أنتِ الشموخ الزين وأنتِ مهابه

Part 40

-
-

ب الداخل
بتول المنهارة بحضن جدها و اديم وجوزاء واقفين بصدمه من بكاءها الهستيري
انهارت بحضنه تبكي ب انهيار تنطق : اناا انا كذبت على بابا وكنت بموتت
لم يفهم جدها ماذا تقول ينطق : بسم الله عليك هدي وتكلمي ، يمد يده يمسح على ظهرها بهدوء ياحول يهديها ،
بلعت ريقها اديم كل افكارها السيئه تداخلت تنطق : بتول وش سويتي ؟؟ وش صار؟؟
ماردت عليها تدفن وجها بحضن جدها ، رفع نظره الجد فهد ل اديم ياشر لها انها ماتتكلم او تسألها لين ما تهدئ
صدت اديم تمشي بتوتر تضغط على كفوفها بخوف و جوزاء تحاول تهديها ،
بعد دقايق مع استمرار بكاء بتول ، دخل سياف بعد ما خرج حمد
تقدم بخطواته الثقيل ينطق بحده : بتول
ابتعدت عن جدها ببطى تمسح دموعها ب كم عبايتها تقف امام والدها تمد كفوفها تمسك يدينه تنطق برجاء : اسفه اسفه كذبت عليك وربي عاقبني بابا تكفى سامحني
ناظر سياف لها يشد على يدينها ينطق بقهر : ليه؟ ليه ؟ انا مانعك من شي يوم تكذبين علي؟؟ ليه تخوني ثقتي ليهه؟ اذا بمنعك لمصلحتك مو لي ليش رايح ل قرية **** وانتِ عارفه انها بعيده ليشش؟؟
انخفض صوتها تكاد تختنق من الدموع :اسفه اسفه خفت ترفض ... ماكنت ادري انها تكذب مادريت انه يبون يستدرجوني مادريت بابا سامحني سامحنيي
صرخت اديم بقهر عليها تنطق : قلت لك لا تصدقينها بس انتِ غبيه غبيه ماتفهمين مو اي احد تصاحبينه او تعطينه وجهه غـبـيه مـعـتـوهـه
تنهد سياف بخوف هذا الي خافه احد لعب عليها سحب كفها من حس برجفتها يجلسها على الاريكه ينطق بهدوء : علميني علميني ب السالفه
-
بيت عبدالعزيز
دخلت غزيل البيت وبيدها اكياس البقاله توجهت للصاله تنزل الاكياس ب الارض
تنطق : اسلام عليكم
التفت لها عبدالعزيز ينطق : وعليكم السلام
فكت عبايتها ب تعب ترميها على الاريكه تنطق : اوفف الاغراض ثقيله وترى مارحت بيت عمي حسين الوقت متأخر مابي ازعجهم
رفعت ام هزاع نظرها لغزيل تنطق بحده : العبايه مو ب الصاله حطيها بغرفتك
تأففت غزيل بملل تنطق : مالي خلق بشيلها بعد شوي
نطقت ام هزاع بغضب وهي الي ماصارت تتحمل : غزيل شيليها
هزت راسها غزيل بهدوء ماتبي تعاندها تقدمت تاخذ عبايتها و اغراضها وقبل
تصعد نطق عبدالعزيز يخفف عليها : وبعدها تعالي مسلسلك بينعرض بعد شوي
ابتسمت غزيل ب مجامله تنطق : ابشري بحطهم و برجع
-
بيت حسين
بعد ما غادرة سارا
وقفت جواهر عند المجلاه تغسل فناجيل القهوه و الصحون ونيال بجانبها تساعدها
و يغنو بعض الاغاني
دخلت شموخ تضع الصحن على طاولة المطبخ تنطق : ياييييي ... ثنتين على الغسيل؟؟ وحده تساعدني يلا
التفتف عليها جواهر وهي تهز اكتافها : وي وي دلوعه ترى كلها تجيبي الاغراض
شموخ : اجل ياحبي انتِ جيبي الاغراض
دخلت ام سلطان تضع صحن الكيك بجانب المغسله تنطق : وينها سلمى ماشفتها ؟
شموخ : اتوقع نايمه بغرفة جواهر
تنهدت نجلاء  تنطق : و ليه ؟ يعني زعلانه على زوجها منتهاوشين ؟ قالت شي؟
ابتسمت شموخ تنطق ل تطمئن امها : لا مابينهم شي ، تلقينها اشتاقت لنا
نجلاء استندت على الطاوله تنطق : و حنان يمه وش فيها؟ حسام قال لها شي؟
هزت راسها شموخ ب النفي : ما اعتقد حسام يحبها يمكن اشتاقت هي برضو ل امها
نجلاء : الحمدالله اجل بعد خلصو ناموا
جواهر : معليك بننام بعد ما ناخذ العلوم من شموخ شكلها تعرف اشياء كثيرر ما اعرفها
عقدت حواجبها نجلاء تنطق : ياحبش لها
-
عند حسام
بعد ما دخل غيث ينام ، اتجه هو الاخر لغرفة بعد نوبت ضحك مرت عليهم الاثنين
فتح باب الغرفه بهدوء مايبي يزعجها ، ظلام بس فيه نور الاباجوره الخفيف
سكر الباب خلفه يتقدم ياخذ ريموت المكيف  يخفض درجة الحراره ، رفع نظره من لاحظ تحركه خفيفه من طرف السرير اتجه ينطق بهدوء : حنيني نايمه ؟
ماسمع منها ردت يضن انها فعلاً نايمه صد عنها وقبل يتحرك سمع صوت قحتها خفيفه مكتومه حاولت تخفيها رجع يانظر لها مستغرب ينطق : حنينـي؟؟
تقدم يرفع اللحاف عنها بخفه ينصدم من ملامح وجهها الباكيه و انفها الاحمر عيونها المنتفخه
مد كفه بسرعه يمسك فكها ينطق بخوف : حنو فيش شي ؟
اغمضت عيونها بقهر ماتبيه يشوفها وهي تبكي بهاذا الضعف ولا الحزن
، هزت راسها ب النفي مالها الا التمثيل تنطق بصوتها المبحوح و بخفوت : تعب ...شوي
توترت من نظراته كانت تفحصها يحاول معرفة السبب و الكلام الي ماقالته
مد كفه يضعه على جبينها يقيس حرارتها ينطق بهدوء : سخونه؟ ... وش هو التعب
للي يخلي عيونك تبكي كذا ، اقترب لها اكثر ينطق بهدوء: حنيني
اغمضت عيونها بضيق تصد عنه تنطق بهمست : تعبانه...تعبانه يا حسام
سكت مستغرب من تعبها المفاجئ الاكيد انها متضايقه من شي و لازم يعرفه
ابتسم من حب يمزح معاها ويغير نفسيتها ، عقد حاجبيه يمثل الصدمه ب وجهه يقرب منها يهمس ب اذنها : ليكــوننن...... حـامـل!!!!
شهقت ترجع فتحت عيونها بصدمه وينن تفكيره هذا يطيره بعيد ، بعيد كثيرر للمستقبل الي يمكن ما يتحقق تجلس ثواني تجمع كلامها الي طار من سؤاله ما تنتبه ل طيف ابتسامته وملامحه يحاول يمسك ضحكته ، تنطق بعصبه : حسام انا تعبانه وضايقه وانت تهبل... لا مو حامل
ضحك تتسع ابتسامته ينطق : وليه الحامل ما تتعب ؟؟
تأفف بضيق وكانه مايبي يفهم تنطق بنفاذ صبر وتعب ونبره ب الغلط طلعت منها زعل على دلع : حساموو كفايه خلاص مو حامل ... تـعـبـانـه
ابتسم يعبد وجهه عنها يمد كفه يحك راسه ينطق : ابشري ابشري مو حامل
ابعدي لي
التفتت ناظر ل لجهه الاخر من السرير و بقيته ميلت شفتها تنطق : شوف مكان
هز راسه ب النفي ينطق وهي لا تزال الابتسامه بـ مبسمه : ابي هنا
تأففت بملل تبعد تخلي له مكان ، تقدم يستلقي على طرف السرير يمد رجوله براحه
يسحب اللحاف يغطي نفسه ويغطيها من البرد وكانه صدق انها سخونه داخليه
ثم مد ذراعه يسحبها له يضمنها ينطق بهدوء : عشان اذا تعبتي و البرد ...وبعد عشاني ما انام الا كذا
اغمضت اعيونها بهدوء تداهمها الافكار الشينه نزلت دموعتها صداع من كثر بكاها
نطقت بهمس : حسام
تمم بهدوء وهو مغمض عيونه يداهمه النعاسس : همم
سكتت للحظه ، صوتها مبحوح وكأنها تجمع شجعتها من بين دموعها : تحبني ؟
فتح عيونه يناظر لها بنص عين يحاول يركز ومايغفى نطق ب نعاس : وش رايش انت؟
بلعت ريقها بخوف و توتر تنطق : بس خالي هو ال... ، سكتت من رفع كفه يضعه على شفايفها ب انزعاج ، يناظر لها بجديه رغم النعاس ، ينطق : خــلاص موضوع منتهي
-
الصباح |الرياض|
وقف امام المرأه يعدل شماغه ثم ياخذ العطر يرش منه القليل ، يمسح شاربه يرتبه
ابتسم بثقه وهو يناظر لنفسه التفت من نطق سلمان بنعاس : كم الساعه ؟؟
هزاع :الساعه سته
تأفف سلمان بكسل ينطق : وليه صاحي بدري ترى المقابله الساعه سبع عيوني انفقعت من النور
اخذ هزاع اغراضه يضعها بجيبه ينطق : انت تعرف زحمت الرياض ؟؟ قوم بس نطلع نفطر ولا تبي تاكل بيض مافيه طعم من الفندق
ابعد سلمان البطانيه عنه يضع كفه على رقبته ب الم ينطق : اسمع اليوم انت تنام على الكنب ظهري و رقبتي تكسرو
هزاع : تبي تطلع ولا ؟
رجع سلمان يضع راسه على الاريكه ينطق : لا ... روح انت
جلس يلبس جزمته بسرعه ثم يخرج من الشقه ينزل بسرعه مايبي يتاخر
-
بعد ساعه
وقف سيارته امام الشركه  يناظر ساعته باقي رفع نظره للمحلات الموجوده اخذ جواله ينزل ويقفل سيارة يتجه ل احد الكافيهات القريبه يطلب له قهوه و ساندوش ياخذها ويجلس ب احد الطاولات
-
بيت حسين
جلست  سلمى تنطق بملل : اوفف ماراح يطير البيت
نجلاء : ولو يابنتي مايصير كذا تاركه بيتش
هزت راسها سلمى بيأس : طيب طيب بس افطر بروح معليش
ضحكت جواهر تحط صحن البيض على الطاوله : شدعوه سلموه ذي مو طرده
نجلاء :  يا سلمى مو زين تتركين رجلش كذا
سلمى رفعت اكتافها بملل تنطق  : طيب الواحد ماطفش من الثاني؟؟ لازم اغير جو
ابتسمت جواهر تجلس بجانب سلمى تاخذ قطعه من البيض ب كفها تقربها ل فم اختها تنطق : ولا يهمش هناك عايض وهنا انا اكلي اكلي
ضحكت سلمى تبعد كف اختها عنها تنطق : وي وي روحي عن وجهي وش ذا
ضحكت جواهر تنطق :  يقلون رومنسيه ... الا يمه حسين قبل كان يوكلك
عقدت حاجبها نجلاء تنطق بحده مصطنعه : اسكتي بس
وقفت جواهر ضاحكه تنطق : ابشري بروح اصحي نيالوو
-
|حمد |
صحى ب انزعاج من صوت جواله ، فرك عيونه ب نعاس يسحبه و يغلق المنبه ناظر للساعه تنهد بتذكر انه وعد سياف مد كفه يمسح على وجهه بتعب يحس ب عظامه تتكسر من الالم تأفف بضيق يوقف يسحب نفسه بخطواته الثقيله ل دورة المياه
يغسل ووجه بماء بارد رفع وجهه للمراءه ، عيونه متنفخه واضح عليه التعب ، حك راسه بوهقه هو ماجاب معه ملابس كيف ب يتروش ماتوقع انه بينام هنا عبس بضيق ، ويقف لحظات يفكر ينطق بهمس : اهم شي لبس نظيف ، خرج من دورة المياه
يجلس على السرير يحسب جواله يتصل على شموخ الي ردت
بعد ثواني تنطق بغضب : شــرف حـمـيــد وينك من امس ؟؟
حمد : اهلينن... عندي شغل
شموخ : ايوهه؟ الي بعده؟
ابتسم حمد بهدوء ينطق : ابد بس اطمنكم عني يعني عشان ما تخافو علي
ضحكت شموخ تنطق بمزح : ابشرك محد بيخاف عليك...
ينطق ب مزح : بس اتزوج زوجتي بتخاف علي
شموخ : لا تخاف بقنع امي تخطب لك من بدري اضبطك انا
ابتسم يضحك من قلب ينطق : يلا يلا عندي شغل مع السلامه ،
اغلق المكالمه وهو مبتسم ، رجع يناظر جواله جته رساله من سياف
رمى جواله على السرير يقف ياخذ ثوبه الي علقه امس قبل ينام ، لبسه بسرعه ياخذ اغراضه يضعها ب جيبه و جواله ويخرج من الشقه
-
الرياض
عدل ترسيم شماغ من ثم اتجه يدخل للمكتب بهدوء ويلقي السلام
يميل شفته بعدم اعجاب بنت هي الي بتقدم المقابله تقدم يجلس ب الكرسي المقابل للمكتب ،
رفعت راسها له تبتسم بهدوء : عليكم السلام... هزاع بن عبدالعزيز؟
هز راسه ب الاجابه ينطق : ايه نعم ،
رفعت ملف امامها ، تقلب فيه بعين مركزه تنطق : قد توظفت؟
رد ب هدوء : ايه
سحبت الايباد بجانبها تبدا تعبي فيه بيانات : وين كانت اول وظيفه ؟ و وش سبب تركك لها ؟
رد بدون مايطالع منزله عيونه للمكتب : شركه صغيره ، الظروف السكن
هزت راسها تنطق : في حائل صح ؟
هزاع : ايه
ابتسمت بهدوء ترفع نظرها له تسكت ثواني ب التفكير ثم تنطق : ايش متوقع من بيئة العمل هنا ؟
هزاع : وضوح و التزام واكيد الراحه قد قريت عنكم كثيرر واعرف بعض الموظفين
هزت راسها مره اخر تنزل راسها وتكمل ب البيانات تنطق : مثال جاك ضغط عمل
بدا يهز رجله بملل و ارتباك لكنه يحاول انه يكون واثق : طبيعي جزء من الوظيفه
اغلقت الايباد ترجع ترفع نظرها له من جديد وهذي المره ب تدقق اكثر في ملامحه
تنطق : تحب العمل ب فريق او فردي ؟
هزاع : افضل فردي و لابئس ب الفريق اقتراحات اكثر
ابتسمت وهي تسند ظهرها على الكرسي تحرك القلم بين اصابعها بنعومه : امممم
حلو، ابتسمت وهي تشوف الارتباك الي فيه مو من المقابله الا منها ، بدات تسأله اكثر من سؤال وتكتب على الورقه
بعد ما انتهت اغلقت الدفتر تنطق : يعطيك العافيه اخ هزاع بيجيك ايميل و ان شاءالله القبول
هز راسه ب الاجابه مايرد عليها
-
بيت حسين
العصر
دخلت شموخ الصاله تناظر ل امها الي تتكلم مع جواهر
تقدمت تقاطعهم بهدوء : ماما ابي اهرجش ب موضوع
نزلت جواهر ثلاجة القهوه ترفع نظرها تنطق بقهر: لا لا قولي جواهر ما بغاش تسمعي
تأففت بملل وهي اعصابها مشدوده من بداية : جواهر تكفين ، تقدمت تمد كفها تمسك كف امها تنطق : تعاليي
هزت راسها نجلاء تنزل فنجال القهوه تقف معلها تنطق : يلا يلا
سحبت امها معاها مسرعه ل غرفتها تغلق الباب خلفها
اما جواهر عسبت بقهر تنطق : و انتِ يا جواهر اهرجي مع نفسش عادي
سحبت شرشفها تضعه على اكتافها وقفت تتجه تفتح باب الحوش
ناظرت بسرعه تقف عيونها على غيث الجالسه على الارض ب منتصف الحوش معطي ظهره للباب وكل ثواني يضحك من قلب ، ابتسمت بخبث تقترب له بهدوء ، معرفة وش يسون بجواله وسبب ضحكاته وقفت خله تميل راسها تحاول تشوف جواله
كشرت من انها ماقدرت تشوف نطقت بغضب : ولــد!!
التفت غيث يفز بسرعه بخوف و ارتعاب رمى جواله بحضنه ينطق : بـسـم الله انتِ من متى هنا؟؟ خوفتيني
ابتسمت تضحك بعلو صوتها على ملامح وجهه تنطق : من يوم كنت تضحك ، مدت كفها تنطق : هب الجوال بشوف من يرسل لك
سحب جواله يطفيه ويدخله بجيبه : محد يلا بس ادخلي
شهقت بمزح تنطق : وجع تكلم بنت؟!!
عقد حواجبه يحاول يمثل الجديه ينطق : وش هذا الكلام؟!!! ابعدي عن وجهي
حطيت يدها على خصرها تنطق : ايه اجل كل هذا الضحك لمن؟؟ ، اقتربت بحماس : ابي اشوف
لف وجهه يصد عنها يحاول يفكر ب حاجه ، رجع يناظر لها من طرت بباله فكره
ينطق بسرعه : حرب بين نمل و صرصور
سكتت ثواني ثم افجرت ضاحكه تنطق : نملل؟؟؟ تحسبني فاغره؟ الا بيننا الايام وحمودي بعرف
تأفف منها ينطق : داخل داخـل
صدت عنه بغيض تتجه بسرعه تدخل
-
سكرت الباب خلفها بتوتر من قرارها ، تتقدم نجلاء تجلس على سرير بنتها تستغرب ملامحها المتوتر تنطق : شموخ لا توتريني
تنهدت شموخ تفرك يدينها بتوتر تنطق : انا قلت لش عن الخطبه وابوي فتحها علي مره ثاني انا يا امي رافضه رافضه
بلعت ريقها تتقدم تجلس بجانب امها تحاول امساك دموعها تنطق : انا انا رافضه استخرت كثير مابي لكن لازم لازم اوافق عليـه ، رفعت كفوفها تغطي وجهها تنهال دموعها وتبدا شهقاتها ب العلو
سكتت نجلاء بصدمه و حيره ، الاكيد بداخل بتنها شي عميق  وقلبها
اقتربت منها تمد ذراعها تحتضنها لتحسسها ب الامان ، نزلت كفها تمسح على ظهرها من شدت عليها بيدينها
نجلاء : شموخ حبيبتي شوي على نفسش لا تتعبينها ب التفكير و اعيد لك دامك استخرت ربي يختار لش الخير قولي لي اذا شي مضايقش ومحزنش
رفعت راسها ببطى تمد كفها تمسح دموعها بقوه تحاول تكتم شهقاتها
تنطق : احس بضيقه اذا فكرت ب الموضوع
هزت راسها نجلاء بتفهم عليها تنطق : خلاص انسي الموضوع انا بفاتح ابوش و اقول له رفضش لا تخافي من شي خيره
ابتسمت بهدوء راحه و تعب وكان هم ثقيل على صدرها انزاح رجعت شعرها ل ورا من كان على ووجهها تمد كفها تمسك كف امها بقوه تنطق بصوت مبحوح : مو لازم اوافق
انا رافضته من الداخل ؟
ابتسمت نجلاء تشد على كفها ب لطف تمد كفها الثاني تمسح على وجهه بنتها
: لك كل الحق لا تجبرين نفسك من اليوم ما في اجبار او كسر ، انتهينا ؟
هزت راسها شموخ ب الاجابه لا تزال دموعها تنزل لكنها ارتمت بحضن امها مره ثانيه تتنهد براحه وهي خلاص تعب تفكيرها وتعبت نفسها وكانها تنقذت من ثقل كان مختنقها نطقت : مام اقول لش شي ؟
نطقت نجلاء وكفها تمسح على شعر و ظهر بنتها : قولي مابي تخبين شي
نطقت بهدوء : انا كذبت اول مره قلت لش ما استخرت ولا شي الضيقه لعبت فيني
توقفت نجلاء للحظه يدها لا تزال تمسح على شعر بنتها تناظر لها بضيقه و حنان
تنطق : وليش الكذب ؟ انا ماشفت فيش الا الخوف و التوتر كل يوم تبكين والتعب لعب فيش لكن الضيقه الي حسيتي فيها هي بذاتها اجابه احيانا القلب يصرخ حتى لو اللسان كذب او سكت
ابتسمت برجفه دموعها لا تزال على خدها لكنها تبكي براحه هالمره مو الم
-
بيت عبدالعزيز
دخلت غرفتها بسرعه ترمي شنطتها على الارض بملل ترفع نظرها للغرفه للحين اغراضها ب الارض تأففت بتعب
يدخل خلفها عايض يغلق الباب خلفه ينطق ب استغراب: وش فيك معصبه؟
تقدمت تفك عبايتها تضعها على العلاقه تنطق : مفروض تجيب ورد شي تستقبلني ؟
رفع حاجبه ب ضحكه ينطق : بالله؟ كل هذا عشان ورد
التفت عليه تهز راسها ب الاجابه تنطق بقهر : انت حتى ب المستشفى ما جبت لي
يزعل ترى
ابتسم ينطق : ابشري الحين وش اسوي؟
سكتت بتفكير ثم تنطق ب تشرط: ترتب الاغراض تعرف حامل اتعب و ... و تطلعني ناخذ كوفي ونتمشى واهم شي الورد
ضحك بخفه ينطق : تم... من عيوني غير الاغراض مستحيل
عبست تمثل الحزن بملامحها تمد كفها تضعه على بطنها تنطق : يعني عاجبك اشتغل وانا حامل ؟ ترضى علي التعب؟!
هز راسه ب يأس ينطق : اول البسي عباتك نطلع بعدين نحلها
ناظرت له بشك تنطق : و الورد؟
نطق ب ابتسامه : ابد تبين ورد ؟ اجيب لك ورد صناعي مايذبل ؟
ضحكت بخفه ترمي نفسها على السرير تنطق : لاااا اذبل قبله ، ابي كوفي و ابي ورد توليب و ليليوم و ابي كروسان عشان ما تطلع بعيالك وحمه
رفع حاجبه ب انداش : كل هذا تبينه؟ ، تقدم لها يمد يده يسحبها من يدها
: نطلع قبل تكثر طلباتك
وقفت وهي تضحك تتمسك بذراعه تنطق: وش فيها انا حامل يعني اميره
ابتسم يلف يده حول كتفها يمشيها لعلاقة الملابس ينطق : الله يعيني على الاميره وطلباتها
ابتعدت تسحب عبايتها تلسبها
-
قصر ال فهد
بعد ما نتهى من شرب فنجال القهوه نزله على الطاوله ينطق : ياعمي انا اشوف تفتح مع الشرطه موضوع كبير ماتدري يمكن يتعرضون مره ثانيه
مسح سياف وجهه بتشتت ينطق : محتار محتار وش اقول لهم ؟ بنتي راحت لهم بنفسها ماكانت تدري ارفع بيحققون معاها وبنتي ماتتحمل الضغط يكفي الي جاها
عقد حاجبه ب استغراب ينطق بجديه : لازم تبلغ ما تدري بعدين وين بيوصل الموضوع
يمكن يأذونها مره ثانيه لازم تحميها انا بساعدك ب الفتح و التحقيق بس لازم انت تروح لمركز الشرطه ...
سياف سكت لثواني يبلع ريقه بصعوبه تاه بتفكيره وتشتت يبي يساعدها بكل مايملك مايبي يأذيها الموضوع وهو عارف حالها الحين
قاطع تفكيره حمد الناطق : تبي تحمي بنتك بلغ سكوتك جريمه بحقها
رفع نظره له ينطق ب حزن : ماتتحمل ماراح تتحمل كل شي صار لها ومع التحقيق بتضيع نفسيتها اذا الحين ماتتكلم ولا تاكل كيف لو راحت للتحقيق
سكت حمد بتفهم لخوف سياف وكسرته حك جبيته بتفكير من ثم نطق : لا تطول ياعم يكون افضل ب التحقيق ومايروح اثرهم هذا مو من صالحها الاول تتجه مركز الشرطه
الثاني تتعالج من حالتها واكيد بتخف بعد ايام
سياف عض شفته السفليه صراع داخلي واضح في ملامحه يبلع ريقه ثاني مره
يكمل حمد. : إحنا نقدر نحرك الموضوع من طرفنا ، ونخليهم يتابعونه بدون
ما يضغطون عليها
~
في الداخل
مستلقية بحضن اديم مغمضه عيونها بتعب من الامس من بعد ما حكت ل والدها
وهي عيونها ماوقفت بكاء
مسحت على كتفها اديم بهدوء تنطق : اهم شي انتِ بخير وعندنا
رفعت راسها تعدل نفسها تجلس بجانب اديم تنطق : ماشفتم الي انا شفته
يخوف يخوف
جوزا ي لا تفكرين الموضوع انتهى خلاص
تنهدت اديم بهدوء تنطق : صادقه تكفين مانفتح الموضوع و اخذتي درس
هزت راسها ب الاجابه تستحقر نفسها على غبائها وسرعتها كيف ما لاحظت !!
كيف صدقت ب سهوله؟؟
رفعت نظرها ل جوزاء الناطقه : ما تبين تاكلين؟ من امس ما أكلتِ  ... بقول لهم يجهزون لك
ابتسمت بتول ب امتنان تنطق : ياقلبي عادي انا اروح
وقفت جوزاء بعجله تنطق : تعبانه انتِ ارتاحي ،
رجعت ظهرها تسنده على الاريكه ، تلتفت ل اديم تنطق : سلمان وينه ؟ امس ماشفته
رفعت اكتافها اديم بعدم معرفه تنطق بقهر : مادري عنه اخوك مسافر
شهقت بصدمه تنطق ب استغراب : كيف؟؟ ماله اسبوع متزوج ولا ما اخذها بعد وش يحس فيه غبي
تنهدت اديم ب قل حيله يتنطق : يقهر يقهر متخيله تاركها؟ حقير
بتول : مايستاهلها كيوت اخلاق ويتركها !! الله يستر منه
رن جوال اديم تمد يدها تاخذ جوالها تعبس ملامحها تلف الجوال على بتول تنطق بقهر : شوفي الطيب عند طاريه سلمانوه
نطقت بتول بعصبيه : هاتي هاتي اعلمه كيف يسافر
وقفت اديم تهز راسها ب النفي : لا لا لا داق علي انا اكلمه وبروح للغرفه
ركضت لغرفتها تغلق الباب خلفها
التفتت بتول على قدوم جوزاء تنطق : وينها اديم؟
ابتسم بتول تنطق : تكلم شوي
~
وقفت تاخذ انفاسها بسرعه ثم ترد بحده : خيرر؟
سكتت بتفاجؤ من نبرتها ينطق : اديموه وش فيك ...
قطعت كلامه : وش تبي مو فاضيه
سلمان : اتطمن عليكم
ابتسمت بسخريه تنطق : تتطمن؟؟ انت رحت ولا سألت عن اختك وش صار لها كيف رجعت ومن رجعها؟ ولا زوجتك الي تركتها وسافرت كسرتها ؟ قول من تبي تتطمن عليه
عقد حاجبه ب استغراب ينطق : وش تقولين انتِ بتول وش فيها ؟ هاه ؟ وش صار لها
اديم : لا تخاف لا ترجع هي بخير عندنا
مد كفه يمسح عيونه يهدي نفسه : اقول كلامك هذا ادق على ابوي و اعرف ... و جوزاء وش فيها ؟
ابتسمت بقهر تنطق : اوه تذكرت دق على ابوي وجوزاء بخير و ماتبيك كسرتها وجرحتها وتسأل عنها ؟ انت مو كفو تاخذها ماتوقعتها منك الصدق البنت ماتدري هي وش سوت غلط عشان تتركها هي ...
سكتت بخوف من نطق بعصبيه : اديممم خلاص انا اتصلت اتطمن مو تعاتبيني
عندي اعذاري لا تضغطين علي
بلعت ريقها اديم تسكتت ولا تتكلم
تنهد سلمان بقهر عصب عليها حاول الهدوء يرجع بعد ثواني ينطق : ادوم
ماسمع منها رد يرجع ينطق : ادوم اسف اسف انضغطت منك
اغمضت عيونها بقهر تنطق بصوت منخفض : مو انا الي استاهل للاسف
غيري يحتاجها اكثر بنت ب الصاله مفروض تتصل عليها مو علي
اخذت نفس تتجه تجلس على السرير تنطق : تحس نفسها ثقيله علينا اغلب وقتها ب غرفتها لين اناديها غصب تجلس معي ومع ابوي انت كسرتها وزعلتها و خذلتها يا سلمان حتى رقمها ما اخذته عشان تتصل عليها تدري انك حقير؟؟!
عض شفته بقهر يعرف الغلط منه ويركبه مافكر فيها ابد ولا ب مشاعرها و احاسيسها
حسب عليها وراح خذلها ! مايلقى تبرير لنفسه مايقدر يدافع عن نفسه
حك جبينه بتوتر ينطق بهدوء : اعطيني رقمها ارسليه لي ... يومين وبرجع
اديم : توصل ب السلامه ، انت اخوي واعزك بس هذا الحق
سلمان : ادري اني غلطان و استاهل ، ارسلي رقمها لي ، مع السلامه
-
اغلاق منها يرمي جواله بجانبه يضع يدينه على عيونه ب صداع يحمد ربه ان هزاع نايم ولا سمع الكلام
-
بيت عبدالله
بعد ما جهزت اغراضه اخذت ثوبه الابيض تضعه على الشماعه تنهدت بتعب تجلس على طرف السرير تضع يدها على بطنها ب الم التفت على خروج عبدالله
من دورة المياه ينشف وجهه ب المنشفه ياخذ ثوبه بسرعه يلسبه التفت عليها
ينطق : اخبارش الحين ؟ خف الالم ؟
هزا راسها ب هدوء تنطق بكذب : ايوه الحمدالله
تقدم ياخذ ساعة يلسبها و كبك ثوبه ينطق : زين اذا رجع دقي عليه اجيش
ميلت راسها بهدوء تنطق : مع مين طالع ؟
عبدالله : مع العيال
عضت على شفتها بعدم اعجاب تنطق : مين ؟
التفت عليها وهو عارف تفكيرها ينطق : لا نرجع لنفس الموضوع
اخذت نفس بقهر تنطق : عبدالله انا خايفه عليك ترجع لنفس الطريق اتركهم اتركهم
شد على اسنانه بعصبيه يدفع كرسي الكومدينو بقوه ينطق بحده : خلاص كل مره نفس السالفه ! كل شي اسويه صار يترجم عندك اني برجع؟ مايكفي التغير الي سويته عشانش ؟!
ارتجفت بخوف من عصبيته تمتلي عيونها ب الدموع وضعت كفها على بطنها لا شعورياً ، تنطق بصوت مرتجف : مو عشاني ... اول شي لله ثم لي ... انا ما ابيك ترجع للغلط وهم يسحبونك مره ثانيه
صد عنها يحاول كتم عصبيته هزته حركة يدها الي ثبتتها على بطنها
مد كفه يمسح على وجهه بتشتت يرجع يناظر لها تهزمه دموعها تنهد بقلق يتقدم لها
يقف امامها يمد كفه يرفع راسها له ينطق بهدوه : يتكسر الموضوع وانا دام ربي هداني مابرجع ان شاءالله ... هم اخوياي وقفو معي ب ضيقي قبل الفرح ب الشين قبل الزين ، واذا ربي كتب لي يمكن اغيرهم ... مثل ما انتي غيرتيني
مد كفه يمسح دموعها بهدوء ،
اغمضت عيونها تاخذ نفس عميق تهدي نفسها ترجع تفتحهم من اقترب يقبل جبينها
بخفه ، يبتسم بهدوء : و الحين يا حبيبتي تسمحين لي اطلع ؟
هزت راسها ب الاجابه تنطق ب خفوت : لا تتاخر
ابتسم يمد كفه يمسح على خدها بخفه ينطق : ابشري ياعيوني
رجع يوقف يعدل شماغه امام المرايه بسرعه و عيونه تتنقل من المرايه و من عليها
رجعت ظهرها لورا تستلقي على السرير تناظره بحب مخفي
قبل ما يفتح الباب ينطق : اذا حسيتي بشي لو وجع بسيط لا تتأخرين دقي علي و خلش عند امي تنتبه لش ... يلا ياحبيبتي انتبهي لنفش و للبيبي

-