أنتِ الشموخ الزين وأنتِ مهابه

Part 39

-
الرياض
صحى ب انزعاج من صوت طرق الباب المتواصل ، تأفف ب انزعاج ماله ساعات من وصل و من بغى يرتاح وقف بتضجر يتوعد ب الي خلف الباب ، اتجه يفتح بغضب وهو مسكر عيونه من الضوء ينطق : خيرر؟
فتح عيونه من سمع صوت سلمان الناطق : وش ذي الاخلاق ...ساعه واقف انا
ابعد ماتبي ادخل ؟؟ ، ابتعد هزاع عن الباب يتجه يجلس على الاريكه ينطق بتضجر: ادخل ادخل صدعت فيني
تقدم سلمان يدخل يتقشر جسده من برودة الغرفه ينطق : ظلام و المكيف اخر شي وش تحس فيه ، اتجه يشغل الانوار ويسكر الباب خلفه يوزع نظره للغرفه ينطق : وش سويت من جيت ؟
هز راسه ب النفي ينطق : لا ... نمت
سلمان : ياشيخ اجل بطلب اكل جوعاننن ، ومن بعدها نشوف لك الابتوب
تنهد بهدوء  : طيب
اخذ سلمان جواله يدخل احد تطبيقات التوصيل يختار له مطعم ينطق : هزوع تبي ؟
هز راسه ب النفي ينطق : عليك ب العافيه م
سلمان رفع نظره له ينطق بسخريه : والله؟ لا يكثر بسرعه تبي ايطالي ؟ ... خلاص بطلب بيتزا انواع المره ذي علي المره الجاي ب اول راتب لك تعزمني
ابتسم ينطق:ابشري ماطلبت شي
~
بعد ما انتهى سلمان من الطلب نزل هاتفه على الطاوله ينطق : يلا وين الابتوب؟
وقف هزاع الي تغير مزاجه للافضل يجيب الابتوب ويعطيه سلمان  ، ينطق : شوف بترك كل شي عليك
سلمان اخذه منه ينطق : ازهلني بضبطك ب افضل وظيفه ، تقدم يجلس بجانب سلمان ،ابتدا البحث بمواصفات تعجب هزاع
-
سوق الديره
حسام وغيث
غيث الي كان يمشي وهو يناظر ببتسامه مشتاق للديره وكل شي فيها ماعجبه جو الرياض او ب ب معنى اخر ما عجبه العيش عند ابوه ، توه يحس ب انشراح صدره
لو انها صغيره لكن سوق واصوات الناس الاغلب يعرفهم ويسلم عليهم  ترد روحه ب الاجواء الجميله ، ينطق :تدري اني احب الديره
ابتسم حسام ينطق : يابوي لو اعيش ب الرياض بنسى الديره و ناسها
غيث بطئ خطواته ينطق : الي يبعد عنها يعرف قيمتها ، ولا والله افضل بكثير عن نفسي اعيش هنا ولا اعيش ب المدينه
سكتو يكملو مشي ما عندهم وجهه او مكان معين، مرو من جنب دكان قديم
ابتسم من هلت عليه الذكريات وقف عنده ينطق : تذكر يوم كنا نسرق حلاو و فصفص من دكان ابو مفلح ؟
ضحك حسام  ينطق : ايهه ومن تروح جواهر تعلم علينا جدي لان ما عطيناها
غيث : سبحان الله من يومها نفسيه
ضحكو سوا ، يكمل حسام : ولا يوم هربنا من البيت عشان نطلع للعيال
قاطعه غيث من نطق : ونفس الشي جواهر علمت علينا ياشينها اول
ضحكو من قلب ، كانو من صغرهم مع بعض ولا افترقو حتى ب المشاكل وهواش جدهم لهم
-
في الطريق
بعد ساعه من طريقهم حاولت ما تغفى عيونها مرهقه لكن الخوف يمنعها كل ما اغمضت عيونها ترجع تفتحهم من جديد ، الصمت ب السياره يخوفها وبنفس الوقت راحهه و اطمنان رفعت نظرها للطريق تستغرب من استوقف ب محطه ينزل للبقاله يتركها بفردها رجعت ظهرها للخلف تسنده تغمض اعيونها بقلقل تتمنى انه ما يخونها ويغدر فيها بعد دقايق كثيره رجع يفتح باب السياره ويركب اخذ الاكياس بحضنه يطلع منها عصير برتقال وفطيرة جبن و قطعت من الشكولاه
مد يده لها ب العصير و الفطيره بدون ما يرفع نظره لها او يناظر
ينطق بهدوء : تفضلي
ترددت للحظه هل تاخذها؟ جاها على الوتر هي الان بتموت من الجوع اخذت العصير و الشكولاته تترك الفطره ، استغرب منها  مايبي يناظر لها ل يحسسها ب الامان نطق : ماتبينها؟
هزت راسها ب النفي تنزل العصير بحضنها تنطق بخفوت : ماحب الجبن
سكتت ثواني يناظر للاكياس من ثم رجع الفطيره ب الكيس يخرج نوع اخر حشوته شكولاته كان جايبها لنفسه بس مايضر لو اكل الجبن مدها مره اخر لها
ينطق : خوذي ذي
حاولت اخفاء ابتسامته وهي ب الاصل ما تعرف لماذا تريد الابتسام
مدت كفها تاخذ منه الفطيره ل تسكت جوعها قليلاً ، عضت شفتها بتردد قبل تهمس
وهي تناظر للنافذه : شكرا
من بعد كلمتها رجع الصمت يخيم مره اخرى ، تفتحت العصير و الفطيره تبدا تاكل بهدوء