخر كرتون ودخله بالحوش وقف يطلع جواله يرد على السائل
-
أنت تقرأ
أنتِ الشموخ الزين وأنتِ مهابهـ..
De Todoمن الشمال الى الجنوب بعد غياب سنين ارجع الى ديارنا الاولى الديار الي جمعتنا وانا كلي لهفه لحب طفولتي ........ - حساب الانستا : 8rewei44
